ام البنات / الجزء الاخير

دخلت وقالت....
فاتن
واخرتها بقي يا علي هتفضل قاعد لوحدك كده ..
علي بحزن
واعمل ايه يعني اروح ارجع مراتي وازعل امك ...
فاتن
لو ربنا قالك تراضي امك برضو وصاك انت واي راجل علي البنات انك تعاملهم بخير. تراعي ربنا فيهم...
علي بدموع
يعني أعمل ايه يا فاتن..
فاتن
يعني تقوم تلبس هدومك وتيجي معايا نروح نرجع مراتك وانت امك لا انت زعلتها ولا مراتك زعلتها عشان ربنا يتقبل ڠضبها عليك وشويه وتصفي وتسامحك...
ابتسملها علي وقال
انتي جدعه اووي يا فاتن حقك عليا يا حبيبتي في اي مره زعلتك فيها...
فاتن
عمري ما ازعل منك يا اخويا يلا بينا بس عشان نروح نجيب سلمي هي ما وحشتكش.....
ابتسم علي وقال
لا طبعا وحشتني اووي كمان دقيقه واحده هقوم اغير هدومي واجيلك...
وفعلا بعد شويه راحو علي وفاتن بيت سلمي وقعدت معاهم سهير وسلمي اللي كانت مضايقه جدا وقالت سهير...
سهير
مالوش لازمه الكلام ده دلوقتي يا علي الموضوع خلص خلاص.
فاتن
يا طنط احنا جاين عشان نهدي الأمور وان كان علي ماما انا وعلي بنعتذر بالنيابه عنها...
سهير
وامك ما جاتش معاكي انتي واخوكي ليه مدام غلطت ...
علي بجديه
يا حماتي انا بعتذر اهو بدل المره الف واللي اقدر اعمله هعمله امي مش هتتعامل مع سلمي تاني ولا هجبر سلمي انها تتعامل معاها وانا هبر امي لوحدي عشان ربنا ..
فاتن
وانا وعد مني لو حصل وماما راحت لسلمي انا هكون معاها وهنكون ضيوف خفاف...
بصت سهير لسلمي وقالت
ها يا سلمي ايه رايك يا بنتي...
قام علي وقرب من سلمي وقال
حقك عليت يا سلمي انا كنت غلطان اووي لما سمعت كلام ماما وقسيت عليكي بس والله هعوضك عن كل حاجه يا حبيبتي
سلمي بحزن
والشقه يا علي اللي كانت إيجار شهر واحد..
علي طلع ورقه وقال
العقد اهو انا دفعت مقدم الشقه وادفع قساط الباقي علي تلات سنين ...
سلمي
طيب بعد اذنك يا ماما انا هقوم اجيب حاجتي عشان اروح مع جوزي..
سهير فرحت وقالت
اتكلي علي الله يا بنتي ربنا يهدي سرك ويريح قلبك..
وتاني يوم راح علي عند مامته اللي كانت مټعصبه وقالت...
نعمه
خلاص كده يا علي عملت اللي في دماغك وجاي ليه دلوقتي عايز ايه...
علي
جاي لأمي وايوه عملت اللي في دماغي عشان هو الصح يا ماما هي سلمي يعني كانت عملت ليكي ايه عشان تمدي ايدك عليها ولا عشان أطلقها...
نعمه
اهو شايف لحقت تغيرك عليا امشي يا علي بس خلاص انا لا هدخل بيت ولا عايزاك تجيلي تاني..
علي
لا هجيلك يا ماما عشان انتي امي وكل يوم هجيلك. اشوف طلباتك انتي وفاتن والمياه مش بعيده ده الفرق بينا شارع..
سكتت نعمه وهي مضايقه وعلي قام مشي وقربت منها فاتن وقعدت جنبيها وقالت...
فاتن
وبعدين بقي يا ماما ما خلاص هو انتي مش المهم عندك ان علي يكون مبسوط..
نعمه
كله منك انتي اللي قلبتي اخوكي عليا وخليتي بنت سهير

تكسبني وتاخد اخوكي..
فاتن
يا ماما هو احنا في سباق ولا ايه اخويا في الاخر ما لوش غير بيته ومراته واحنا ندعيله ان ربنا يكرمه ويسعده ..
نعمه پبكاء
انا مش هدعي غير علي بنت سهير اللي اخدت ابني مني...
فاتن
انتي السبب يا ماما وانتي اللي خسړتي انتي اللي ظلمتي سلمي وطلعتيها في أيام فرحها غضبانه وخليتي الناس تمسك سيرتها مع ان معاكي بنت ما خوفني من ربنا والله لو كنتي عاملتيها كويس كانت هي بعد ما انا اتجوز هتقول لعلي تعالي نقعد مع امك او هاتها عندنا بس انتي الشيطان خلاكي خسړتي كتير يا ماما...
سكتت نعمه واتأكدت فعلا انها خسړت وكتير اولا هيبتها قدام بنتها اللي طلعت فاهمه اكتر منها وبتنصحها مع ان المفروض العكس وخسړت ابنها ومرات ابنها وهتفضل بالنسبه لابنها غريبه..
وفي الاخر يا أصدقاء الخير اي ام او اب او حما لازم تعرف وتتأكد ان ابنها مش حاجه ملكها لوحدها ده هيكون ليه زوجه ليها حق عليه وأولاد ليهم حق عليه والزوجه برضو لازم تعرف ان الراجل مش بتاعها هي وولدها لوحدها لازم يبر امه وأخواته وأهله ويبقي عنده اصدقاء واللي بيزرع خير هيلاقي خير والابيزرع شړ والله ما هيلاقي غير شهر..
ومع السلامه ونتقابل في قصه جديده