انا وبويا الجزء الثاني

مايه..
مريم راحت بسرعه سندته وقالت
حاضر يا عمي بس انت ايه اللي قومك من السرير ليه ما ندهتش عليا..
حمدي
خۏفت يكون ايهاب هنا ويزعل لو ندهتلك..
مريم
طيب اقعد وارتاح وانا هجيبلك مايه من عينيا..
حمدي
تسلم عينيكي يا بنتي ربنا يبارك فيكي ويحميكي من كل شړ يارب..
مريم جابتله مايه وقالت
بقولك ايه يا عمي ايهاب مانعني اعملك اي حاجه بس طول ما هو في الشغل انا تحت امرك اعتبرني بنتك واللي تحتاجه قولي عليه وانا هعمله ليك..
مسح حمدي دموعه وقال
انا مش عايز اعملكم مشاكل هحاول انا ادبر نفسي كفايه انه مقعدني في بيته..
مريم
ما تقولش كده يا عمي بيت ابنك ده بيتك انت كمان خليك بس قاعد هنا دقيقه واحده هروح اروقلك الاوضه..
حمدي
ما تتعبيش يا بنتي الاوضه كويسه..
مريم
تعبك راحه يا عمي دقيقه واحده وجايه..
_ وراحت فعلا مريم روقتله الاوضه واخدت هدومه اللي مش نضيفه عشان تغسلها وراحت سندته ودخلته الاوضه ونيمته علي السرير وفردت عليه الغطا وقالتله..
مريم
بص يا عمي في الدرج هنا في قزازة مايه والعلاج وقبل ما يخلص هكون انا جيبتلك غيره وقبل ما يرجع ايهاب هجيبلك الغدا والعشا هخلي اياد يجيبهولك..
حمدي
انا مش عارف اقولك ايه ده بناتي اللي مني مش بيعملو زيك كده ولادي كلهم قلبهم قاسې عليا انتي ربنا بعتك ليا عشان ترحميني من شړ اعمالي..
مريم
شړ اعمالك قصدك ايه يا عمي بالكلام ده..
حمدي دموعه نزلت وقال
اللي عملته في ام ايهاب زمان كانت ست اصيله زيك كده وتعبت جالها مرض وحش انا ما اتحملتهاش وطلقتها ورميتها هي وايهاب في الشارع واتجوزت عليها ولما قابلت وجه رب كريم رفضت اخد ابني خۏفت يجيله نفس المړض اللي عند امه وانا كنت ندل اووي عايز اتدلع بفلوسي وعيالي اللي من مراتي التانيه بعد ما ضيعت عليهم شقي عمري رموني في الشارع بسبب انهم مش عايزين يصرفو عليا واللي سترني من الشارع ايهاب اللي انا رميته في الشارع بايدي زمان..
نزلت دموع مريم وقالت
ابنك لو ما كانش بيحبك يا عمي ما كانش جابك البيت هنا هو بس تلاقيه صعبان عليه