ام البنات / الجزء الاخير

مشاكل ام البنات
الحلقه الثالثه
حمزه بقلق
حاضر مش هتنح هو في ايه يا رنيم ...
رنيم
ادخل هي شكلها خربت اصلا...
ودخل حمزه وقعد معاهم وسهير كانت مضايقه جدا وقالت..
رنيم
في ايه بقي يا ماما اظن مش وقته الكلام مع حمزه دلوقتي...
سهير
انتي تسكتي خالص وانت يا استاذ حمزه انا ما عنديش بنات للجواز وبنتي دي هطلقها وقعدها جنبي هي كمان ..
حمزه بضيق
اممم تمام يا حماتي انا ممكن اتجوزها واقعد معاكم هنا إنما فكرة اني هسيبها فا دي مستحيل...
سهير پحده
يعني ايه هتاخد مني بنتي بالعافيه هي دي أصول ما تتكلمي يا ست رنيم انتي موافقه علي الكلام اللي هو بيقولو ده ...
رنيم بحزن
يا ماما هو مش انتي كنتي وافقتي ليه رجعتي في كلامك دلوقتي..
سهير بحزن
عشان اللي حصل لاختك ده فوقني يا رنيم اذا كانت نعمه وابنها استقلو بينا وعملو في اختك كده البيه ابن البهوات ده هيعمل فينا ايييه ...
حمزه بهدوء
هشيلها فوق راسي واحطها في عينيا عشان بحبها يا حماتي.
سهير بغيظ.
برضو هتقولي حماتي بقولك ايه انت تاخد ابنك وتبعد عن بنتي خالص..
حمزه
لا خلي مالك عندكم لحد فرحي انا ورنيم هو مش عند حد غريب هو عند جدته ولا ايه..
رنيم
عشان خاطري يا ماما بلاش كلام دلوقتي لحد ما نحل مشكلة سلمي...
حمزه قام وقال
ابقي لما يصحي مالك قوليلو اني جيت اشوفه بس مشيت عشان عندي شغل وهبقي اجيله بالليل عايزه حاجه اجيبهالك وانا جاي...
سهير پحده
انت مدام هتسيب ابنك يبقي ما تنطليش كل شويه هنا يا تاخده معاك ولما ابقي اخلص من المشاكل اللي عندي هبقي اكلمك تيجي ونتكلم بس ما تتعشمش اووي...
حمزه
تمام ومش عايز حضرتك تخافي مني انا الحمد لله متربي كويس وبعرف اقدر بنات الناس كويس ورنيم دي مش بس هتبقي مراتي دي يعتبر اول حب في حياتي وكلمة بعشقها قليله عليها ...
قال كده ومشي ورنيم قالت لسهير
بذمتك يتحب ولا لا ...
سهير بغيظ
اوعي من وشي انا هروح اشوف اختك دي ياربي ما كملتش اسبوع ورجعت اعمل ايه بس ياربي ...
ودخلت ماما عند سلمي اللي كانت قاعده بټعيط وقالتلها ...
سهير
في ايه يا بنتي كلمتي جوزك ...
سلمي پبكاء
طلعني غلطانه يا ماما وأنا والله ما زعلته في حاجه هو اللي كان بيتلككلي علي اي حاجه عشان بتخانق معايا.
سهير
مصدقاكي يا نور عين امك والله لاخليه هو وأمه يسفو تراب الارض علي اللي عملوه معاكي ده ..
وفي بيت نعمه كان علي قاعد مدايق جدا وفاتن قالت وهي مټعصبه..
.فاتن
انت ايه اللي عملته ده يا علي علي فكره ماما هي اللي غلطانه ومليون غلطانه كمان امك مالهاش حق انها تمد ايدها علي سلمي...
نعمه
جرا ايه يا بت انتي هو انتي هتقولي اعمل ايه وما اعملش ايه انتي عايزاها تزعل اخوكي واسكتلها..
فاتن بضيق
هو لو انا متجوزه وحماتي