انا وبويا الجزء الثاني

ده جوزي وحبيبي وانت كمان ما تزعلش منه هو بس مضغوط في الشغل وبيعمل حاجات مش مدرك انها غلط..
حمدي بتعب
حاضر يا بنتي روحي بقي شوفي جوزك عايز ايه وما تزعليهوش خالص..
مريم
حاضر يا عمي بس هو انت مش بتاخد العلاج ولا ايه شكلك تعبان اووي..
حمدي پبكاء
انا استاهل اكتر من كده هو معاه حق انا استاهل اتعذب كده وما استهلش ارتاح..
مريم بدموع
انا مش فاهمه ايهاب بيعمل ليه كده انا هروح اجيبلك العلاج من بره..
حمدي
ابوس ايدك يا بنتي بلاش تعملي كده سيبيني انا وابني حرين في بعضينا بلاش انتي تدخلي عشان ما تخصلش مشاكل بينكم..
مريم بدموع
مش هتحصل مشاكل يا عمي انا هديك العلاج ومش هقوله انك اخدته..
_ وراحت فعلا مريم اديته العلاج وخلته يفطر ونام وراحت جهزت الفطار ليها ولجوزها وطلع ايهاب من اوضته ولما شافها ابتسم وقال..
ايهاب
والله انا كنت هاجي ارجعك قبل ما اروح الشغل بس انتي ديما سبقاني...
ردت عليه مريم وقالت
لولا ما عارفه انك بتحبني انا ما كنتش رجعتلك ابدا..
ايهاب
بحبك بس انتي واياد اغلي اتنين عندي في الدنيا انتو اهلي وعيلتي وكل حاجه ليا..
مريم بحزن
وابوك يا ايهاب هو مش من عيلتك هو كمان..
ايهاب پحده
يووه مريم لو سمحتي مالكيش دعوه بالموضوع ده اعتبري ان ابويا مش موجود في البيت اصلا..
مريم بضيق
ما اقدرش اعمل كده يا ايهاب ما اقدرش اشوفه جعان او تعبان وما اساعدوش ابو جوزي ابويا انا كمان قدام ربنا..
اتنهد ايهاب بضيق وقال
وانا قولتها كلمه ومش هكررها تاني وكلامي با تنفذ يا هانم..
مريم
طيب اقعد افطر الاول وبعدين نتكلم..
ايهاب پحده
ما فيش كلام تاني في الموضوع ده ومش فاطر هنزل من غير فطار...
مريم
طيب ابنك خاېف وفاكرنا پنتخانق...
قرب ايهاب من ابنه وقاله
ايه رئيك تنزل معايا الورشه النهارده ونشتغل سوا..
اياد
اكيد طبعا موافق مش محتاجه كلام انتي يا اللي بيقولو عليكي ماما تعالي غيريلي هدومي يلا..
_ ضحك ايهاب ومريم وفعلا غيرت لابنها واخده ايهاب معاه وبعد شويه كانت واقفه في المطبخ ودخل عندها حمدي اللي ساند علي عكازه وقال..
حمدي
لو هتعبك يا بنتي بس ممكن كوباية