ام البنات الجزء الاول

قفلت معاها وراحت بصت لابن حمزه اللي عمره 7 سنين بيلعب قصادها ومعاه المربيه بتاعته وقالت..
صفيه
مش اي واحده تنفع تكون مامتك او مرات حمزه البحيري والبنت اللي مش لاقيه تاكل دي انا هعرف كويس اووي ابعدها عن ابني...
قالت كلامها وراحت اوضتها وبالليل رجع حمزه من شغله ودخل عندها وقالها...
حمزه
ايه يا ست الكل قالولي انك طول اليوم قاعده لوحدك هنا في حاجه مزعلاكي ولا ايه يا ماما..
صفيه
كويس انك جيت تعالي يا حبيبي اقعد جنبي هنا عايزااك...
قعد حمزه قصادها وقال
خير يا ماما في ايه يا حبيبتي..
صفيه
انا جيبتلك عروسه بنت وزير سابق وبنت محترمه جدا هي كبيره شويه يعني في الخمسه وتلاتين يعني نفس سنك كده وما اتجوزتش قبل كده بس زي القمر و..
قاطعها حمزه بجديه قال
ومين قالك اني عايز اتجوز واسف يا ماما انا لو عايز اتجوز مش هستني حضرتك تختاريلي تاني تحبي افكرك الهانم اللي اختارتيها ليا زمان عملت ايه خلعتني وهربت مع صاحبي وسابت ابنها..
صفيه پحده
امال مين ان شاء الله اللي هترضي بيك وتكون بنت ناس ومتربيه وانت مطلق ومعاك ولد..
حمزه
سيبي كل حاجه لوقتها يا ماما انا مشغول الايام دي ومش فاضي...
صفيه
اومال فاضي لايه حضرتك للبنت اللي بتضحك عليك وطمعانه فيك...
حمزه
الله الله يا ست ماما حضرتك بتراقبيني ولا ايه..
صفيه
ما تردش عليا السؤال بسؤال وما اسمهاش براقبك اسمها باخد بالي منك والبنت دي النهارده كان اخر يوم ليها في الشركه..
حمزه
تمام يا ماما لو كلامك ده حصل والنهارده كان اخر يوم ليها في الشركه فبكره هيكون اول يوم ليها هنا في البيت ده وهي مراتي...
صفيه
انت بتكسر كلامي يا ولد انت طيب انا هنفذ كلامي وعايزه اشوف انت هتعمل ايه...
ما ردش عليها حمزه وطلع اخد عربيته وراح بيت رنيم اللي كانت قاعده هي ومامتها وسلمي اختها اللي قالت..
سلمي
شوفتو اهي الست دي تبقي حماتي وانا هتجوز ابنها كمان اسبوع والله خاېفه منها اووي..
سهير
المهم علي ازاي ده بيحبك وراجل ومش هيتعبك معاه.
سلمي بقلق
اهو علي نفسه غامض يا ماما مش واضح معايا في الكلام..
رنيم
ماما بنتك دي بتتلكك ومش عايزه تتجوز طيب كفايه حلاوته هو انتي كنتي تطولي تتجوزي واحد في حلاوة علي..
ضحكت سهير وسلمي اتعصبت وقالت
يا ماما خليها ما تقولش كلام حلو علي خطيبي لو سمحتي..
سهير
بس يا رنيم ما ترخميش علي اختك..
رنيم
حاضر يا ماما المهم انا عايزه الف جينيه عشان اجيب فستان احضر بيه فرح سلمي..
سهير
ما انتي بتشتغلي ومعاكي فلوس وما حدش بياخد منك حاجه قومي بس شوفي مين بيخبط..
رنيم
ما سلمي اهي تقوم تفتح ولا كله رنيم رنيم وبس. ..
سهير
قومي يا بت بقي بطلي غلبه تلاقي اللي بيخبط خلل علي الباب...
قامت رنيم وفتحت الباب واتفاجئت لما لقيت قصادها حمزه وقالت..
رنيم
حمزه انت ايه اللي جابك هنا دلوقتي..
حمزه
بكلمك.