ابويا اخد شبكتي وهرب قبل فرحي

شغاله مش اكتر لحد ما ابوكي يظهر ويجيب الشبكه عشان انا ما يضحكش عليا واخد علي قفايا في جوازه ما استفادش منها بحاجه..
علا پبكاء
وانا ذنبي ايه طيب والله العظيم انا ما اعرفش انه كان ناوي يعمل كده..
ام يحي
انت ناوي تعمل ايه بالظبط يا يحيي..
يحيي
انا هبيع العفش ده وهسدد شويه من تمن الشبكه والبت دي تقعد عندك يا ماما تحت..
ام يحي پحده
نعممم لا انا مش هقعد واحده ايدها طويله زي دي في شقتي مش هقدر امنها علي حاجتي..
علا پبكاء
حرام عليكي انا عمري ما مديت ايدي علي حاجة حد..
ام يحيي
حرمت عليكي عيشتك يا بنت قال عمرها ما مدت ايدها علي حاجة حد اومال شبكة ابني اللي سرقتيها انتي واهلك دي تبقي ايه..
يحيي
خلاص يا ماما هي هتقعد عندك تحت لاني هتجوز مني بنت خالتي هنا..
اټصدمت علا وقالت
انت بتقول ايه حرام عليك يا يحي اللي بتعمله فيا ده والله العظيم انا مظلومه..
ام يحي وهي فرحانه
ما خلاص يا بت انتي واتنيلي قدامي علي تحت يلاااا..
علا پبكاء
لا انا مش هقتد هنا تاني طلقني وخد العفش وخد القايمه بس مش هقعد هنا وانت متجوز عليا..
يحيي بعصبيه
انا مش هطلقك ولو فكرتي تمشي هبلغ عنك وهروب ابوكي هيثبت عليكي القضيه..
علا
والله انتو كده بتظلموني انا والله العظيم ما عملتش حاجه..
ام يحي
قدامي يا بت انتي واخلصي يلا وبطلي رغي..
ونزلت علا مع ام يحي اللي زعقت فيها وقالتلها..
ام يحيي
يلا بقي روقي الشقه وبعدين جهزي الغذا انتي هنا مش مرات ابني انتي شغاله عندي وهتنامي في المطبخ..
علا بدموع
حاضر بس هو انتي ليه بتكرهيني كده ليه مش عايزه تصدقيني..
ام يحيي
عشان انا عرفاكي من زمان من اول ما ابني خطبك وباين الطمع في عينك انتي وابوكي واخلصي يلا ونضفي الشقه..
علا
حاضر يا حماتي انا كنت بقولك يا ماما بس ما فيش ام بتعمل كده زيك ابدا..
وتاني يوم في بيت رجاء خالة يحيي كانت قاعده مع جوزها وبنتها مني..
رجاء
انا مش مصدقه نفسي يحيي اتقدملك يا مني..
مني
انتي فرحانه علي ايه ده واحد ما عندوش ضمير هيتجوزني علي مراته اللي لسه عروسه...
رجاء
ده. بركة دعايا. ليكي يا هبله يحي ده ولد مهندس ومؤدب وحلو وانتي كويس ان لقيتي حد يرضي بيكي بصي لشكلك في المرايه كده..
الاب
حرام عليكي يا رجاء بنتك حلوه وطيله بس انتي بلاش تقطميها بالكلام ده لحد ما خلتيها معندهاش ثقه في نفسها..
رجاء
يا عم اقعد علي جنب بالكلام بتاع التلفزيونات بتاعك ده والبت مني هتتجوز يحيي وانا هسدله ديونه وهخليه قريب يطلق مراته الاولي وهمسكه كل الشغل بتاعنا ويبقي زيتنا في دقيقنا وما حدش غريب دخل بيتنا..
مني عيطت وقالت
يا ماما حرام عليكي انا مش عايزااه ده مش بيحبني ولا عايزني عشان خاطري او خاطرك ده هيتجوزني عشان يكيد مراته..
الاب
وانا كمان مش موافق وبنتي مش هتتجوز الجوازه دي..
رجاء بعصبيه
طيب والله العظيم لهتتجوزو وانت وبنتك تسكتو وانت ما تدخلش في اللي هعمله فاهم ولا تاخد شنطة هدومك وتروح عند امك في الحاره..
الاب پخوف
خلاص خلاص اسمعي كلام امك يا مني هي عارفه مصلحتك وخاېفه عليكي..
دخلت مني اوضتها وفضلت ټعيط علي اللي بتعنله فيها مامتها....
وبعد كام يوم كانت علا بس بتعمل شغل البيت لام يحيي بس وما كانتش بتشوف يحيي خالص لحد ما في يوم كانت في دوشه كبيره تحت..
علا
انتي رايحه فين يا حماتي وايه الدوشه اللي تحت دي..
ام يحيي
عقبال عندك يا حبيبتي جيبنا عزال مني تحت عشان هتتجوز هي ويحيي اخر الشهر الجاي..
علا بدموع
انتي برضو عملتي اللي في دماغك وخليتي جوزي اتجوز عليا منك لله..
ام يحي پحده
لمي نفسك يا بت انتي والا والله مش هرحمك وانتي يا حرام مالكيش حد ابوكي الحرامي هرب وسابكم وعمتك مش هتقدر تعملك حاجه وهي ست وبطولها..
سكتت علا ونزلت ام يحيي تحت وتاني يوم فعلا اتجوز يحيي مني اللي كانت في الجمال مش حلوه اووي زي علا وكانت زعلانه جدا واول ما دخلت الشقه مع يحيي قالتله..
مني
انا عارفن انك بتحب مراتك ومش بتحبني يا يحيي واتجوزتني عشان بس تغيظها..
يحيي
وانتي وافقتي اهو يبقي مافيش داعي نتكلم..
مني
امي اللي وافقت وانا مش موافقه ولا عمري كنت هوافق