انا وبويا الجزء الثاني

طيب انت تعرف ايهاب مش بيحب ابويا ولا امي وبرغم كده لما روحت وانا صغيره وقولتله اني بحبه قالي انه هو كمان بيحبني بس كان خاېف يقولي عشان فاكر اني زي اهلي مش بحبه..
حمدي
مش فاهم يا بنتي اللي عايزه توصليه ليا..
مريم
قصدي ان ابنك بيحبك بس خاېف يعترف لنفسه بده عشان ما تتعبوش تاني زي زمان..
حمدي بحزن
انا ندم عمري علي اللي عملته معاه لو يتعاد بيا الزمن تاني والله العظيم عمري ما كنت هعمل معاه كده ابدا..
مريم
سيبها للوقت يا عمي وايهاب طيب وهيسامحك المهم انا قايمه وهروح اجهز الغدا عايز حاجه اعملها ليك الاول..
حمدي
لا يا بنتي شكرا كتر الف خيرك...
_ وبعد شويه رجع ايهاب من الشغل وكانو قاعدين بيتغدو ومريم قالت..
مريم
انت هتنزل تاني الورشه ولا لا..
ايهاب
لا هبقي انزل بالليل شويه انتي مالك بقي ايه اللي مدايقك..
مريم
ما انا لو اتكلمت معاك هتدايق يا حبيبي..
ايهاب
فهمت اللي عايزه تتكلمي فيه يبقي خليكي زعلانه احسن..
مريم بضيق
طيب هو ما فيش حد من اخواتك بيجي يطمن علي ابوك..
ضحك ايهاب بسخريه وقال
لا ما فيش ولاد الست اللي هو زمان رماني انا وامي في الشارع عشانها ما صدقو خلصو منه ويحمد ربنا اني مقعده عندي..
مريم بضيق
بلاش كلامك ده لو سمحت يا ايهاب ده ابوك وكلامك ده معاه حرام..
ايهاب
حتي لو حرام انا مرتاح وانا شايفه متعذب كده واقسم بالله يا مريم لو عرفت انك بتعصي كلامي وبتعمليله حاجه مش هتفضلي علي ذمتي دقيقه واحده..
مريم قامت وقالت
لا حول ولا قوة الا بالله لو سمحت يا ايهاب ما تدخلش في تصرفاتي انا مش هفتح سيرة ابوك تاني معاك وانت كمان سيبني اعمل اللي يريحني..
ايهاب پحده
اللي عندي قولته وعايز اشوف ازاي مش هتنفذيه..
اتنهدا مريم بضيق وقالت
ماشي يا ايهاب انا شبعت هعملك الشاي..
ايهاب
لا شكرا كتر الف خيرك انا نازل تحت وهبقي اشرب الشاي تحت...
_ وطلع ايهاب وهو مدايق جدا وبعد كام يوم كان قاعد في الورشه وقربت منه بنت شكلها جميل وقالت..
البنت
انت ايهاب مش كده..
ايهاب بهدوء
ايوه انا انتي مين..
البنت
انا ساره حمدي اختك..
وقف ايهاب وقال