ام ابنات الجزء الثاني

وماما ما ضغطتش عليه في حاجه....
فاتن
بس عارفه برضو يا سلمي شكلهم هادي وحلو اووي انا في واحده صحبتي كانت جايبه زيهم كده وكانو عاجبيني اووي..
سلمي
حبيبتي يا سلمي عقبال ما نفرشلك شقتك ونفرح بيكي ..
نعمه بضيق
ياارب يا حبيبتي وقتها انا هجيب لبنتي الحلو كله ومش هستخسر فيها حاجه وبعدين ما تخلصي من لما جينا بتعملي في حتة بطايه وشوية محشي وملوخية..
اتملت عيون سلمي دموع وقالت فاتن
ما اهو يا ماما بنجهز في الاكل وبعدين احنا لسه جايين ما كملناش نص ساعه ....
نعمه اتنهد وقالت
طيب يا فاتن جايه تطبخي في بيت اخوكي كمان ده انتي مش بتعملها في البيت..
فاتن
ما انا لقيت سلمي بتعمل اكل حلو قولت اقعد جيبيها اهو اساعدها واتعلم منها..
فرحت سلمي وقالت
والله انتي عسل يا فاتن وما فيش منك ربنا يجبر بخاطرك يا بنتي..
نعمه
انا طالعه اقعد مع ابني ده انتي وهي تسدو النفس...
طلعت نعمه من عندهم وهما فضلو يضحكو وفضلت يجهزو في الاكل وقعدت نعمه جنب علي في الصاله وقالت..
نعمه
سيب الموبيل ده من ايدك واسمع تقول لمراتك تبعد عن اختك وتسيبها في حالها هي دماغها ناشفه لوحدها..
علي
حاضر يا ماما مع ان سلمي كويسه والله وحاسس ان طريقتي غلط معاها..
نعمه
نعمم يا اخويا هي لحقت تاكل بعقلك حلاوه لا فوق ده انت الراجل اللي حيلتي البت دي شويه شويه تاخدك مني والله اللي هعمله فيها ما يخطر علي بال بشړ لو عملت كده...
علي ادايق وقال
ليه بس بتقولي كده يا ماما والله هي مش بتجيب سيرتك انتي وفاتن غير بالخير..
نعمه
ده كهن بنات يا اخويا انت طيب وما تعرفش حاجه ..
علي
خلاص يا أمي اللي انتي عايزااه انا هعمله بس بلاش تعصبي انتي نفسك...
نعمه
انا مش هتعصب مدام انت بتسمع كلامي وافتكر ان اهم حاجه رضايا عليك..
علي
حاضر يا ماما ربنا ما يحرمني منك ابدا يا حبيبتي...
وفي بيت حمزه البحيري كان قاعد بيتعشي هو وأمه وابنه الصغير وقال حمزه..
حمزه
بقولك ايه يا ماما انا عايزك تفضي بكره عشان هنروح نخطب رنيم..
سابت صفيه الاكل وقالت
تاني يا حمزه انت عايز تخليني في مره اروح فيها من تصرفاتك دي...
حمزه
بعد الشړ عنك طبعا يا ماما بس انا قولتلك من الاول اني هتجوزها يعني هتجوزها وروحت هناك علي فكره ومامتها رفضتي..
وقفت صفيه وقالت بعصبيه
نعممم هي مين دي اللي رفضتك هي تطول الجعانه دي هي تعرف الأول انت مين وابن مين هي كانت تحلم اصلا تشغل بنتها عندك..
اديق حمزه وقال
امممم وكلام حضرتك بقي ده صح حتي قدام الولد يا ماما.
علي العموم انا خليت رنيم تقنعها وهي تقريبا وافقت بس طلبت نروح انا وانتي..
صفيه ضحكت بسخريه وقالت
هههههههه لا بجد ضحكتني هي مين الست دي تطلع مين عشان تسمحلها تتأمر فيك كده..
حمزه
تطلع ام البنت الوحيده اللي حبيتها