ام ابنات الجزء الثاني

واللي ابنك لو ما اتجوزهاش هتحصله حاجه يا صفيه هانم..
صفيه
يجرالك اللي يجرالك بس سمعت العيله تفضل فووق وما تجيش ناس زي دي ويتشرط علينا بقي انا ادورك علي بنت حسب ونسب وانت عايز تتجوز واحده زي دي الشغالين عندنا اغني منها هي وأهلها..
وقف حمزه وقال
تمام جدا يا ماما ومدام انا مش فارق معاكي مشاعري يبقي انا وابني مش هنقعد هنا دقيقه واحده تانيه..
صفيه بعصبيه
بقي هتسيبني انا عشان البت دي يا حمزه ..
حمزه
انا هسيبك عشان انتي مش مقدراني يا ماما ولا مقدره مشاعري ولا بتهمك راحتي كل اللي فارق معاكي البيت واسم العيله ومنظرنا قدام الناس اللي تفكيرهم سطحي...
صفيه
انت لو مشيت يبقي ما تلومنيش علي اللي هعمله. ...
حمزه
وأنا مش صغير عشان اخاڤ ولا بتهدد ده انا تربيتك يا صفيه هانم...
خلص كلامه وقام فعلا واخد ابنه ومشي وراح عند بيت رنيم خبط علي الباب وفتحتله سهير اللي قالت..
سهير
استاذ حمزه خير يا ابني في حاجه ولا ايه ما تاخذنيش اصلك جاي في وقت زي ده يعني اا..
قاطعها حمزه وقال
اسف جدا علي الازعاج بس ماما تعبانه شويه وانا عندي شغل مهم وما لقتش أمن منكم اسيب عنده مالك ابني...
سكتت سهير وما كانتش عارفه ترد وجات رنيم من جوه وقالت بقلق.
رنيم
حمزه في ايه انت كويس..
حمزه
ما تخافيش انا كويس بس هسيب عندكم مالك شويه وبكره هاخده لان ماما تعبانه وانا عندي شغل ده لو ما فيهاش ازعاج يعني..
رنيم
عادي ولا يهمك ده هيكون في عينيا والف سلامه طنط سلامتها ...
حمزه بص لسهير وقال
الله يسلمك يلا مع السلامه يا حماتي. ..
قال كلامه ومشي بسرعه ورنيم مسكت ايد مالك وقالت لمامتها اللي واقفه مټعصبه ..
رنيم
مالك يا ماما واقفه كده ليه ادخلي واقفلي الباب..
قفلت سهير الباب وقالت
لا والله كيس جوافه انا قدمك هو ايه اللي حصل بينا لسه عشان يجيب ابنه يبيته عندنا ...
رنيم بقلق
مم من عشمه يا ماما والله حمزه طيب ولو عرفتيه هتقولي انا ما ناسبتش غير حمزه ...
سهير
نسب ايه وغلب ايه منك لله عارفه انا لو اتجلطت هيكون بسببك...
مالك ببراءه
يا تيته هو حضرتك مټعصبه ليه كده .....
سهير بهدوء
لا يا حبيبي مش مټعصبه ولا حاجه ...
مالك
طيب اما عايز موز باللبن عندكم ولا هتبقي قاعده ناشفه هنا..
كتمت رنيم ضحكتها وقالت سهير
قاعده ناشفه لا بقولك ايه شكلك كده متدلع وانا تربيتي ما فيهاش دلع ...
مالك
بقولك ايه يا تيته يا موزه انتي هو يوم واحد قاعده عندكم فخلينا حلوين مع بعض وبلاش قفش..
ضحكت رنيم وقالت
ايييه يا ابني العسل ده طيب بذمتك يا ماما مش دمه خفيف..
سهير
دمه خفيف وزي العسل ويقعد هنا علي عيني وعلي راسي بس يجبهولك ليه من اولها كده..
رنيم
علي قلبي زي العسل انا عايزه كده وما عنديش مشكله ..
سهير
طيب