اكتشفت جوزي متجوز ومخلف

لجوزك شوفيه عايزك في ايه وانتي يا نهي جهزيلهم فطار دول لسه عرسان برضو..
نهي بهدوء
حاضر يا حماتي من عينيا..
وبعدين ميلت علي هيام اللي عينيها كلها دموع وقالت بصوت واطي..
نهي
معلش يا هيام روحي بس عشان ما تحصلش مشاكل تاني معاكي زي امبارح..
هيام مسحت دموعها وقالت
حاضر يا نهي رايحه اهو..
مشيت هيام وراحت اوضتها وكان كمال قاعد هناك ولما دخلت بصلها من فوق لتحت بتريقه وقال...
كمال
ياريت تكوني عقلتي بقي وبطلتي امور الجنان بتاعتك عشان صعبتي عليا اتقل منك كتير اووي امبارح وكفايه كده...
هيام دموعها نزلت علي وشها وقالت
انا لو هعيش معاك هنا هيكون ڠصب عني عشان مش عايزاك. انت ترضاها. علي نفسك تعيش مع وواحده مش عايزاك...
كمال ببرود
ايوه ارضاها عادي بس لو نطقتي بالكلام ده تاني هتشوقي وش عمرك ما هتتخيليه واللي حصل فيكي امبارح هيكون اهون من اللي هعمله فيكي وقتها...
سكتت هيام واستسلمت لحياتها مع كمال وبقيت تعمل كل اللي يطلبه منها هو ومامته الحجه نعيمه وهي ساكته لا بتشتكي ولا بتتكلم لحد ما في يوم كانت بتجهز الاكل في المطبخ ودخلت نهي وقالتلها..
نهي
بت يا هيام انتي مزعله الست اللي اسمها نعيمه دي في حاجه..
هيام
لا ابدا والله يا نهي ما هوو علي ايدك اهو انا ما بقولش غير حاضر ونعم.. بس حصل ايه عشان تقولي كده..
ردت عليها نهي وقالت
مش عارفه بس هي لما كمال رجع من الشغل مسكته وفضلت توشوش فيه بصوت واطي وبعدين هو اتعصب و قالي ادخل اندهلك و اقولك انهم عايزينك بره ضروري...
هيام بقلق
ربنا يجيب العواقب سليمه انا مش ناقصه نكد اصلا..
طلعت هيام ووقفت قدامهم وقالت وهي قلقانه من بصاتهم ليها..
هيام
نعم يا كمال نهي قالتلي انك عايزني..
كمال
هي كلمه يا بت انتي واياكي تكدبي عليا فيها انتي بتاخدي حاجه تمنع الحمل..
هيام پخوف
لا طبعا واخد ليه حاجه زي كده هو انت اجبرتني علي حاجة يا كمال انا خلاص بقيت عايشه معاكم برضايا وبقول حاضر ونعم..
نعيمه اتعصبت وقالت
اوماال ايه قلة الخلفه دي ياا بت ده انتي بقالك اربع شهور متجوزه
هيام عيطت وقالت
وانا اعرف منين بس يا حجه نعيمه كنت هدخل كمان في ارادة يبنا ولو عايزيني اروح للدكتور وتسألو اذا كنت باخد الحاجات دي ولا لا انا ما عنديش مانع..
وقفت نعيمه وزعقت فيها وقالت
انت هتستهبلي ياا بت ما انتي اكيد عارفه ان الحاجات دي الدكاتره ما بتعرفهاش..
هيام عيطت اكتر وقالت
وانا اعرف منين برضو حاجه زي دي يا حجه دا انا اول مره اتجوز وكنت بتكسف اتكلم في الحاجات دي مع امي طيب انت يا كمال مصدق كده عليا..
وقف كمال وطبطب علي كتفها وقال
خلاص يا هيام ما تزعليش انا مصدقك ونبقي نروح لدكتوره نطمن علي موضوع تأخير الخلفه ده ماشي
هيام
حاضر وهروح اكمل تجهيز الاكل..
دخلت هيام المطبخ وكمال قال لنعيمه
خلاص بقي يا امي البنت طلعت مظلومه اهوو وبعدين دي مش فاهمه حاجه ولسه صغيره هتجيب ازاي الحاجات دي وتاخدها من ورايا وهي لسه خام ومش فاهمه حاجه..
نعيمه بغيظ
احلق شعر راسي كله ان ما كانت البنت دي بتاخد حاجه زي دي..
وفي المطبخ مسحت هيام دموعها وقالت لنهي وهي مبسوطه..
هيام
ايه رئيك يا بت يا نهي اعرف ابقي ممثله..
ضحكت نهي وقالت
ههههههههه ايوه تعرفي اووي كمان. بس حماتك مش ساهله ومدام. حطت الموضوع في ماغها. يبقي هتفضل ورااه لحد ما تعرف الحقيقه..
هيام
تحطه زي ما هي عايزه انا مش هبطل اخد المانع بتاع الحمل ده لحد ما يلاقوش مني امل اني اجيبلهم عيال ويطلقني واروح لحالي..
نهي
يا اختي يا ريتني عرفتك. من زمان بافكارك دي كان زماني مش مربوطه بالبيت ده بحاجه...
هيام
انتي مش بتقولي ابوكي راح روحي اقعدي عند امك وقدمي فيه بلااغ وانه بيمد ايده عليكي واطلقي منه..
نهي
يالهوي يا هيام عايزاني اسيب بنتي واطلق..
هيام
بنتك في حضانتك يا غبيه وكمان هو هيفضل يصرف عليها لحد ما تتجوز...
نهي
بقولك ايه يا هيام دي حياتي وانا راضيه بيها وخليني بعيده عن المشاكل احسن انتي قلبك جامد انما انا بقول يا حيطه. داريني..
هيام
براحتك يا نهي بس كل ده في الاخر هيجي علي دماغك انتي لما هتقعي هيرموكي في الشارع من غير ما يسمو