ام ابنات الجزء الثاني

مشاكل ام البنات
الحلقه التانيه
فاتن بدموع
حرام عليك يا علي ايه اللي انت بتقوله عليا ده يا شيخ انا اختك يا اما انت تقول عليا كده سيبت ايه للغريب..
نعمه
اخرسي يا بت انتي اخوكي خاېف عليكي قومي ادخلي اوضتك يلااا..
فاتن
داخله يا ماما جوه ده انتو العيشه معاكم بجد تقصر العمر...
قالت كده ودخلت اوضتها وعلي كمان راح اوضته وكلم سلمي اللي كانت نايمه وردت عليه وقالت..
سلمي
ايوه يا علي نعم ....
علي
انتي نمتي ولا ايه ...
سلمي
ايوه نمت انا اصلا بحب انام بدري يا علي اوعي يكون ليك في السهر..
علي ماردش علي سؤالها وقال
طيب خلاص نامي انتي وانا هعمل كام حاجه ورايا وهروح انام تصبحي علي خير....
سلمي ابتسمت وقالت
وانت من اهل الخير يا علي مع السلامه...
قفلت معاه سلمي ولقيت رنيم واقفه فوق راسها وهي بتقولها ..
رنيم
الواد ده انا مش مرتحاله. خالص علي فكره والناس الغامضه اللي زي ده كده بتبقي مش ساهله..
سلمي
لا لا مش علي ده طيب جدا وابن حلال بس هو هادي المهم خلينا في الخيبه بتاعتك ..
رنيم بحزن
خلاص يا سلمي ارتاحي اهي امك قعدتني في البيت لا شغل ولا حتي جواز ..
سلمي
ماما معاها حق علي فكره وخاېفه عليكي انتي مش قد انك تتجوزي واحد زي ده حتي الفرق اللي بينا يخوف يا رنيم ده لو زعلك بعد كده مش هنقدر نقف ونغلطه....
رنيم
والله العظيم انتو ما تعرفوش حمزه ده طيب اووي ومحترم بس حظه بقي وقع في بنت مش كويسه ...
سلمي
ماما قالتلك ليه اللي زيه يا رنيم وانتي ليكي اللي زيك اللي يبقي قريب منك في السن وتبقي اول برحته وهو اول فرحتك..
رنيم
يا ربنا والله نفس دماغ ماما انا رايحه انام تصبحي علي خير يا عروسه...
وبعد كده عدي اكتر من اسبوع واتجوزت سلمي علي وفي يوم كانت عازمه حماتها وفاتن اخت علي العشا ووقفت في المطبخ عشان تعمل الاكل ودخل عندها علي وقال...
علي
اعمليلي شاي واعملي حسابك هتعملي اكل لماما تاخده معاها عشان فاتن مش بتعرف تعمل اكل كويس....
سلمي
حاضر يا علي هزود الاكل من عينيا بس ممكن تعمل انت الشاي انت عارف احنا دلوقتي في الشتا والنهار قصير اووي..
علي پحده
ما انتي لو شاطره هتقدري تعملي اكتر من كده كمان وبعدين سرعي حركتك شويه وهتنجزي يلا بس اعمليلي شاي...
قالها كده وطلع وسلمي قالت لنفسها
بقي هو ده الجواز اللي كنت فاكره اني هتدلع واتهني فيه منك لله يا علي يا ابن ام علي...
وبعد شويه جات حماتها وفاتن اللي راحت تساعد سلمي في المطبخ ودخلت عندهم نعمه وقالت..
نعمه
قوليلي يا سلمي هي الكاسات اللي في النيش دي ما جيبتهاش ليه من الغاليه ينفع المنظر ده...
سلمي
عادي يا طنط احنا جيبنا اللي علي قدنا زي ما علي جاب شقه إيجار علي قد ظروفه