اكتشفت جوزي متجوز ومخلف

عليكي..
نهي بضيق
انا رايحه اشوف حلا صحيت ولا لسه نايمه..
وتاني يوم اخد كمال عشان وراحو للدكتوره اللي كشفت علي هيام وقعت هيام وكمال قدامها وقالت..
هيام
طمنيني يا دكتوره انا سليمه صح هلدر اخلف واملي البيت عيال لجوزي..
الدكتوره
ايوه انتي ما عندكيش ولا عيب وفي اي وقت يمكن يحصل حمل اكمنو يا جماعه بس لسه ربنا ما ارادش..
كمال
الله يطمنك يا دكتوره وان شاء الله قريب نيجي نتابع عندك علي حمل المدام..
الدكتوره
ان شاء الله يا بشمهندس كمال..
طلعت هيام مع كمال بره العياده وسالته
هي الدكتوره دي انت تعرفها..
كمال
ايوه دي اخت واحد صاحبي ما انا مش هوديكي غير عند حد واثق فيه..
هيام
انا عايزه اروح لاهلي اشوفهم..
كمال
طيب هوقفلك تاكسي عشان مش بحب امك ولا اخواتك وبقرف من بيتكم واوعي تباتي تيجي قبل المغرب..
هيام
حاضر مش هبات يا كمال..
فتحت صفاء الباب اللي كان ولقيت هيام في وشها ابتسمت ليها وقالت..
صفاء
اهلا وسهلا يا حبيبت امك نورتي البيت تعالي..
سلمت عليها هيام من بعيد وقالت
منور بصحابه يا ماما..
قعدت صفاء جنبيها وقالت
انتي لسه زعلانه مني يا هيام..
هيام
هو انتي ليه مش بتيجي تسألي عليا انا بقالي اربع شهور هناك ايه يا ماما ما وحشتكيش تيجي تشوفيني ..
صفاء
انا كلمت حماتك استئذنها اجيلك انا واخواتك قالتلي اني اسيبك تتعودي عليهم وهي هتبقي تبعتك ليا..
هيام
لا والله تكلميها عشان تستاذني منها تشوفي بنتك هي الفلوس بتقسي القلوب اووي كده..
صفاء
ما انتي لو كنتي مكاني ما كنتيش قولتي كده يا هيام..
هيام نزلت دموعها وقالت
انا لو كنت مكانك ما كنتش هضحي بعيل من عيالي عشان الباقين ما كنتش هفرق بينهم يا ماما..
صفاء
اطلقي يا هيام مش عايزاني اقولك كده اطلقي وتعالي عيشي معانا تاني واكسري احلام اخواتك اللي بقيو ياكلو نضيف ودخلو مدارس ومسكو موبيلات غاليه وتعالي نرجع نشحت اللقمه زي زمان..
قامت هيام وقالت بحزن
هو انا جيتلك ليه عشان وحشيني يا ماما بس لا انا بعد كده هحط علي قلبي حجر ومش هاجي هنا تاني لو حتي ايه حصل..
قالت هيام كلامها ومشيت اخدت تاكسي ورجعت بيه بيت جوزها واول ما دخلت الشقه اللي قاعده فيها هي ونهي قابلتها نهي وقالت..
نهي
انتي ازاي تروحي بيت اهلك من غير ما تقولي لحماتك..
هيام
طيب ما انا قولت لكمال وهو وقفلي تاكسي وقالي روحي..
نهي
لا يا هيام انا وانتي المفروض نقولها هي الاول وتوافق وبعدين نقول لكمال..
هيام
انا نفسي افهم انتي مستحمله القرف ده والعيشه معاهم ازاي..
نهي
مش وقته الكلام ده المهم ادخلي رضيها بكلمتين يلا..
هيام
طيب يا نهي..
ودخلت نهي الصاله ولقيت حماتها قاعده وحاطه رجل علي رجل وقالت بعصبيه..
نعيمه
اهلا وسهلا ما لسه بدري كتن ناقص تباتي هناك يا حلوه..
هيام
معلش يا حجه نعيمه ما كنتش اعرف اني لازم اخد اذنك الاول..
نعيمه
انا لما جوزتك ابني قولت دي قطه مغمضه هتمشي علي مزاجي طلعتي مفتحه اووي بس انا اللي يتذاكي عليا افرمه تحت رجلي..
هيام
بصي بقي عشان جيبت اخري من الكل انا ما عملتش حاجه عشان تقفي تحاسبيني حساب الملكين كده انا روحت شوفت امي واطمنت عليها هي واخواتي وجوزي كان عارف انتي بقي مالكيش حكم عليا..
وقفت نعيمه وقالت
يا نهار ابوكي مش فايت انا يتقالي الكلام ده يا رباية الجوع انتي....
هيام
رباية الجوع دي هي اللي قدرتي تضحكي عليها وتستغلي جوع اهلها عشان ترضي بابنك انما الشبعانين ما حدش كان هيرضي يبص في وشك انتي وابنك...
نعيمه
انا لا همد ايدي عليكي ولا هعمل حاجه دلوقتي بس والله يا هيام علي كلامك ده لهخليكي تقولي حقي برقبتي غوري اعمليلي شاي يلاا..
قلقت هيام من كلامها بس سابتها ودخلت المطبخ عملتلها شاي وبعدين غيرت هدومها ولمت كل الهدوم اللي مش نضيفه وغسلتها ونشرتها وطلعت قالت لنهي..
هيام
اوعي يا نهي عشان اساعدك غي تجهيز بدل ما تتأخري وينكدو علينا اكتر ما هو متنكد..
نهي
يا بنتي انتي كفايه عليكي الغسيل وكمان لسه كمال بايت عندك النهارده وهيفضل طول الليل يطلب حاجات مايه واكل ومش هتنامي غير وش الفجر..
اتنهدت هيام وقالت
معلش يا نهي عادي هانت وهخلص منه هو وامه خالص..
نهي
طيب وانتي هتروحي فين بعد ما تمشي من هنا يا هيام هتصرفي منين علي اهلك واخواتك..
هيام
بيني وبينك انا سمعت ان في مصنع ملابس عايز خياطين وتبقي زي