ام البنات / الجزء الاخير

مدت ايدها عليا هتسكتو وتبقي بالهدوء ده...
قام علي وقال
انا راجع شقتي وعايز اقعد لوحدي مش عايز حاجه من حد ..
نعمه
لا لا والله ما تمشي انت عليز تفضل قاعد لوحدك لحد ما تقهر وتوجع قلبي عليك ده انا من بكره هجيبلك ست ستها مالها بنت خالتك...
علي
تاني يا ماما ما انا قولتلك زمان انا عايز سلمي مش عايز بنت خالتي بس انا غلطان اني سمعت كلامك وغلطتها دلوقتي...
نعمه
اومال كنت عايز تغلط امك ولا ايه يا سي علي بقي بعد ما ربيت وكبرت وعلمت وعمري رااح تعمل كده فيا...
فاتن
حرام عليكي يا ماما انتي اصلا تدخلي ليه بينه وبين مراته دي حياته وهو حر فيها..
نعمه
اومال اسيب بنت سهير تركب وتدلدل وتخليه يرمينا انا وانتي ولا يبقي لينا حد ولا ضهر نتسند عليه ..
فاتن
الساند ربنا يا ماما وانتي عايزه ايه غير انه يبقي مبسوط ومرتاح في حياته....
علي
انا ماشي يا ماما وياريت تفكري في اللي عملتيه لانه غلط...
نعمه
امشي يا علي بس اقسم بالله العظيم يا علي لو روحت عندهم او عملت حاجه من ورايا لهكون غضبانه عليك ليوم القيامه...
علي بحزن
مش هروح يا أمي حتي لو روحت ايه اللي هيحصل امها اكيد مش هترجعها ليا تاني بعد ما خليتها تغضب بعد اول اسبوع جواز ...
نعمه
يا اخويا المركب اللي تودي هو انا يعني كنت ناقصه بنت سهير وآخرها شهر ما رجعتش والله لانت تكون كاتب علي بت خالك...
ادايق علي ومشي واول ما وصل شقته كلم سلمي بس اللي ردت عليه سهير وقالت. .
سهير
عايز ايه يا علي مكلم بنتي ليه تاني مش كفايه تقطيم فيها من غير ذنب..
علي
انا بستاذنك بس اجي اقابلها يا حماتي و...
زعقت فيه سهير وقالت بعصبيه
والله لا انت هتشوفها ولا هتروح ضهرها حتي بعد اللي امك عملته فيها ما هي لو كانت شايفه ابنها راجل ما كانتش عملت كده ...
علي ادايق وقال
لو سمحتي يا حماتي ما لوش لازمه الكلام ده وافتكري انها لسه متجوزه بقالها اسبوع وقعدتها عندك مش صح...
سهير
لا قعدتها عندي صح يا علي وانا ما يفرقش معايا كلام الناس واللي يفرق معايا بس راحت بنتي...
علي بحزن
يا حماتي ياما بتحصل مشاكل في البيوت وانا اوعدك انها مش هتتكرر تاني...
سهير
لا يا علي هتكرى الراجل صاحب العماره اللي انت متأجر فيها الشقه يبقي جوز واحده صحبتي وقالي امبارح انك واخد الشقه إيجار شهر واحد بس يعني ناوي توديها عند امك مش كده...
سكت علي وقالت سهير
بس يا ابن الناس انا ما حلتيش في الدنيا غير سلمي واختها ومش عايزه اخسرهم ولا اتعبهم مع حد ما يستاهلش واحنا زي ما دخلنا بالمعروف نخرج بالمعروف..
علي بحزن
انا مش هطلق مراتي يا حماتي واللي انا عايزه اعمله وما حدش هيتشرط عليا...
قال كده