ام البنات / الجزء الاخير

وقفل معاها وسهير قالت لسلمي اللي كانت قاعده جنبيها بټعيط...
سهير
انتي بټعيطي ليه دلوقتي ده واد ما عندوش ذوق انا ازاي بس كنت مغشوشه فيهم كده ..
سلمي بحزن
بس يا ماما انا خاېفه اطلق...
سهير
طلاق براحة بال احسن من جوازه هم زي دي يا بنتي والطلاق لا هو عيب. ولا حرام ده اوقات بيجي راحه لحاجات كتير والا ما كانش ربنا حلله....
طلعت رنيم من اوضتها وقالت
ايوه اقعدو انتو ارغو والباب بقي ليه ساعه بيخبط وما حدش قايم يفتحه ....
سهير
اومال انتي لازمتك ليه روحي افتحي يلااا...
راحت رنيم وفتحت الباب وكانت صفيه ام حمزه قدامها اتوترت رنيم وقالت...
رنيم
صفيه هانم حضرتك بنفسك هنا....
دخلت صفيه وقالت
ايوه انا يا رنيم انا اللي ابني اخد حفيدي مني وسابلي البيت عشانك لا وكمان رفد البنت اللي بطمن عليه منها سهي اكيد تعرفيها...
رنيم بقلق
طط طيب اتفضلي جوه لو سمحتي بلاش الوقفه اللي علي الباب دي...
صفيه
هدخل اتكلم مع مامتك كلمتين وادخلي هاتيلي حفيدي من جوه وكلمي حمزه قوليلو يجي...
رنيم
حاضر يا صفيه هانم اللي تشوفيه ...
ودخلت رنيم عند مامتها وعرفت عليها صفيه وبعدين جابتلها مالك وكلمت حمزه يجي...
سهير
منورنا يا صفيه هانم...
صفيه
بنورك يا مدام وميرسي علي استضافتك لحفيدي في بيتك....
سهير
لا ميرسي علي واجب يا اختي ده زي ابني الصغير اصل انا مش كبيره اووي عشان اقول حفيدي زيك...
بصتلها صفيه بعصبيه ورنيم قالت بصوت واطي
مش كده يا ماما عشان خاطري اهدي شويه والنبي.
سهير
ما هي اللي قاعده نافخه نفسها علينا يا بت...
صفيه
سمعت انك رافضه ان بنتك تتجوز ابني ممكن اعرف السبب..
سهير
بنتي دي عيله معلش يعني مش هتقدر تربي ولد وهي لسه عايزه اللي يربيها اقصد صغيره يعني...
صفيه
ومين قالك اني مش هعرف اربي حفيدي لا انا هعرف اربيه كويس وبنتك هتيجي عندنا لا هتطبخ ولا هتكنس وتمسح هيبقي في شغالين..
سهير
وفرق السن طيب اللي بينها وبين ابنك مش شايفه انها مشكله...
صفيه
انا اتجوزت جوزي وكان عمري وقتها عشرين سنه وهو كان خمسه وأربعين وعشت معاه اسعد إيام حياتي السن ده مجرد رقم المهم الشخصيه والتفكير والاحترام ...
في الوقت ده الباب خبط وقامت رنيم فتحت ودخل حمزه اللي قال لمامته...
حمزه
ازاي حضرتك تيجي هنا من غير ما تقوليلي...
صفيه
جيت اخطبلك البنت اللي بتحبها وهتك ن مبسوط معاها انا مش عايزه غير راحتك واطمن عليك هو انا هعيشلك العمر كله يا ابني...
قرب منها حمزه وباس ايدها وقال
ربنا يطول في عمرك ويخليك ليا يا حبيبتي وحقك عليا انا ما كانش قصدي ازعلك...
مسحت صفيه دموعها وقالت
خلاص بقي مش عايزين نعيط ها يا مدام سهير نحدد بقي معاد الخطوبه ..
سهير ابتسمت وقالت
نحدد يا صفيه هانم المعاد وربنا يقدم اللي فيه الخير...
وبعد كام اسبوع في بيت علي الباب خبط ولما راح وفتح كانت فاتن اخته اللي