ام البنات الجزء الاول

مشاكل ام البنات
الحلقه الاولي
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وقبل ما نبدأ حكايتنا اعرفكم علي بطلتنا النهارده واللي اسمها سهير ست عندها خمسه واربعين سنه طيبه اووي وجوزها قابل وجه كريم من لما كانت حامل في بنتها الصغيره رنيم اللي دلوقتي بقي عندها اربعه وعشرين سنه واختها الكبيره سلمي عندها سته وعشرين سنه وسهير ربتهم لوحدها وما اتجوزتش خالص من بعد جوزها...
وفي يوم في بيت سهير بعد ما صلت الفجر وطلعت من اوضتها ولقيت سلمي بنتها الكبيره قاعده في الصاله ومدايقه.. قربت منها سهير وقالت..
سهير
مالك يا حبيبتي صاحيه ليه بدري معقوله تكوني عقلتي وصاحيه تجهزي الفطار مكاني..
سلمي
لا طبعا بعد الشړ عليا كفايه عليكي رنيم انا بس قلقانه شويه..
سهير قعدت جنبيها وقالت
عارفه يا حبيبتي انك متوتره بسبب موضوع علي خطيبك اللي جاي النهارده هو ومامته عشان نحدد معاد الفرح...
سلمي مسكت ايدها وقالت
يا ماما انا خلاص مش عايزه اتجوز انا عايزه افضل علي طول قاعده معاكي..
سهير
لا كده هزعل منك الولد كويس وسمعته زي الجنيه الدهب ليه بقي نرفضه وبعدين ما انتي بعد ما هتتجوزي هتيجي تزوريني وتباتي معايا وتمليلنا البيت عيال..
سلمي
املي البيت عيال مره واحده ليه شيفاني ارنبه يا ماما..
قامت سهير وهي مدايقه وقالت
انا عارفه مش هاخد معاكي لا حق ولا باطل بس هي كلمه الولد ومامته جايين النهارده وتقعدي معاهم وانتي هاديه ومؤدبه مش عايزه نعمه حماتك تقول علينا حاجه....
سلمي بغيظ.
حاضر وان شاء الله والف الف مبروك...
قالت كده وكانت داخله اوضتها بس وقفتها سهير لما قالتلها...
سهير
استني هنا يا بت انتي تعالي جهزي معايا الفطار يلا..
سلمي
لا لا انا هروح اغير هدومي عشان ما اتاخرش علي شغلي هبعتلك رنيم حبيبة قلبك المطيعه...
قالت كده وراحت اوضة رنيم اختها الصغير ودخلت علي طول وكانت رنيم بتتكلم في الموبيل ولما شافت سلمي قدامها قالت للي بتكلمه..
رنيم
خلاص يا حبيبي سلمي دخلت عندي هبقي اكلمك وقت تاني..
وقفلت الموبيل وزعقت في سلمي
طيب ينفع كده وبتزعلي لما اټخانق معاكي مش يا بنتي قولتلك تخبطي قبل ما تدخلي عندي..
سلمي
كل ده عشان خاطر حبيب القلب ابو مالك..
رنيم بضيق
اسمه حمزه واتلمي يا سلمي..
سلمي
لا بقي انتي اللي تتلمي ماما لو عرفت حاجه زي دي هتزعل اووي وكمان هي مستحيل توافق تجوزك سي حمزه بتاعك ده..
رنيم
ليه بقي ان شاء الله علي فكره حمزه ابن ناس اووي ومحترم جدا وبيحبني ومدير شركه. كبيره اووي وصغير في السن و..
سلمي پحده
ومطلق يا رنيم هااا خليكي فاكره انه مطلق ومعاه ولد وماما اكيد