اكتشفت جوزي متجوز ومخلف

وظيفه كده ومرتبها حلو اووي وانا قدمت عليه بقوليك ايه ما اقدملك معايا..
نهي
لا لا انا خلاص حياتي بقيت هنا مع نعيمه وكمال عشان بنتي انما انتي مش مربوطه لعيل في رقبتك يحليكي تستحملي..
هياام
انتي غبيه يا نهي انتي لو اطلقتي منه هتاخدي نفقه لبنتك وهتاخدي شقه ايجار مثلا وهو اللي هيدفع الايجار ده..
نهي
ده كلام علي ورق انما بيتنفذ بالبهدله وطلوع الروح انا مش هبهدل بنتي عشان نفسي يا هيامز انا هتحمل لحد ما تكبر وتتجوز واطمن عليها وبعدين اشوف حالي واقعد في بيت اهلي لوحدي..
هيام
انتي ضعيفه يا نهي وجباانه وتستاهلي كل اللي بيحصلك..
وبالليل كانت هيام واقفه في الحمام وماسكه حبوب الحمل واخدت منها واحده وقالت لنفسها..
هيام
امتي بس هخلص من الهم ده يا ربي..
طلعت من الحمام وكان كمال قاعد بيقلب في موبيله ولما شافها قالها..
كمال
بقالك ساعه في الحمام ايه بتنامي جوه ولا ايه..
هيام
نعم يا كمال عايز ايه اعملهولك..
كمال
جعان وماليش نفس للاكل اللي عاملينه النهارده اعمليلي غيره..
هيام
يا كمال حرام عليك اعمل اكل دلوقتي وتخليني انام وش الصبح وامك بتصحيني الساعه سبعه وبتهد حيلي طول النهار في شغل البيت..
كمال
كفايه دلع فاضي واسمعي الكلام يلااا.. وبعدين ما انا بصحي بدري اروح الشغل..
هيام
بس بتيجي من الشعل تنام انما امك لو شافتني انا او نهي قاعدين بتقوم الدنيا وما تقعدهاش..
كمال
يووه كل ده عشان قولتلك جهزيلي لقمه اكلها اخلصي يا بت انتي بدل ما تبقي ليليه سودا علي دماغك..
اتنهدت هيوم وقالت
حاضر يا كمال رايحه اهو..
وراحت هيام المطبخ وعملتله اكل جديد. ولما خلصت كانت الساعه اتنين بعد نص الليل ولما حطت ليه الاكل قدامه وراحت تنام زعق فيها وقال..
كمال
انتي رايحه فين يا هيام..
هيام
رايحه انام يا كمال هتعبك تشيل انت الاكل معلش والله ما قادره افتح عيني..
كمال
والله انتو نسوان تسد النفس قوومي يا بت هاتيلي مايه واعمليلي شااي وما تناميش فاهمه ولا افهمك بطريقه تانيه..
اتملت عيون هيلم دموع وقالت
حاضر يا كمال اللي تشوفه..
وطلعت هيام عملت زي نا قالها وفضلت صاحيه قباله وبتنفذ طلباته لبعد الفجر والصبح هو لبس وراح شغله وهي كانت لسه نايمه بس دخلت عندها نعيمه وقالت بعصبيه..
نعيمه
انتي ايه اللي منيمك يا بت انتي لحد دلوقتي كفايه دلع وقوومي لمي السجاد ده واغسليه ده بقي كله تراب وشكله يقرف..
هيام
طيب خليها بكره يا حجه نعيمه انا والله مش نايمه غير ساعه واحده..
نعيمه
لااا النهارده قومي يلا قامت قيامتك بلا دلع بنات فاضي..
هيام لنفسها
هو انتي في حد يقعد في وشك انتي وابنك ويشوف دلع..
وقامت هيام عملت زي ما قالتلها حماتها وغسلت كل السجاد بتاع الشقه ومسحت الارض ودخلت عشان تساعد نهي وقالت..
هيام
اسكتي الوليه اللي بره دي هدت حيلي..
نهي
ومين سمعك دي صحتني من بعد الفجر وخلتني اطلع الهدوم اللي في الدولاب بتاعها وارتبها من الاول وغسلت الهدوم اللي مش نضيفه وجهزت فطار واهو بمسح المطبخ قبل ما نجهز الغدا ونضفه تاني بعد ما نخلص..
هيام
ربنا علي الظالم والمفتري يا شيخه..
نهي
استني كمال جه هروح اقوله علي مصاريف المدرسه بتاعت حلا وجايه..
هيام
ماشي وانا هكمل تجهيز الغدا بسرعه مش ناقصين كلام مالوش لازمه منهم..
طلعت نهي وسمعت كمال بيقول لنعيمه..
كمال
لا يا يا امي البنت كشفت والدكتوره قالت مع الوقت هتحمل...
نعيمه
اسمع انت بس الكلام اللي بقولك عليه فاهم ولا لا.. والله هتلاقي كلامي صح..
كمال
حاضر يا امي واقفه عندك ليه يا بت يا نهي انتي بتتصنتي علينا...
نهي
ابدا والله انا لسه جايه كنت بس عايزه افكرك بمصاريف المدرسه بتاعت حلا..
كمال
لا مش هدفعها كفايه كده تعليم..
نهي
اواي يعني يا كمال دي لسه في ابتدائي..
نعيمه
والبنات تتعلم ليه ما اخرها راجل هتتعلق في رقبته..
نهي
حرام عليكم والله البنت متعلقه بالمدرسه اووي ليه هتحرموها من حقها..
نعيمه
يا حرمت عليكي عيشتك يا بنت يا قليلة الادب هو انتي هتخافي عليها اكتر مننا احنا دي بنتنا احنا واحنا اللي عارفين مصلحتها اكتر منك..
كمال
ونبهي علي البت تبطل تلعب في الشارع مع العيال ولا تطلع من البيت علي الفاضيه والمليانه دي كبرت خلاص..
نهي عيطت وقالت
ايه بس اللي بتقوله ده يا كمال دي لسن عشر سنين يعني عيله صغيره..
كمال
انتي تسمعي الكلام وبس فاهمه ولا افهمك بطريقه تاني..
نعيمه
امشي يلا ادخلي جهزي الغدا مع