ام البنات الجزء الاول

مش هترضي لا ليكي ولا ليا بحد زيه كده..
رنيم
انا طالعه اجهز الفطار مع ماما وعلي فكره لما حمزه هيجي يخطبني هي هتوافق..
سلمي
ما يجي هو حد ماسكه يا سكر..
رنيم
هيجي يا سلمي بس بعد ما انتي تتجوزي الاول..
سلمي
افضلو انتو علقو احلامكم بيا لحد ما لا احلامي انا هتتحقق ولا انتو كمان..
ضحكت رنيم وطلعت راحت المطبخ عند. مامتها وسلمي راحت اوضتها وفي المطبخ دخلت رنيم عند مامتتا وقالت...
رنيم
استني يا ماما ارتاحي انتي وانا هكمل تجهيز الفطار..
سهير
لا لا انتي روحي اجهزي عشان شغلك وما تتأخريش وانا خلاص اهو قربت اخلص وبعدين ده فطار مش حاجه يعني..
رنيم
طيب اساعدك يا حبيبتي اعمل معاكي اي حاجه..
سهير
قولت لا يلا روحي اجهزي عشان شغلك..
رنيم
ربنا يخليكي لينا يا احن ام في الدنيا ويديكي الصحه..
وفعلا البنات جهزو وبعد ما فطرو مع مامتهم راحو شغلهم وكانت سلمي مدرسه في حضانه ورنيم سكرتيره في شركه كبيره واللي حصل اول ما رنيم دخلت الشركه...
حمزه
كل ده تأخير ما قولتلك يا بنتي اعدي عليكى واجيبك في طريقي بدل الموصلات دي..
رنيم
لا يا حمزه مش وقته لما نبقي نتخطب..
حمزه
ايوه اللي هو امتي يتني نتخطب انا بجد تعبت..
رنيم
يووه هو كل يوم خناق في الموضوع ده يا حمزه وقولتلك لما تبقي سلمي تتخطب واقنع ماما لو حتي 30 في الميه بيك..
حمزه ادايق وقال
مااشي يا رنيم اللي يريحك اطلبيلي قهوه وانا جوه في مكتبي..
رنيم
هو انت ادايقت ليه دلوقتي ما احنا متفقين من الاول يا حمزه..
حمزه
وانا ما قولتش حاجه بس خلاص بقي الموضوع بايخ اووي وانا مش صغير ولا قليل لشغل المراهقين ده يا رنيم..
قعدت رنيم علي مكتبها وقالت
والله اللي يريحك اعمله يا حمزه انا دي ظروفي وده وضعي وانت برضو مش مجبر تتحمله..
حمزه
لا مجبر اتحمله يا رنيم عارفه ليه..
رنيم بحزن
مش عايزه اعرف انا عايزه اشتغل بعد اذن حضرتك..
حمزه ابتسم وقال
عشان بحبك يا رنيم وعادي يا ستي اتحمل اي حاجه بس المهم نبقي مع بعض في الاخر...
رنيم اتكسفت وقالت
طيب خلاص بقي يا حمزه اتفضل علي شغلك عشان ما حدش ياخد باله...
.
حمزه
ايه ده هو مين فين المدير عشان تتأمري كده..
رنيم بكل ثقه ردت عليه وقالت
انت المدير يا استاذ حمزه بس انا حبيبة المدير وكلامي لازم يتسمع..
ضحك حمزه وقال
هههههه تمام. يا ستي مقبوله هاتيلي القهوه يلا..
ودخل مكتبه وراحت رنيم عشان تجيبله القهوه وما اخدتش بالها من البنت اللي كانت واقفه بره المكتب وبعد ما مشيت رنيم طلعت موبيلها وقالت..
سهي
ايوه يا صفيه هانم انا سجلتلك اللي حصل بين حمزه بيه والبنت السكرتيره..
وعلي الناحبه التانيه كانت قاعده ست كبيره بس باين عليها الرقي وقالت بجمود..
صفيه
طيب ابعتي اللي سجلتيه ومش عايزه البنت دي تغيب عن عينك لحظه وانتي في الشركه..
سهي
من عينيا يا صفيه هانم انا تحت امرك...
وصفيه