ام البنات الجزء الاول

مش بتردي ولو كنتي جيتي رديتي كنتي عرفتي انا جاي ليه...
قبل ما ترد عليه رنيم طلعت سهير وقالت
خير مين حضرتك..
رنيم بتوتر.
ده ده يبقي استاذ حمزه المدير بتاعي في الشركه وكان معايا ملف هو اا..
حمزه بجديه قاطعها وقال لسهير
بعد اذن حضرتك انا جاي عشان اطلب منك ايد رنيم..
سهير بهدوء
طيب وهو ينفع تطلب حاجه زي دي من علي الباب كده اتفضل جوه لو سمحت..
وبصت لرنيم وقالت
ادخلي جوه يا رنيم عند اختك يلاا...
دخلت رنيم جوه بس وقفت عند. الباب وسمعت حمزه وهو بيتكلم مع مامتها وقالها..
حمزه بجديه
انا عارف اني مش جاي في معاد بس انا ليا ظروفي الخاصه وحاجه كمان انا كنت متجوز ومطلق وعندي ولد..
سهير
وعندك ولد امم وطبعا حضرتك بقي جاي عايز بنتي عشان تربيلك ابنك..
جمزه
لا طبعا يا طنط والله انا جاي اخطب رنيم وعايز اتجوزها عشان بحبها وعايزها معايا في الحلال قدام الناس كلها وبس..
سهير
سنك صغير باين عليك واكيد ابنك صغير يتني ما يكملش عشر سنين وڠصب عنها هتبقي مجبره تاخد. بالها من ابنك وانا بنتي مش قد مسؤلية راجل زي حضرتك بابنك..
حمزه بضيق
طيب حضرتك خدي وقتك فكري وشوفي رنيم و..
وقفت سهير وقالت
شرفت يا استاذ حمزه وحاجه كمان تقدر تعتبر بنتي مقدمه استقالتها من عندك في الشركه...
حمزه وقف وقال
تمام حضرتك بس انا زي ما قولتلك بحب رنيم ومش هستسلم ولا هسيبها..
سهير
تقصد ايه بكلامك ده انت بتهددني ولا ايه...
حمزه
لا العفو انا ما اقصدش اهددك بس اسبابك في الرفض مش مقنعه عشان اسيب رنيم بعد اذنك..
قال كلامه ومشي ورنيم طلعت من اوضتها ومعاها سلمي اختها وكانت بټعيط ووقفت قدام مامتها وقالت..
رنيم
ليه بس كده يا ماما والله حمزه كويس جدا و...
زعقت فيها سهير وقالت
ولا كلمه كمان هو انا كنت مودياكي الشركه ليه عشان تشتغلي ولا تحبي ومين واكد يخلفك...
رنيم
يا ماما هو اكبر مني ب سنه بس يخلفني فين وبعدين انا مالي مطلق ولا معاه ولد ده نصيب المهم هو ازاي..
سهير
ما اسمعش كلام في الموضوع ده تاني وبعد فرح اختك نشوف حل..
سلمي
خلاص بقي يا رنيم عشان ماما ما تتعبش ووقت تاني نتكلم يلا تعالي ننام..
ودخلت رنيم اوضتها وكانت مټعصبه جدا ومدايقن وسهير كانت بره مش عارفه تعمل ايه في موضوع حمزه..
وفي بيت علي خطيب سلمي كان قاعد هو ومامته واخته وقالهم..
علي
خلاص انا قررت اخدها شهر في الشقه الايجار وبعد كده هجيبها هنا ونعيش كلنا سوا..
نعمه
ايوه كده يا ابني انت كده ابن امك وحبيبي قال سهير عايزاك تسيب امك واختك لوحدهم وتسكن بعيد عنهم اهي هناخدها علي قد. عقلها وفي الاخر مش هنعمل غير اللي احنا عايزينه..
فاتن الاخت
بس يا ماما سلمي غلباانه والله وفيها ايه لو قعدنا سوا انا وانتي لوحدنا و..
زعق فيها علي وقال
انتي طبعة
عايزة تقعدي لوحدك هنا عشان تفضلي تتصرمحي مع صحابك من غير ظابط ولا رابط ده بعينك يا فاتن فاهمه ولا لا...