ابويا اخد شبكتي وهرب قبل فرحي

اللي بيحصلك عشان تستغفلي ابوكي تاني..
علا
المهم دلوقتي بابا يجي معايا ويقولهم ما اخدش حاجه ...
روحيه
انتي عايزه ابوكي يروح عندهم بعد اللي عملوه ده لا انتي تقعدي هنا لحد ما يجو هما ويلمو نفسهم..
علا بحزن
طيب بابا فين هو لازم يعرف باللي حصل ده كله..
روحيه
انا مش عارفه هو نايم ليه كل ده ده اتاخر اووي بره انا حتي نمت وما حستش بيه لما جه..
خبطت علا علي اوضة ابوها وبعدين دخلت واټصدمت لما لقيت الاوضه فاضيه وكمان الدولاب فاضي..
علا
يا نهار اسود الحقيني يا عمتي بسرعه..
دخلت روحيه وهي قلقانه وقالت
في ايه يا بت انتي بتصوتي كده ليه..
علا پخوف
بابا هرب يعني هو اللي سرقها هو اللي اخد شبكتي وهرب..
روحيه
يالهوي علي الفضايح منم لله يا عادل ربنا ينتقم منك..
علا
انا كده هتطلق انا شكلي هيكون ايه قدام الناس..
روحيه
ولا هناكل ونشرب منين بس حسبي الله ونعم الوكيل فيك يا عادل ليه كده بس..
علا پخوف
طيب اقولهم ايه دي حماتي كدن كده مش طيقااني اصلا وما هتصدق تقلب عليا يحيي اكتر..
روحيه بحزن
روحي وقولي الحقيقه ولو هو بيحبك هيعذرك..
علا پبكاء
بس الخساره تقيله عليه يا عمتو هو هيجيب منين كل ده بس عشان يدفع تمن الشبكه..
روحيه بضيق
تتحل بس المهم يصدقوكي ولو ما حدش صدقك تعالي ورزقي ورزقك علي الله..
علا پخوف
طيب ما تيجي معايا والنبي انا مش هقدر اروح واواجهم لوحدي..
روحيه
تعالي يا بنتي انا مش هسيبك..
وفي بيت يحيي كان قاعد مدايق ومامته قاعده عنده..
ام يحيي
ما خلاص بقي يا ابني اكيد دلوقتي هتجيب الشبكه وتيجي دي ناس مش بتيجي غير بالعين الحمرا..
يحيي بحزن
بس ما كانش ينفع اسيبها تمشي كده يا ماما علا دي اكتر بنت حبيتها في حياتي دي مراتي ازاي بس طاوعتك...
الام
بطل عبط بقي دلوقتي مش هتندم لما تلاقيها راجعه ومعاها الشبكه...
يحيي
بس اكيد هي مالهاش ذنب في اللي حصل ده..
الام بعصبيه
انت عبيط وعيل وبيضحك عليك وهي لولا مش شيفاك راجل لولا ما عملت فيك كده ما تفوق بقي وتشوف مين اللي بيحبك ومين اللي طمعان فيك..
يحيي بدموع
لا انا راجل يا امي وهوريكي هعمل فيها ايه لو رجعت من غير الشبكه..
ودخلت علا الشقه بالمفتاح بتاعها وكانت معاها عمتها روحيه وبصتلهم ام يحيي بسخريه وقالت..
ام يحيي
اهلا وسهلا العصابه جات فين شبكة ابني بقي...
روحيه اتنهدت وقالت
اللي حصل ده بنت اخويا مالهاش ذنب فيه والله العظيم مالهاش ذنب فيه..
يحيي پحده
انا ماليش دعوه بالكلام ده فين الشبكه ده اللي عايز اعرفه...
علا پبكاء
بابا اخد الشبكه وهرب يا يحيي..
ام يحيي بغيظ
شوفت انا قولتلك ايه اهو اتختم علي قفااك يا عين امك واتنصب عليك..
روحيه
حرام عليكي يا ست ام يحيي والله العظيم بنت اخويا مالهاش ذنب انا بعترف ان اخويا احتمال كبير ان هو اللي عمل كده بس علا والله مالهاش ذنب..
يحي بجمود
معني كلامك ان مافيش شبكه صح تمام افضلي بره بقي ومراتي انا هعرف اربيها كويس..
روحيه
انت ايه اللي بتقوله ده انا بنت اخويا متربيه احسن تربيه وبقولك هي مالهاش ذنب في اللي عمله ابوها ده..
يحيي پحده
وانا بقولك اتفضلي بره ومالكيش دعوه باللي هيحصل بيني وبين مراتي..
علا پخوف
خديني معاكي يا عمتي انا مش هقعد هنا..
يحي بعصبيه
عليا الطلاق بالتلاته يا علا لو اتحركتي بره البيت لهكون مبلغ فيكي انتي وابوكي علي الشبكه اللي اتسرقت واتبهدلت..
روحيه
انت بتهددنا طيب هي مش هتقعد هنا واخرك اعمله..
يحيي
تمام انا طالع علي القسم وبنت اخوكي هتبات في القسم النهارده..
علا بحزن
خلاص يا عمتي ارجعي انتي البيت وانا هقعد هنا..
يحيي
شاطره اتفضلي يا مدام روحيه..
روحيه بدموع
حسبي الله ونعم الوكيل فيك وفي ابوها هي راحت بينكم في الرجلين..
ام يحي
ما تسمعي الكلام يا وليه انتي يلااا بره..
طلعت روحيه وهي مش عارفه تعمل ايه وعلا كانت قاعده خاېفه من اللي ممكن يعمله يحيي فيها..
ام يحيي
ما كفايه بقي يا بت دموع تماسيح احنا خلاص كده عرفناكي علي حقيقتك..
مردتش عليها علا وقالت ليحيي
انت هتعمل ايه يا يحيي انت لو طلقتني انا مش عايزه منك حاجه مش هاخد منك حاجه..
ام يحيي بسخريه
وكمان عايزه تاخدي حاجه انتي تحمدي ربنا ان ابني طيب وعلي نياته وساب حقه..
يحيي
لا انا مش هسيب حقي وهطلع وهبلغ في ابوكي يا علا وهتفضلي ننا عندي