انا وسلفتي

زي عادتهم قاعدين قدام التلفزيون وقالت روان
روان
نعم يا ماما خير
الحما
انتي كنتي يا بت بتكلمي عمر ابني جوه مش كده
روان
ايوه كلمني دقيقتين وقفل عشان مش فاضي
الحما
وما جيبتهوش ليه يا عين امك يكلمني ولا انتي بس اللي تكلميه وتمليه من ناحيتي وناحية اخوه
روان
الله يسامحك يا ماما والله العظيم انا كنت هجيبه يكلمكم بس هو يدوب اتكلم معايا كلمتين وقفل
الحما
والله بطلي يا بت انتي كدب بقي ده انتي بقالك ساعه لوك لوك معاه جوه واول ما قالك يكلمنا قولتلو انك مش فاضيه
روان بدموع
والله العظيم ما حصل واهو خدي بصي في الفون هتلاقيني ما اتكلتش معاه غير دقيقتين واقل كمان
الحما پحده
انتي هتستهبلي يا بت بتتريقي عليا عشان ما بعرفش اقرا
روان
لا والله ما اقصدش يا ماما
الحما
امشي غوري من وشي وانا لما ابني يكلمني هعرف اتصرف معاه
ودخلت روان المطبخ وهي بټعيط وطلع كريم من اوضته لانه كان في يوم اجازته وقال بقلق
كريم
في ايه يا ماما مالها روان بټعيط ليه كده .
هند
حنين اووي يا اخويا وبتسأل عليها علي العموم مالهاش بس هي اللي كانت بتكلم اخوك جوه في المطبخ وعماله تسخنه عليك وعلي امك
الحما
شايف البت اللي بتاكل وبتشرب من خيري بتعمل ايه
كريم
يا ماما بلاش مشاكل البنت مش مقصره معاكم في حاجه ده انتو قاعدين ملوك وهي ولا الشغاله عندكم
هند بغيظ
انا مش فاهمه ابنك يا ماما ليه علي طول بيدافع عنها كده ده مش بيعمل معايا ربع اللي بيعمله مع الست روان
كريم پحده
طيب كلمه كمان يا هند وهتبقي طالق مني بالتلاته
الحما
اعوذ بالله من الشيطان الرجيم ليه بس يا ابني كده
كريم
مش سامعه الكلام يا ماما اللي ېخرب البيوت وانا حلفت اهوو
قال كلامه ودخل اوضته وهند كانت مټعصبه جدا وقالت لحماتها بعصبيه
هند
عاجبك يا ماما الكلام بتاع ابنك ده
الحما
انتي برضو غلطانه هي البت حلوه وصغيره ايووه بس ما تخليش غيرتك دي توصلك للتفكير الحړام احنا يا حبيبتي ناس تعرف الاصول انا وولادي كريم مرات اخوه تبقي اخته زي ما انتي اخت عمر ولو بيدافع عنها فعشان خاطر اخوه مش اكتر
هند
انتي زعلتي مني ولا ايه يا ماما لاا انا لو زعلت منك حفيدك كمان هيزعل ينفع تزعليه منك
الحما
لا طبعا كله الا حبيب ستو
وتاني يوم راحت روان لامها وكانت قاعده بتشتكيلها من تصرفات حماتها وهند معاها وامها قالتلها
الام
خلاص طيب بطلي عياط يا روان يا بنتي البيوت فيها اكتر من كده
روان بحزم
مش لو ما كنتيش اتجوزتي يا ماما كان زماني دلوقتي قاعده عندك لحد ما عمر جوزي يرجع
الام
وبعد ما جوزك يرجع يا حبيبتي انا اعمل اقعد اقزقز لب لا الوحيده وحشه اوووي ما حدش يتحملها
روان بحزن
تقومي يا ماما تتجوزي وانتي عندك فوق الخمسين سنه
الام
السن ده رقم يا روان انما انا يا حبيبتي زي القمر ده انا ابان اصغر منك يا بت هههههههه
روان
اضحكي يا ماما شكل همومي جايه علي مزاجك اوووي
الام
يا لهوي عليكي يا بت بومه ونكديه زي ابوكي بالظبط بقولك ايه ما تيجي تقعدي معايا هنا انا وعمك رضا لحد ما جوزك يرجع
روان بسخريه
والله انتي عايزاني اقعد مع راجل غريب في بيت واحد عشان كان عمر يطين عيشتي
الام بسخريه
يا سلام يا اختي ما انتي قاعده مع سلفك اهو في بيت واحد ولا هو مش راجل
روان
لا راجل بس محترم ويتامن علي الدهب انما جوزك يا اما سمعته سبقاااه وانه راجل بتاع نسوان وعينه زايغه
الام
ده كان زمان قبل ما يتجوزني واملي عينه
روان وقفت