ابويا اخد شبكتي وهرب قبل فرحي

عايزه تطلق اصلها مش ناقصها حاجه عشان تعيش معاك وانت متجوز عليها..
يحيي
ماشي اللي عايزاني واكيد هي سمعاني تتنازل عن كل حاجه وانا هطلقها في المحكمه بعد. اذنك..
مشي يحيي ودخلت روحيه عند علا لقيتها قاعده بټعيط حضنتها وقالت..
روحيه
اوعي ټعيطي عليه والله ما يستاهل دمعه واحده من عينيكي عليه..
علا بحزن
انا بعيط علي حظي اللي رماني مع اب وزوج اسهل حاجه عندهم يظلموني..
روحيه
اصبري يا بنتي وربنا كبير وهيعوضك..
وتاني يوم راحو المحكمه واتنازلت عن كل حاجه في حقوقها ليحيي وهو طلقها والمحامي قال لعلا..
المحامي
ليه بس يا مدام علا تتنازلي ده انتي كان ممكن تاخدي القايمه كلها منه انه اتجوز عليكي..
علا بدموع
انا حقي عند بابا هو اخد الشبكه اللي في القايمه ومشي خلاص بقي كل واحد اخد حقه وانا الحمد لله خلصت منه..
روحيه
خلاص بقي يا متر احنا كده ضميرنا مرتاح واحسن من اننا ناخد فلوس وحد مظلوم..
قالت كلامها وبصت ليحيي ومامته ومشيت ويحيي كان مدايق وقال لمامته..
يحيي
انا ظلمت علا يا ماما هي مالهاش ذنب في اللي عمله باباها بس اا..
الام
تاني يا يحي انت مش هتحرم خالص ده انت المفروض تروح البيت تصلي ركعتين شكر انك خلصت منهم هي وابوها والحربايه عمتها..
وفي شقة مني كانت عندها باباها ومامتها اللي كانت فرحانه جدا وقالت..
رجاء
والله انتي ربنا بيحبك يا بت يا مني اهو طلق مراته الاولي من غير ما نعمل حاجه وبقيتي انتي مراته لوحدك..
مني
بس هو بيحب مراته الاولي يا ماما مش بيحبني اناا..
رجاء
خليه يختي يحبك. انتي ما تبقيش خايبه زي ابوكي ويا سلام بقي لو خلفتي منه عيل بسرعه كده هتبقي الكل في الكل عنده..
الاب
اسمعس كلام امك يا مني عشان تبقي شاطره زيها مش خايبه زي ابوكي..
رجاء بضيق
اهو ده اللي انت فالح فيه تتريق عليا وبس وانتي يا بت تسمعي الكلام اللي بقولك عليه اهي السكه فضيت قدامك تكسبي جوزك وتخليه يبقي زي الخاتم في صباعك..
اتنهدت مني بضيق وقالت
حااضر يا ماما اللي انتي عايزاه هعمله..
وعدي شهر في التاني ويحيي كان ديما قاعد مدايق قربت منه مني وقالت..
مني
يحيي ماما قالتلي اكلمك في موضوع المحلالت بتاعتها اللي عايزك انت تمسكهالها..
يحيي بجمود
انتي عايزه تطلقي ولا تفضلي علي زمتي ولو هتفضلي مراتي تبطلي سغل العيال وانك تنامي في اوضه وانا في اوضه تانيه..
مني بدموع
انا عارفه انك بتحب مراتك وان حتي لو ما كنتش بتحب علا انت ما كنتش هتتجوزني عشان انا مش حلوه زي بنات اليومين دول..
يحيي
ايه اللي انتي بتقوليه ده مين قالك انك مش حلوه انتي جميله اووي ومحترمه ومتربيه والف مين يتمناكي..
مني
اذا كانت ماما نفسها هي اللي بتقولي كده عي اللي ديما مخلياني وحشه في نظر نفسي..
يحيي
سيبك من كلام خالتي رجاء خالص انتي عايزة تكملي معايا يا مني ولا لا..
مني
لا يا يحيي عشان انت لسه بتحب علا وانا اتمنالك ترجعها تاني عشان تبقي مبسوط ووقت ما تكون جاهز تطلقني انا حاهزه..
وفي بيت روحيه كانت علا قاعده بټعيط وقالتلها روحيه بضيق...
روحيه
اهدي طيب دي ارادة ربنا يا بنتي هنقوله لا..
علا
يعني ليه ابقي حامل دلوقتي وبعد ما اطلقت يعني هو كويس يا عمتي اني اربي ابني لوحدي..
روحيه
لا انتي اول ولا اخر اللي ربو عيالهم لوحدهم وربنا يرزقك بابن الحلال اللي يبقي اب لابنك وراجل بجد...
علا
هو انا كده لازم اقول ليحيي علي الخبر ده صح..
روحيه
للاسف ايوه ده خقه وعشان يعرف ان في ولد هيبقي مسؤل منه بعد كده..
والباب خبط وقامت روحيه فتحت ولقيت عادل قدامها وكان شكله تعبان جدا..
روحيه
عادل مالك يا اخويا تعالي ادخل..
علا
بابا مالك ايه اللي عمل فيك كده..
عادل قعد وفضل يعيط وقال
انا اسف حقكم. عليا انا طماع وما استهلش قلقكم ده وربنا رد. اللي عملته فيا..
علا
مالك بس يا بابا فيك ايه يا حبيبي..
عادل
اخدت الفلوس وروحت اتجوزت بيها بنت كنت عارفها من علي النت بس طلعت نصابه وكانت بتديني ادويه غريبه وتقولي فيتامينات لحد ما طلعت حاجات بوظتلي جسمي وجابتلي امړاض مالهاش اي علاج واخدت فلوسي وهربت..
روحيه
يا حول الله يا رب كان بس عليك ايه من الاول يا اخويا..
عادل پبكاء
حقك عليا يا بنتي انا ممكن اعمل اي حاجه ارجع بيها الفلوس دي