انا وسلفتي

وقالت
طيب يا ماما ولا اقولك يا عروسه ربنا يسعدك ومدام انتي مرتاحه يبقي مش عايزه حاجه تانيه
ومشيت روان ورجعت البيت ولقيت حماتها في وشها وقالت ليها
الحما
كل ده عند امك ولا روحتيلك مكان تاني
روان
لا والله يا ماما انا يدوب قعدت معاها ساعه واحده وجيبت بعضي وجيت
الحما
طيب دي اخر مره تروحي هناك لوحدك عند امك والراجل جوزها ده هناك فاهمه ولا لا
روان
طيب لو كنت عايزه اشوف امي واطمن عليها اعمل ايه
الحما بضيق
اسمعي يا مرات ابني الموضوع ده لوحده غير اي حاجه انتي مدام اتجوزتي ابني تبقي خلاص بنتي والراجل اللي امك اتجوزتو ده انا اخاڤ عليكي منه
ابتسمت روان وقالت
حاضر يا ماما من عينيا الاتنين انا لو حبيت اشوف امي ابقي اكلمها اخليها تجيلي هنا تقعد معايا شويه ده لو انتي ما عندكيش مانع يعني يا ماما
الحما
تنورنا يا مرات ابني في اي وقت المهم ادخلي اعمليلي كوباية شاي
روان بحماس
من عينيا يا ماما
وراحت روان عملت لها شاي وبقيت تنضف في البيت وتعمل غدا وفي يوم رجع كريم من بره وقال وهو ماسك الموبيل بتاعه
كريم
يا روااان انتي فين يا بنتي
طلعت هند من اوضتها وقالت
مالك بتنده عليها ليه وعايز منها ايه
حط كريم ايده علي الموبيل وقال
انتي اټجننتي يا بنت انتي اخرسي خاالص عمر معايا علي الفون وعايز يكلم مراته
طلعت روان من المطبخ وقالت
ايوه يا كريم نعم عايز حاجه اعملهالك
كريم مدلها الفون وقال
خدي يا ستي في حد عايز يكلمك
روان بقلق
لا لا انا مش بحب اكلم حد ما عارفوش
ضحك كريم وقال
هههههههه يا ستي استني ده عمر جوزك مش حد غريب..
مسكت روان الموبيل بسرعه وقالت
الو ازيك يا عمر عامل ايه يا حبيبي..
عمر
الحمد لله كويس كريم بيقولي انك تعباانه شويه يا حبيبتي خير مالك..
دخلت روان المطبخ وقالتله
بصراحه كده انا عايزااك تيجي الفتره دي بسرعه اووي..
عمر
ليه يعني في ايه..
روان بصوت واطي
شاكه اني حامل بس مش عايزه اقول قدام حد لحد ما اتاكد...
عمر بفرحه
انتي بتتكلمي جد لا لا بصي ما تقوليش قدام حد وانا هحاول اظبط اموري وانزل علي طول وافضل جنبك يا حبيبتي..
_قفلت معاه روان وكملت الاكل اللي بتعمله وتاني يوم اتأخرت روان في النوم وقالت هند لحماتها..
هند
شايفه يا ماما هي قاصده تتعبني وخلتني اقوم اجهز الفطار النهارده لكريم عشان اتكسف يروح يصحيها..
الحما
استني انا هقوم اصحيها ده ايه الدلع الفاضي ده..
ودخلت الحما عند روان لقيت وشها اصفر وتعبانه اووي قربت منها وقالت..
الحما
مالك يا بت عامله ليه كده..
روان
تعبانه اووي يا ماما وحاسه ان بطني بتتقطع..
الحما بقلق
طيب اهدي كده وامسكي نفسك هكلم كريم يجيبلك دكتور..
_وكلمت كريم اللي جه وجاب الدكتور ودخلت مت الدكتور عند روان وفضل كريم قااعد مع هند بره..
هند بغيظ
تلاقيها بتعمل الشويه دول عشان ما تعملش حاجه في شغل البيت..
كريم
وانتي ما اتشلتيش يا هند عشان تحتاجي حد يخدمك تمام..
هند بضيق
اسكت والنبي يا كريم انت مش فاهم حاجه وطلع الدكتور ومعاه الحما اللي زغرتت وقالت..
الحما
لولولولولولوييييي الف مليون مبروك يا ولاد مبروك يا كريم مراتك اخوك حامل كلمه فرحه..
كريم بفرحه
بجد يا ماما انا هكلمه اهووو تعالي يا دكتور انا حاسبك..
_ والكل كان مبسوط معادا هند اللي ملامحها اتغيرت اوووي وكانت متغاظه جدا..
الحما
بقولك ايه يا هند دلوقتي انتي زيك زيها اللي تعملع روان انتي تعملي زيه وانا كمان هساعدكم..
هند بغيظ
وعلي ايه يا حماتي انا رايحه عند امي ارتاح..
الحما
يا اختي انتي حره واضح اني كنت فعلا غلطااانه..
_وراحت فعلا هند بيت اهلها وروان كانت