انا وسلفتي

اطباق الاكل وقالت
حاضر يا ماما اهو والله ادي الرز والملوخيه هجيب الفراخ من جوه وجايه..
ودخلت روان المطبخ وهند قالت
تعرفي يا ماما دخلت من شويه المطبخ اشرب لقيتها ماسكه ورك فرخه وبتاكل فيه..
الحما
شوفي البت الجعانه وتيجي قدامي تقول ايه ما اكلتش اليوم كله علي لحم بطني..
هند
انا من رأيي يا ماما ما تخليهاش تاكل دلوقتي فراخ خالص كفايه عليها طبق رز ورغيف عيش..
الحما
استني بس وشوفي انا هعمل فيها ايه..
وجات روان وجابت باقي الاكل وقالت
هو كريم مش هيجي يتغدي ليه النهارده..
هند بغيظ.
عنده شغل يا حبيبتي وهيتغدي في الشغل ما تشغليش بالك انتي..
وجات روان تاخد حتت فراخ فمسكت ايدها حماتها وقالتلها پحده..
الحما
استني هنا الفراخ دي انا هاخد حته ونشيل حته لكريم وانتي يا هند كولي الحتتين دول..
روان
طيب وانا يا ماما مش هاخد..
الحما
ما انتي شايفه البنت حامل يعني بتاكل لاتنين يا روان ده بدل ما انتي اللي تقوليلي اديها تاكل وتتغذي..
هند
معلش بقي يا ماما صغيره وما تعرفش حاجه لسه..
روان
بس انا من صباحية ربنا واقفه علي رجلي يا ماما وبرضو محتاجه اكل عشان اقدر اقوم بشغل البيت ولو هند هتاكل زياده كانت قالتلي وانا كنت طلعت حته زيااده..
الحما
لا يا روحي بعد كده انا اللي هطلع الفراخ واللحمه من التلاجه واقسمهالك عشان اعرف الحاجات بتقل ليه في التلاجه..
روان
براحتك يا ماما انا مش باخد حاجه من وراكي عشان تقوليلي كده..
هند بشماته
جرا ايه يا روان ما كنتش حتت فراخ دي اللي هتخليكي تقلبي وشك علينا كده..
الحما
ما خلاص بقي يا بت يعني انتي عمرك ما اكلتي فراخ ولا ايه..
روان بدموع
لا طبعا انا مش بتكلم في كده انا بس بتكلم علي التقدير..
الحما
وانا يعني مش مقدرااكي واحده غيري يا حبيبتي كانت قالتلك من لما جوزك سافر روحي اقعدي عند اهلك بس انا اكمني عارفه ان امك اتجوزت من شهر واتجوزت مين واحد عينه زايغه خۏفت عليكي وقولت بنتي ما تروحش عند واحد. زي ده..
هند
تسلمي يا ماما والله انتي احسن حما في الدنيا بس معلش نصيبك بقي كده في مرات ابنك الصغير ما تقدرش تعبك..
روان بدموع
انا شبعاانه بعد اذنكم...
الحما
هنبقي نندهلك تشلي الاكل وتغسلي المواعين بعد ما نخلص..
روان
حاضر..
قالت كلامها ودخلت اوضتها وهند قالت
شوفتي ما هي لولا ما اكلت جوه لولا برضو ما قامت..
الحما
كلي بس انتي كلي وسيبك منها شالله عنها ما طفحته جوازة النداامه دي..
وعدي كام يوم وكانت علي طول روان بتعمل شغل البيت كله لوحدها ده غير طلبات حماتها وسلفتها اللي ما بتخلصش وفي يوم كانت بتعمل الاكل في المطبخ ورن عليها عمر جوزها وفرحت اووي وردت عليه وقالت ...
روان
ازيك يا عمر يا حبيبي عامل ايه انت وحشتني اوووي
عمر
انا الحمد لله يا حبيبتي كويس وانتي كمان وحشتيني اوووي يا روان عامله ايه طمنيني عليكي
روان بحزن
انا كويسه يا عمر بس انت هتيجي امتي انا خلاص مش قادره اعيش هنا لوحدي
عمر
ڠصب عني والله يا حبيبتي انتي عارفه ان عندكم ما فيش شغل وانا ما صدقت الاقي شغل هنا والظروف تتحسن
روان بحزن
يعني انت هترجع امتي برضو ما قولتليش
عمر
شهر او شهرين كده وهرجع علي طول المهم انتي مال صوتك تعبان كده ليه
روان بحزن
ما فيش كل الحكايه اني تعبانه من شغل البيت وامك وهند اا
قاطعها عمر وقال
بقولك ايه يا روان هبقي اشحن واكلمك تاني لما افضي يلا سلام
قال كلامه وقفل معاها وروان فضلت تكمل تجهيز اكل لحد ما حماتها ندهت عليها طلعت روان بره وكانت حماتها وهند