ام ابنات الجزء الثاني

ادخلي يا اختي اعملي موز باللبن جوه اما نشوف اخرتها بقي..
وفي شقة سلمي بعد ما مشيت نعمه وفاتن كانت بتروق في المطبخ وبعدين دخل علي وقال بعصبيه..
علي
انا عايز افهم انتي هتفضلي كل يوم تمسكيلي شوية حاجات تافهه وتتلهي فيهم المفروض اني عريس جديد وعايز مراتي تهتم بيا شويه..
سلمي بتعب
حقك عليا يا علي انا هخلص المطبخ اهو بسرعه وهاجي اقعد معاك بس انت شوفلنا بقي فيلم حلو نسهر عليه..
علي
يا سلام يا اختي وتقعدي دقيقتين والاقيكي نايمه بتشخري جنبي ده انا لو افتكرت الجواز كده عمري ما كنت فكرت فيه انا نازل...
سلمي
استني طيب يا علي نازل رايح فين بس دلوقتي..
ما ردتش عليها ومشي وسلمي خلصت اللي وراها وفضلت مستنياه عشان تصالحه لحد ما نامت علي نفسهاوتاني يوم الصبح صحيت علي صوت حماتها وهي بتقول...
نعمه
قوووي فزي يا اختي نايمه ولا علي بالك وانتي منكده علي ابني ومخلياه سايب البيت ووهو لسه عريس وانتي نايمه ..
.سلمي بقلق
حماتي هو انتي ډخلتي هنا ازاي بس يا طنط وو.
نعمه بعصبيه
هو انتي ده كل اللي هامك لا واضح ان امك بعد ابوكي ما قابل وجه رب كريم ما عرفتش تربيكي لوحدها وانا هربيكي كويس يا بت..
وبعد شويه في بيت سهير طلعت بره اوضتها ورنيم كمان اللي قالت..
رنيم
هو في ايه يا ماما هو مين اللي بيخبط علينا كده علي الصبح....
سهير
مش عارف اديني اهو رايحه افتح هات العواقب سليمه يارب ...
وقربت سهير من الباب وكانت رنيم واقفه جنبيها واول ما فتحته لقيت بنتها سلمي قدامها ووشها كله كدمات وشكلها متبهدل اووي...
سهير پخوف
مالك يا بنتي ايه اللي عمل فيكي كده اتكلمي...
عيطت سلمي ورنيم مسكت ايدها وقالت
اهدي بس يا ماما خليها تدخل وتهدي شويه وتقولنا ايه اللي حصل ...
دخلو وقعدوا جوه وسهير قالت
ما تتكلمي بقي يا بنتي حرام عليكي قلبي هيقف...
رنيم
اتكلمي يا سلمي مين اللي عمل فيكي كده علي صح جاته كسر ايده .
سلمي پبكاء
لا مش علي اللي عمل فيا كده دي نعمه امه جات وعدمتني العافيه وانا والله ما عملتها حاجه..
اتعصبت سهير وقالت
ليييه تعمل فيكي كده من غير سبب هي سايبه ولا ايه طيب والله العظيم لانا وخدااكي كده بمنظرك ده واعمل فيها بلاااغ.
رنيم
اهدي طيب يا ماما عشان خاطري وكل حاجه تتعدل والله..
سهير
هو ايه اللي يتعدل انا عمري مديت ايدي عليكي أو علي اختك تقوم تيجي واحده زي نعمه تعمل فيها كده الله في سماه ما هعديها علي خير...
سلمي
استني يا ماما انا هكلم علي واقوله اللي حصل من أمه وهو يشوفله حل معاها...
وبعدين الباب خبط وراحت رنيم فتحت وكان حمزه اللي قال
حمزه
ده انا ربنا بيحبني عشان شوفتك النهارده الصبح كده...
رنيم
والله مش وقته واحسنلك اخلع دلوقتي من هنا
بدل ما ماما تطلعهم عليك..
حمزه بقلق
ليه يعني في ايه حصل يا بنتي....
طلعت سهير وقالت وهي مټعصبه
كويس انك جيت تعالي ادخل يلا ادخل انت هتنحلي...