ابويا اخد شبكتي وهرب قبل فرحي

بيك وانت متجوز وبتحب غيري..
يحيي
انتي عايزه ايه دلوقتي يا مني..
مني
انا مش عايزاك واظن انك فاهمني ولما مشكلتك مع مراتك تتحل طلقني..
يحيي
انتي ايه اللي بتقوليه ده انتي بقيتي مراتي دلوقتي وانا مستحيل اطلقك وبطلي كلام الافلام ده..
مني
خلاص يبقي طلق علا يا انا يا هي بعد اذنك هنام في اوضة الضيوف....
سابته ومشيت وهو وقف مدايق مش قادر يطلق علا وبنت خالته مش هيقدر يطلقها ويخسر خالته وهي مالهاش ذنب..
يحيي كلم نفسه وقال
مدام اتجوزت مني يبقي كمل معاها هي مالهاش ذنب.. انما علا بقي في دي لسه حسابها معايا تقيل..تاني يوم الصبح دخلت ام يحيي اوضة علا وزعقت فيها وقالت..
ام يحيي
انتي لسه نايمه قومي فزي يلا عشان نجهز الفطار للعرسان....
قامت علا وقالت
انا ماشيه رايحه عند عمتي مش هقدر اتحمل اللي بيحصل ده انتو ما عندكمش رحمه..
ام يحيي
قولي لنفسك الكلام ده ضحكتي علي ابني واخدتي منه شقي عمرك والله واعلم انتي وابوكي ناوين علي ايه تاني..
علاء بدموع
ابويا هو كمان ما فرقش عنكم كلكم تعبتوني..
ام يحي
انتي لسه هترغي يا بت انتي ما تخلصي يلااا وتعالي ورايا..
علا
انا مش هقعد هنا تاني شبكتي خدها ابويا اخدتو مكانها العفش..
ام يحيي
وانتي هتقارني العفش بتاعك بتمن الدهب ده ما جابش النص..
علاء پبكاء
مش عايزه منكم قايمه ولا اي حاجه ولا حتي هدومي وكده نبقي خالصين بس كفايه بقي خلوني امشي..
ام يحيي
انا اصلا مش طيقاكي عندي بس هقول لجوزك يطلقك خلينا نخلص منها الجوازه الهم دي..
علا
هيوافق هو اصلا دلوقتي اتجوز وحياته هتتظبط لما انا امشي من هنا..
ام يحي بضيق
انتي بتمثلي عليا انا كمان لا مش هتصعبي عليا علي فكره انا مش عبيطه زي ابني عشان اصدقك..
علا
انا همشي اروح بيت عمتي وقوليلو اني مشيت...
ام يحيي
انتي هتمشي تروحي فين بس دلوقتي استني جوزك ينزل واتفقو...
علا پبكاء
ابوس ايدك انا مش عايزه اشوفه ولا اشوف مراته لو في قلبك شوية رحمه خليني امشي انا قلبي فيه اللي مكفيه مش ناقصه حزن..
ام يحيي بضيق
امشي وانا هقوله بس مشيتي وانا نايمه تمام..
علاء مسحت دموعها وقالت
حاضر وانا هقول كده برضو..
ومشيت علا ورجعت بيت عمتها ونزل يحيي عند مامته وكان مدايق جدا وحاسس انه ظلمها وان مالهاش ذنبومش هي بس هي ومني اللي اتجوزها وهو مش بيحبها..
يحيي
هي فين علا يا ماما انا بقالي كام يوم ما شوفتهاش..
الام
كانت موجوده امبارح بس الصبح ما لقيتهاش..
يحيي اتعصب
يعني ايه يا ماما مش تخلي بالك منها وبعدين ازاي تمشي او تخرج من البيت من غير ما تقولي..
الام
هو انت كنت معيني الحارس بتاعها ولا ايه وبعدين هي اخدت شوية هدوم معاها تلاقيها راحت عند عمتها..
يحيي
طيب انا رايحلها ويومها مش معدي معايا النهارده..
وفي بيت روحيه جهزت فطار لعلا وقعدت جنبيها علي السرير وقالتلها وهي زعلانه اووي علي حالها..
روحيه
يا زين ما عملتي اصلا لو بلغ هو مش معاه دليل انك شريكة ابوكي.. وانا كلمت المحامي وقالي نقول ان ابوكي مسافر وما نعرفش عنه حاجه ومالناش دعوه بالقضيه..
علا بحزن.
انا صعبان عليا منهم كلهم من ابويا اللي طمع في الفلوس وما فكرش انا هيحصلي ايه بعد ما يعمل كده ومن يحي حب عمري كله اللي صدق اني ممكن اخدعه واضحك عليه...
روحيه
كله من امه دي وليه قرشانه من كل قلبي داعيه عليها..
وفجاه الباب خبط وقامت روحيه فتحت وكان يحي..
روحيه
اهلا وسهلا يا عريس صباحيه مباركه خير في حاجه ولا ايه...
يحيي
مراااتي فين انا جاي اخدها وامشي..
روحيه
مراتك دي تنساها خالص بعد اتهامك ليها بحاحه معاملتهاش وانك تتجوز عليها وتخليها تشتغل عند. امك تنضف وتروق انسي انها ممكن تسامحك..
يحيي بسخريه
هو انتو بتكدبو تصدقو ولا ايهانتو اللي ضحكتو عليا انا اشتريت وانتو اللي بعتو..
روحيه
اللي شاري عمره ما يعمل اللي انت عملته انت وامك ده بس خلاص كده كفايه عايز تبلغ روح بلغ والمحاكم بينا بس بنت اخويا ترجع عندكم تاني مستحيل..
يحيي بقلق
هي فين طيب انا عايز اكلمها و..
زعقت فيه روحيه وقالت
عندك هنا انت مش هتشوفها تاني هي مش لعبه في ايدك انت اتجوزت عليها وظلمتها بس لحد هنا خلصنا خلاص علا دي غاليه اووي وانت ووابوها ما تستهلوهاش..
يحيي
والمطلوب ايه بقي هي عايزه تطلق..
روحيه
كلك مفهوميه اكيد طبعا