ابويا اخد شبكتي وهرب قبل فرحي

لجوزك..
علا
لا جوزي ايه بقي ما خلاص كل واحد فينا راح لحاله وو خد جهازي واتنازلت عن القايمه دي قصاد دي..
عادل
حقك عليا علا انا اسف يا بنتي اهو ربنا جابلك حقك مني..
علا
حصل خير يا بابا كويس وجات علي قد كده المهم صحتك دلوقتي..
وفي بيت يحيي كانت مامته قاعده عنده قدام التلفزيون..
يحيي
علا حامل يا ماما..
الام
اييه وهو ده وقته مش كنا خلصنا منها خلاص..
يحيي
ودي كمان فيها وقته ومش وقته انا بجد مش عارف ازاي طاوعتك ومشيت وراكي يا ماما..
الام
اومال انت كنت عايزني اسيبهم يضحكو عليك...
يحيي
لو كانت بتضحك عليا ما كانتش اتنازلت عن كل حاجه عشان بس تطلق مني انا محدش ضحك عليا غيرك..
الام
انا يا ابني ده انا كنت خاېفه عليك وعامله حساب لمصلحتك..
يحيي
مصلحتي في ايه اني اطلق مراتي واتجوز وحده مش بحبها واظلمها معايا وكمان ابني اهو هيعيش بعيد عني..
الام بقلق
انت ناوي تعمل اسه طيب عايز ترجعها رجعها بس بنت خالتك اوعي تطلقها..
يحيي
لا هطلقها عارفه ليه عشان هي لحد دلوقتي عايشه معايا زي اختي بنت عندها كرامه عارفه اني بحب وحده غيرها وطلبت الطلاق مني..
الام بحزن
اوعي تسمع كلامها دي بنت عبيطه مش عارفه مصلحتها..
يحيي
مصلحتها بعيد عني لاني ما فيش حاجه اديهالها وانا بحب علا وهرجعها يا ماما واللي هتطلبه هي هعمله ليها وهقعدها بعيد عنك وعن كرهك ليها..
الام
هتسيب امك. يا يحيي ده انا ماليش غيرك..
يحيي
هجيلك وهزورك بس انا ما اقدرش اعيش معاكي مبسوط انا ومراتي وخصوصا بعد. اللي حصل..
وفي بيت رجاء كانت مټعصبه جدا وقالت..
رجاء
انت بتطلقني يا ابو مني ليييه ده انا اللي معيشاك بفلوسي..
الاب
ايوه طلقتك زي ما جوزتي البنت وخلتيها تطلق عشان تفكيرك المتخلف ده طلقتك وهاخد بنتي واعيش بيها لوحدنا لحد ما يجيلها ابن الحلال اللي يستاهلها..
رجاء
وانت فاكر اني هسيبلك بنتي لا دي هتفضل معايا انا وانت هتعد لوحدك ومش هتشوفها تاني..
مني
لا يا ماما انا هروح مع بابا البيت اللي هيقعد فيها ومش هقعد معاكي تاني انتي ډمرتي حياتي ديما بتقللي مني وخلتيني مش عندي حتي ثقه في نفسي انا عمري ما هسامحك..
الاب
انتي واختك زي بعض خربتو حياة عيالكم عشان طمعكم انتي طمغانه في ابنها لبنتك وهي طمعانه في اللي ورا بنتك واكبر عقاپ ليكم انكم انتو الاتنين هتعيشو بعيد عن ولادكم علي الله بقي تتعظو وتعرفو ان الله حق وتتقو ربنا..
واخد الاب مني ومشي ورجاء فضلت ټعيط علي اللي قاله جوزها وبنتها ليها..
وبعد مده كبيره كان عادل في المستشفي ومعاه علا وروحيه ودخل يحيي..
علا
هو انت ايه اللي جابك جاي تشمت فينا مش كده..
يحيي
لا يا علا انا مش جاي اشمت فيكم خالص انا جاي اطمن عليكم..
عادل
اهدو يا جماعه انا اللي كلمت يحيي وقولتله يجي وفهمته كل حاجه..
يحيي
انا اسف يا علا ومن قبل ما عمي يقولي حاجه انا كنت جاي ارجعك والله وهعملك كل اللي انتي عايزاااه ومني طلقتها وهجيب بيت بعيد عن امي..
علا
بس انت ظلمتني با يحيي وعيشتني اسود ايام حياتي بسبب حاجه انا معملتهاش..
يحيي
انا اسف حقك عليا يا علا انا سمعت لامي وندمت والله قولها حاحه يا عمي..
عادل
عشان خاطري انا يا بنتي خليني اروح وانا مرتاح..
علا
بعد الشړ عليك يا بابا ربنا يديك طولة العمر انا سامحتك انت لانك ابويا ولو عملت اكتر من كده هسامحك برضو بس هوو اا..
عادل
وهو جوزك يا بنتي وابو ابنك عشان خاطر اللي في بطنك...
علا
حاضر يا بابا عشان خاطرك انت..
يحيي
وانا والله العظيم يا علا عمري ما هزعلك تاني ولا هاجي عليكي..
_وبعد كام سنه كانت علا راجعه البيت ومعاها حماتها ام يحيي..
يحيي
كل ده بتزوري عمتك يا علا.. ايه ده ماما..
علا
ماما هتقعد معانا بعد كده يا يحيي مس نتعيش لوحدها تاني..
ام يحيي
حقك عليا يا ابني انا بس عايزه اعيش اخر ايامي جنبك انت وعيالك..
باس يحي ايدها وقال
تنوريني با امي وان ما شالتكش الارض هشيلك فوق راسي..
ام يحي
ربنا يبارك فيك انت ومراتك بنت الاصول..
علا
طيب يلا بينا بقي عشان نتغدي ونجهز عشان نروح فرح مني..
يحيي
يلا يا اجدع بنت قابلتها في حياتي..
_وفي الاخر يا اخواتي لازم نكون اتعلمنا ان اللي كان بينه وبين الله عمار وقلبه صافي هو اللي هيكسب مهما
كان اختبار الصبر اللي بيمر بيه صعب..