اكتشفت جوزي متجوز ومخلف

وسهلا يا هشام خير في حاجه..
دخل هشام وقال
ازاي تعملو كده فيا انا مش خاطب منك هيام وقرية فاتحتها..
صفاء
وانا بقالي تلات سنين مستنيه حتي تجيبلها دبله
وانت
ولا هنا ومش لاقي تاكل حتي ايه اديهالك تجوعها فوق الجوع اللي هي فيه...
هشام
شايفه كلام امك يا هيام قوليلها انك مش هتستنيني وهتتجوزيني انا..
هيام بدموع
مش هينفع يا هشام اخواتي وامي محتاجين مني اني اتجوز الجوازه دي هستناك ازاي واحنا بيتنا بيقعد من نص الشهر لاخره ما فهوش رغيف عيش امشي يا هشام وربنا يوفقك في حياتك وتلاقي بنت الحلال اللي تستاهلك
مشي هشام ودموعه علي وشه هو خسر خطيبته وحبيبته بسبب الفقر وقلة الفلوس وهي بتتجوز واحد مش بتحبه عشان تضمن ان اخواتها وامها هيعيشو كويس
وجه يوم الفرح ما كانش فرح كبير ده كان بسيط جدا وهيام لبست فستان عادي اووي وسلمت علي اهلها وراحت بيتها مع هشام وكان طول الطريق وهي في العربيه وبتقرب من بيت جوزها قلبها يتقبض اكتر
واول ما دخلت البيت وطلعت شقتها لقيت اخته قاعده وبهدوم البيت ومعاها بنتها وكمال قال
كمال
تعالي يا عروسه سلمي علي نهي ضرتك
هياام اټصدمت وقالت
اييييييه انت بتقول ايييه...
نهي
اخص عليك يا كمال ايه ضرتها دي ده احنا هنبقي ولا الاخوات مع بعض ان شاء الله..
هيام
انتي بتقولي ايه انتي وهو انت ازاي تضحك عليا وما تقوليش انك متجوز..
كمال
ما انا لو كنت قولتلك ما كنتيش هتوافقي تتجوزيني...
هيام
انتو اييه حرام عليكم ليه ضحكتو عليا انت فاكر اني هكمل معاك لاا انا ما يضحكش عليا انتو فاهمين
طلعت نعيمه ودخلت الشقه بالمفتاح اللي معاها وقالت...
نعيمه
في ايه يا كمال يا حبيبي البت دي صوتها عالي ليه..
كمال
نعيمه
وهي ليها عين تتكلم كمان مش كفايه جايه من غير جهاز. ولا عفش وكمان دافعين عليها وعلي اهلها شئ وشويات
هيام
انا مش عايزه منكم حاجه وبكره الصبح همشي وارجع بيت اهلي وانت هتطلقني...
كمالب
طيب اهدي واعقلي وبطلي شغل العيال دي وتعالي ننام يلا الوقت اتاخر...
هيام
لا طبعا مستحيل يتقفل عليا وعليك باب واحد والله اعلم مخبي عليا ايه تاني..
زقتها هيام وقالت
نعيمه
واد يا كمال اتصرف معاها دي بتمد ايدها عليا وبتزقني...
كمال
ده انتي يومك مش فايت النهارده
الساعه واحده بالليل كانت هيام نايمه علي ارض المطبخ بتاع شقتها اللي اتجوزت فيها ودموعها نازله علي وشها اللي بقي احمر اووي من بعد ما كمال مد ايده عليها..
هيام
الله يسامحك يا ماما اقول عليكي ايه بس اخرة الطمع بنتك اتكسرت فرحتها في احلي يوم في حياتها
دخلت عندها نهي مرات كمال وقالت
تعالي يا هيام كلي لقمه انتي باين عليكي ما اكلتيش حاجه اليوم كله..
هيام بدموع
فارق معاكم اوي كلت ولا لا انا ربنا ياخدني عشان الكل يرتاح...
نهي
بعد الشړ عليكي انتي لسه صغيره والعمر قدامك طويل مش هتقعي من اول قلم الدنيا لسه فيها كتير المهم كلي لقمه اسندي بيها طولك لو تعبتي ما حدش هينفعك..
هيام
انتي ايه اللي خلاكي تيجي عندي اصلا وتجيبيلي اكل هو مش جوزك حالف عليا ما اكلش حاجه وافضل نايمه في البرد هنا للصبح...
نهي
جيالك من وراااه انا عندي بنت ومرضاش ان يحصل فيها كل ده هو اتجوزك عشان انا ما بخلفش بعد. البنت الرحم مش هيشيل عيال تاني وهو عايز يخلف ولد وكمان انتي صغيره وحلوه وجوازه ما كلفتوش كتير..
هيام
انا مش هقعد هنا امي هتيجي بكره واخليها تطلقني منه وامشي من هنا..
نهي
هو انتي ما تعرفيش ان امك ااا..
جه كمال وزعق في نهي
يا نهار ابوكي مش فايت انتي بتكسري كلامي ياا بت انتي..
نهي پخوف
والله يا كمال ما اقصد بس صعبت عليا..
كمال
خلاص يا حلوه خليكي معاها هنا للصبح ده انتو نسوان هم..
هيام وقفت وزعقت فيه وقالت
انت فاكر نفسك اييه ده انت راجل كدااب وما عندكش رجوله اصلا واي راجل بيستغل وحده ست او بيستقوي عليها ما يبقاش راجل اصلا..
كمال
الرد مش هيكون عليكي كفايه اللي عملته فيكي ده انتي وشك ما بقاش فيه حته فيه سليمه..
سابهم وطلع وهيام قعدت تاني وفضلت ټعيط وفاكره ان مامتها لما هتيجي هتاخدها معاها.. ونامت من غير ما تحس
وتاني يوم الصبح صحيت علي صوت مامتها بتقول وهي مټعصبه...
صفاء
انتي ياا بت انتي اتنيلي قوومي