ابويا اخد شبكتي وهرب قبل فرحي

تتجوز وتخليني. اجهزها من غير ما اطلع بمصلحه من. الجوازه. دي...
ويوم الفرح جات رجاء خالة يحيي وبصت علي الاكل والحاجات اللي جايبنيها اهل علا وقالت..
رجاء
هو ايه ده يا ام يحي هي في عروسه تروح ويوم دخلتها تجيب معاها جوز حمام وفرخه..
ام يحيي
لا وتلاقيها كمان ابني العبيط هو اللي دافع تمنهم واكتر من تمنهم وهما اخدو الباقي في بطنهم..
رجاء
استني هخلي البت مني تطلب اكل من. بره واجيبه ليحيي ده عريس ولازم شقته تبقي كلها اكل..
ام يحيي
والله مش عارفه اقولك ايه يا رجاء ربنا يخليكي ليا يا اختي يا حبيبتي..
رجاء
ما تقوليش حاجه يا حبيبتي يحيي ده ابني..
راحت رجاء لمني اللي قالت
عيب كده يا ماما اخدتي نص الاكل وخبتيه وخليتي خالتي تقول كده علي العروسه..
رجاء
اسكتي انتي يا بت انتي مش فاهمه حاجه واطلبي الحاجات اللي هقولك عليها دي..
مني
مش طالبه حاجه الموبيل معاكي واعمليه اللي عايزاه انا نازله تحت استني العروسه والعريس..
رجاء
انزلي ما انتي عبيطه وهبله ومش عارفه حاجه بس ابن اختي مش هياخد غير بنتي برضو..
وبعد شويه دخلت علا ويحيي شقتهم ويحيي مسك ايدها وقال..
يحيي
ده اسعد يوم في حياتي يا حبيبتي..
علا
وانا كمان يا حبيبي وبكره هتاخد الشبكه دي ترجعها عشان الديون اللي عليك..
يحيي
يا حبيبتي خلي الشبكه معاكي وانا هسحب من الفلوس اللي معايا في البنك..
علا
وانا هعمل ايه بالدهب يا حبيبي كفايه انك انت معايا..
يحيي
انتي احسن بنت انا شوفتها في الدنيا يا حبيبتي ربنا يخليكي ليا يا حبيبتي..
وتاني يوم طلعت ام يحيي عند علا وقعدت معاها وسالتها..
ام يحيي
اومال يحيي فين هو نايم ولا فينه بالظبط..
علا
لا يا ماما هو نزل راح مشوار مهم وجاي علي طول..
ام يحيي
وانتي يا بنتي ازاي بس تسبيه ينزل وهو لسه عريس كده..
علا
مش هتتكرر تاني يا ماما والله بس لما يجي قوليلو ما ينفعش يسيبني وينزل وانا لسه عروسه..
ام يحي
اكيد طبعا هقوله هو عايز الناس تاكل وشنا ولا ايه..
وفي الوقت ده دخل يحيي وكان متعصب جدا وزعق في علا وقال..
يحيي
انتي بتضحكي عليا انا يا علا بتستغفليني اناا..
علا پخوف
انت ليه بتقول كده. يا يحيي انا عملت ايه بس..
يحيي بعصبيه
الشبكه يا هانم اللي مديهالي ارجعها عشان اسد ديوني طلعت دهب صيني انتو تضحكو عليا انا...علا پبكاء
انت بتقول ايه يا يحيي والله العظيم الشبكه هي اللي انتو جيبتوها..
يحيي بعصبيه
بطلي كدب بقي انتي واهلك سړقتوني يا علا..
ام يحيي
عشان بعد كده تصدق امك اهم ضحكو عليك وخسړت شقي عمرك..
علاء
والله العظيم ما اعرفش حاجه انا الشبكه كانت عندي وكمان بابا اخدها اتاكد انها دهب ولا لا وو..
قاطعها يحيي وقال
ايوه اضحكو عليا بقولك. ايه انتي تروحي دلوقتي عند. ابوكي وتجيبيلي منه الشبكه بتاعتي انتي فاهمه ولا لا..
علا پبكاء
انت هتمشيني دلوقتي من هنا تاني يوم جوازي يا يحيي انت اكيد مش هتعمل فيا كده اكيد مش ههون عليك..
يحيي بدموع
ما انا هونت عليكي وضحكتي عليا وضيعتي شقي عمري انتي وابوكي..
علا پبكاء
والله العظيم ما حصل ولا اعرف ان الشبكه مش دهب انا اول مره اسمع الكلام ده منك انت دلوقتي..
ام يحيي
انتي هتعمليهم علينا يا بت انتي امشي من هنا يلاااا وهاتي الشبكه شقي عمر ابني وقتها ارجعي براحتك..
علاء قالت ليحيي
انت هتخليني امشي يا يحيي انت هتخليني اعمل الكلام اللي بتقوله مامتك ده..
يحيي بضيق
ما مبقاش ليا عين ادافع عنك يا علا وامي معاها..
دخلت علا وغيرت هدومها وراحت بيت اهلها ولما عمتها فتحتلها اټصدمت وقالت..
روحيه
يالهوي انتي ايه اللي رجعك ده انا كنت لسه هصحي ابوكي ونجيلك نطمن عليكي..
علا پبكاء
فين بابا يا عمتي الشبكه طلعت دهب صيني..
روحيه
ازاي يعني الكلام ده وبعدين واحنا مالنا مش هو يحيي اللي ودانا عند الصايغ معرفته ما يمكن هو اللي اتضحك عليه احنا مالنا..
علا عيطت وقالت
يحيي ومامته متهميني انا وبابا اننا احنا اللي سرقنا الشبكه يا عمتو..
روحيه بعصبيه
حسبي الله ونعم الوكيل ليه بس الافتري ده منهم لله كسرو بنفسك يوم صبحيتك وبعدين هو ايه اللي خلاه ياخد الشبكه تاني يوم ويروح يرجعها..
علا بحزن
عشان هو جابها من الصايغ رهان وكان متفق معاه هيرجعها تاني يوم الفرح والا هيدفع فوق تمنها النص..
روحيه بغيظ
وانتي كنتي عارفه بالكلام ده وساكته طيب والله تستاهلي