ابويا اخد شبكتي وهرب قبل فرحي

بس خلونا الاول نتعرف علي بطلتنا النهارده واللي اسمها علا وعندها اربعه وعشرين سنه وحيدة باباها وعايشه معاهم عمتها اللي ربتها بعد ما مامتها راحت وهي بتولدهاومخطوبه ليحيي زميلها من ايام الجامعه..
وفي يوم راح عندهم يحيي ومامته عشان يتفقو علي كتب الكتاب والشبكه واللي حصل..
عادل الاب
انا بنتي لازم تجيلها شبكه كبيره الناس كلها تحكي وتتحاكي عليها..
يحيي
يا عمي قيمة علا عندي اغلي من اي شبكه وبرضو اللي هي هتشاور عليه بكره هجيبهولها..
عادل
لا نتفق عليها وعلي سعرها من الاول هنا عشان ما نروحش بكره عند. الصايغ وتحصل مشاكل..
وقالت روحيه عمتها
يا عادل ربنا ما يجيب مشاكل ان شاء الله وبعدين الشبكه كده كده هتبقي في بيت العريس يعني حاجات كلها مناظر..
ام يحيي
والله احنا ما تفرقش معانا الحاجات دي عادي نجيب شبكه كبيره بس ما تتحطش في القايمه..
عادل بعصبيه
وليه بقي ان شاء الله هي مش الشبكه دي حق بنتي..
ام يحيي بغيظ
بقولك ايه يا حج انا ساكته من الصبح ومش راضيه اتكلم اصلا الشبكه دي بتبقي هدية العريس للعروسه يجيبها قليله كبيره هو وذوقه مدام مش هتضاف للقايمه انما بقي تبقي حضرتك كاتب القايمه بالشئ الفلاني وعايز تحط عليها تمن الشبكه لا ده يبقي افتري..
عادل وقف وقال
بقي انتي جايه تغلطي فيا في بيتي طيب ايه رئك بقي ان انا ما عنديش بنات للجواز..
علا پخوف
ايه اللي انت بتقوله ده يا بابا..
روحيه قربت منه وقالت
الكلام اخد وعطي يا عادل وصلو علي النبي مش كده يا اخويا..
عادل
عليه الصلاة والسلام بس برضو انا عند. قراري القايمه تضاف عليها الشبكه..
ام يحيي بضيق
اللي تشوفه يا حج بس انا ابني مش هخليه يتدبس في حاجه زي دي وهو لسه بيبدأ حياته..
عادل
يبقي اتفضلو من غير مطرود بره البيت..
علا
يا بابا حرام عليك ليه كده انا اسفه يا طنط انتي ويحيي..
يحيي بحزن
شايفه ابوكي بيعمل ايه يا علا بجد كتر الف خيركم..
ام يحيي بعصبيه
يلا بينا يا ابني اهي اتحسبت علينا خطوبه وراحت ياريتك كنت سمعت كلامي مالها مني بنت خالتك بس....
ومشي يحيي ومامته وعلا قالت لباباها وهي بټعيط..
علا
ليه كده بس با بابا انت هارف اني بحب يحيي وانا هعمل بيها ايه الشبكه الكبيره وهو مش بيحبني..
عادل ببرود
بلا حب بلا كلام فاضي انا ابوكي وخاېف علي مصلحتك الواد ده ابن امه وانا لازم اكسر مناخيرهم واضمنلك حقك..
روحيه
ما انت كده طفشت الواد منها يا عادل اقول عليك ايه بس كسرت بخاطر البنت..
عادل
لو شارينها هيرجعو وهيعملو اللي احنا عايزينه..
علا پبكاء
وطمن يا بابا هما مش هيرجعو تاني خلاص..
وفي بيت يحيي كان قاعد مدايق ومامته قربت منه وقعدت جنبيه وقالتله..
الام
يا حول الله يارب منه لله الراجل ده هو وبنته..
يحيي بحزن
وهي مالها علا بس يا ماما ذنبها ايه في اللي بيعمله ابوها ده..
الام پحده
ما تبقاش عبيط اووي كده هي اكيد هي وابوها وعمتها متفقين من بدري علي موضوع الشبكه والقايمه ده وبتمثل قدامك انها مش عايزه عشان. تخليك توافق..
يحيى
لا لا يا ماما انتي ما تعرفيش علا دي طيبه اووي وغلبانه بس هو باباها اللي بيحب الفشخره وانه يامر ويتامر..
الام
يلا اهو راحو لحالم وربنا يسعدها بعيد عنك...
يحيي
بس انا مش هسيب علا يا ماما انا هتجوزها واللي يحصل يحصل..
الام بعصبيه
نعمم انت عايز تخليهم يضحكو عليك لاا انا مستحيل ارضي بحاجه زي دي ابدا..
يحيي
وانا اعمل ايه انا مش هقدر اسيب علا ولو علي اللي طلبو باباها معلش انفذه ليه وكده كده علا بنت اصول ومش هتستخسر فيها الشبكه بعد الجواز اخدها اسد بيها ديوني..
ام يحيي
لا بقي ده انت ذودتها اووي هي البنت دي ايه سحرالك ولا تكونش سحرالك وبعدين افرض حصلت بينكم. مشكله وطلبت تاخد القايمه كلها هتعمل ايه يا فالح..
يحيي
مش هيحصل كده وبعدين انا مش هتجوز عشان اطلق انا وعلا هنعيش مبسوطين وما فيش حاجه ممكن تنكد علينا..
ام يحيي
انا قولتلك اهو بلاش وياريت تسمع كلامي بدل ما ټندم..
يحيي
ربنا ما يجيب ندم يا ماما انا هروح بكره واتكلم مع الراجل واعمله اللي عايزه وهو لما هتبقي بنته في بيتي مش هيقدر يعمل حاجه..
ام يحي.
هات العواقب سليمه والنبي بارب ده انا ما حلتيش غيره..
وتاني يوم راح