اكتشفت جوزي متجوز ومخلف

البت اللي جوه يلا اخلصي ما تبصليش كده بوشك ده..
دخلت نهي المطبخ وقالت اللي حصل لهيام اللي قالتلها بسخريه..
هيام
ادي بنتك اللي مستحمله عشانها الغلب ده كله ابسط حقوقها وانها تتعلم وانتي مش قادره اهو تعملي حاجه..
نهي عيطت وقالت
خلاص بقي يا هيام سبيني في همي..
هيام
اسمعي مني واطلقي منه والله هتعيشي انتي وبنتك في راحه..
نهي
بس يا هيام البنت محتاجه ابوها جنبيها برضو وانا مش هحرمها منه..
هيام
والله العظيم انا ما شوفت في غباءك يا نهي..
وبعد كام يوم كان كمال بايت عند هيام ودخلت هي الحمام وطلعت البرشام عشان تاخد حباية منع الحمل بس فجاه الباب اتفتح عليها وهي خبت البرشام اللي في ايدها ورا ضهرها..
كمال
اللي مخبيااه ده يا بت انتي..
هيام پخوف
ها لا لا انا بس بطني وجعااني وكنت باخد برشام مسكن..
كمال
برشام مسكن ولا منع حمل يا هانم...
هيام
اللي انت عايز تفهمه افهمه..
كمال
بتاخدي حبوب منع حمل عشان ما تخلفيش مني ده انتي يومك مش فايت..
وبعد شويه كانت واقفه هيام قدام قسم الشرطه ووشها كله كدمات ودخلت عملت بلاغ في كمال وبعدين رجعت بيتها..
صفاء
منك لله يا هيام مش هنلاقي ناكل..
هيام
اطمني بعد ما هطلق منه انا لقيت شغل وهشتغل وهصرف علي اخواتي ومش هخليكي تبيعيهم عشان الفلوس يا ماما ورجوع عن المتخلفين اللي هناك دول مش هرجع..
صفاء
ماشي يا هيام اما نشوف اخرتها معاكي..
وبعد كام يوم في بيت كمال كان قاعد متعصب وقال لنعيمه..
كمال
اطلقت واخدت قايمتها كلها والشبكه..
نعيمه
وانت ازاي توافق تديها كل ده..
كمال
ما يا كنت هوافق يا هيتقبض عليا انا فكرتها هتمشي تروح بيت اهلها انما دي رلحت بلغت عني..
نعيمه
كان يوم اسود يوم ما اختارتها وجوزتها ليك دي مايه من تحت تبن..
كمال
انتي يا زفته ياللي اسمك نهي..
نهي بقلق
نعم يا كمال في حاجه ولا ايه..
كمال
غوري جهزي الحمام وطلعيلي هدوم عايز استحمي لا بسرعه بدل ما اقوملك..
نهي پخوف
حح حاضر علي طول اهو هجهزه..
وبعد كام سنه نزلت هيام من العربيه بتاعتها قدام مصنع كبير وكانت حامل في الشهر التامن ودخلت جوه قابلها واحد شكله حلو
حسن
ايه بس اللي نزلك هنا يا حبيبتي ليه ما ارتاحتيش..
هيام
هو البيه ناسي ان النهارده معاد. الدكتوره عشان نطمن علي البيبي..
حسن
يا نهار مش فايت دقيقه وحده بس اجيب مفتاح عربيتي واجيلك..
هيام
بقولك ايه هو المصنع ده ما فكركش بحاجه..
ابتسم حسن وقال
طبعا فكرني باحلي يوم في حياتي لما جيتي اشتغلتي هنا عندي وحبيتك من اول نظره يا احلي واطيب بنت شوفتها في حياتي..
هيام
ربنا يخليك ليا انا ربنا عوضني بيك انت تن كل اللي شوفته. ويلا بقي هات المفتاح وتعالي..
رلسها وقال
حاضر يا هيام ثواني وجاي وراكي..
_وفي اخر القصه ياريت نكون اتعلمنا منها واستفدنا وبلاش نختار الضعف والاستسلام زي ما عملت نهي اللي هتفضل طول عمرها خسرانه لانها اختارت تيجي علي نفسها وانما الطريق اللي اختارته هيام كان الصح وانها تواجه مشاكلها وتقف قدامها وتحلها وكسبت نفسها وراحتها في الاخر..