اكتشفت جوزي متجوز ومخلف

يلاااا
هيام
ماما انتي جيتي تعالي شوفي اللي حصلي البيه طلع متجوز وشوفتي عمل ايه فيا...
صفاء
وانتي ليه ما تسمعيش كلام جوزك اصلا بقي في عروسه تطلب الطلاق ليلة فرحها..
هيام
يا ماما بقولك طلع متجوز وامه قلت مني اووي امبارح وهو مد ايده عليا وخلاني انام الليل كله هنا في البرد من غير ولا لقمه...
صفاء پحده
وانا اعملك ايه اصلا ما انتي لو متربيه ما تخربيش علي نفسك وترضي وتقولي الحمد لله...
اتعصبت هيام وقاالت
ارضي بايه دول كدبو علينا انا ليه اخد واحد متجوز ومخلف وهمجي وكداب و..
زعقت فيها صفاء وقالت
اتلمي ياا بنت انتي وعيب تقولي كده علي جوزي..
هيام
مش جوزي انا هطلق مش هقعد هنا تاني ايدك يا ماما..
صفاء
هما ما كدبوش علينا يا هيام هو فعلا متجوز والحجه نعيمه قالتلي لما جات وانا اعرف من قبل ما تيجي الحجه نعيمه هي كمان..
هيام عيطت وقالت
اييه يعني انتي كمان يا ماما كدبتي عليا طيب هما اغراب انما انتي امي اللي ماليش غيرها ليه تعملي فيا كده..
صفاء بجمود
عشان اخواتك اللي عايزين يتعلمو ويعرفو يقرو ويكتبو و يلبسو زي اي حد في سنهم عشان نلاقي ناكل اللقمه اللي كنا بندخلها البيت بطلوع الروح..
عيطت هيام وقالت
يعني بعتيني ليهم يا ماما وقبضتي التمن هو انا مش صعباانه عليكي شكلي وانا متبهدله كده يوم صبحيتي هان عليكي يا ماما..
وقفت صفاء وقالت بجمود
انا همشي يا هياام واسمعي كلام جوزك وبلاش تزعليه عشان ما فيش طلاق هيحصل يا هيام وانا مش عايزه امد ايدي عليكي بس لو غلطتي تاني وبعتولي عشان اربيكي والله اوريكي النجوم في عز الضهر اعقلي كده وبطلي حركات العيال دي مش عايزين الناس تجيب سيرتنا بحاجه وحشه..
قالت صفاء كلامها ومشيت وقعدت هيام ټعيط. ودخلت عندها نعيمه وقالت..
نعيمه
خير يا عين امك مش سمعالك صوت يعني..
هيام
عايزه ايه مني سيبوني في حالي انا مش هقوم من هنا..
نعيمه
قال وانا اللي قلبي طيب وجايه اقول المسامح كربم طيب قومي يا عين امك غيري هدومك دي وجهزي الفطار يلااا..
هيام
انتو حسبي الله ونعم الوكيل فيكم علي اللي عملتوه فيا ده..
نعيمه
طيب قومي واحلصي بدل ما اروح اصحي كمال يقومك بطريقه تانيه
وقفت هيام وراحت اوضتها وكانت فاضيه وكمال عند عند نهي مراته غيرت الفستان بتاعها وطلعت دخلت المطبخ وبقيت تجهز الفطار ودخلت عندها نهي وقالت..
نهي
صباح الخير يا هيام ايه يا بنتي اللي دخلك المطبخ...
هيام بغيظ.
البومه اللي بره حماتك هي اللي خلتني اجي اجهز اافطار..
نهي ابتسمت وقالت
طيب وطي صوتك لتسمعك وانتي مش ناقصه..
هيام
انتي وشك محمر كده ليه هو مد ايده عليكي صح..
نهي بدموع
عادي يا هيام انا اتعودت ده انا بقالي اتناشر سنه متحمله اللي بيحصل فيا هنا عشان افضل جنب بنتي وما يحرمونيش منها..
هيام
ده ايه الناس القادره دي بجد ومن كل قلبي حسبي الله ونعم الوكيل فيهم..
نهي
هي امك شافت اللي حصلك عرفت كل حاجه ولا لا..
هيام بدموع قالت
عرفت وشافت وقالتلي عادي اكمل مع جوزي واتحمل عشان اخواتي يعيشو كويس..
نهي
وربنا نفس اللي حصل معايا انا بعد اول اسبوع من جوازي بكمال حصلت خڼاقه كبيره بيني وبين حماتك وكمال طبعا جه متعصب عليا انا ولما زعلت وروحت لبيت اهلي وانا وشي ما فهوش حته سليمه ابويا قالي ده احنا بناخد منهم الشهريه اللي عايشين بيها ولو اطلقت مش هنلاقي ناكل واخدني من ايدي وجابني هنا تاني..
هيام
طيب وما فكرتيش في اي حل يخلصك من هنا..
نهي
كنت حامل في الشهر االسابع وقولت اهرب واروح اعمل بلاغ علي اللي بيحصل فيا واربي بنتي اللي في بطني لوحدي..
هيام بحماس
ايوه ايوه كملي حصل ايه تاني..
نهي عيطت وقالت
نعيمه الزفت شافتني ومسكتني وندهت لكمال اللي مش مستني حد يقوله مد ايدك وكمان كلمو ابويا اللي جه وكمل عليا وجالي ڼزيف ولما روحت المستشفي طلعو حلا بنتي وقالو الرحم لازم يتشال مزعلتش اووي يعني لاني كنت فرحانه اووي بحلا..
هيام
يالهوي ده انتي جبل يا بنتي ده انتي ليكي الجنه علي انك اتحملتيهم كل ده..
دخلت نعيمه وزعقت فيهم
انتي هتقضيها رغي يا بت منك ليها ما تخلصو الفطار..
هيام بعصبيه
ما اهو بنجهز حرام كمان نتكلم سوا انا وهي..
نعيمه
طيب يا عين امك سيبي اللي في ايدك روحي