انا وسلفتي

وقبل ما نبدأ حكايتنا اعرفكم علي بطلتنا النهارده واللي اسمها روان وعندها 25 سنه متجوزه وعايشه في بيت عيله...
وفي يوم كانت حماتها قاعده مع اخو جوزها وقالت...
الحما
شايف الهانم مرات اخوك من لما جوزها سافر وما بقتش تطلع من اوضتها..
كريم
وانا اعمل ايه يعني يا ماما سيبيها براحتها..
ردت عليه هند مراته وقالت
لا والله يعني بزمتك يا سي كريم لو انا اللي نايمه كنت هتقول كده...
الحما
وحتي لو نمتي يا بنتي انتي حامل في الولد يعني لازم ترتاحي..
كريم
يا ماما بلاش المشاكل دي حتي عشان خاطر عمر اخويا اللي سايبها امانه عندنا..
الحما قامت وقالت
اسكت انت يا كريم وما تدخلش في امور الستات دي...
ودخلت الحما عند روان اللي كانت نايمه وزعقت فيها وقالت..
الحما
انتي يا بت انتي قوومي فزي يلااا..
روان قامت مفزوعه وقالت
في ايه يا ماما حصلو حاجه ولا ايه..
الحما
ايوه حصل البيت كلن يضرب يقلب وانتي نايمه كده قومي يا اختي روقيه يلاا..
روان
ما انا روقت امبارح يا ماما والنهارده يوم هند..
الحما
وهند الحمل النهارده تاعبها ومش قادره تقوم ايه ما عندناش رحمه يعني عشان نخليها تعمل شغل البيت كمان..
روان بحزن
خلاص يا ماما انا هقوم اعملك كل اللي انتي عايزااه بس دقيقه هغير هدومي وجايه..
الحما.
ايوه كده انا ابقي مرضيه وابقي البسي يا حبيبتي حاجه حشمه بدى المحزق والملزق ده سلفك قاعد بره وعيب...
_قالت الحما كلامها وطلعت وروان اتملت عيونها دموع وقامت غيرت هدومها وفضلت تروق في البيت ودخلت عندها هند في المطبخ وقالت..
هند
بقولك ايه اعمليلي كوباية لبن وهاتيها بره..
روان
طيب انا بغسل في الاطباق وبطبخ كمان ممكن تعمليها انتي..
هند
انتي مش بتشوفي يعني انا بطني قدامي اد. كده اهو ايه الافتري ده..
روان
خلاص يا هند روحي اقعدي بره وانا هعملك اللبن حاضر..
هند
بسرعه طيب وحليه كويس انا بحب اشربه بسكر كتير...
_وطلعت هند وراحت قعدت بره قدام التلفزيون وروان عملتلها اللبن وطلعت لقيتها بتاكل فاكهه ومبهدله الصاله..
روان
حرام عليكي يا هند ايه اللي انتي عملتيه ده انا لسه ماسحه ومروقه..
هند
هو انا يعني هكون قاصده اعمل كده ما هو ڠصب عني بتقع الحاجه وبعدين هو احنا يعني بنروق عشان المكان يفضل نضيف علي طول ما طبيعي هيتوسخ وهنروقه تاني..
طلعت الحما من اوضتها وقالت
في ايه يا بت انتي وهي صوتكم جايب اخر الشارع ليه كده
ردت عليها هند وقالت
شايفه يا ماما مرات ابنك بتعمل فيا ايه جايه كل شويه تتلكك علي حاجه عشان تنكد عليا وتتخانق معايا انا مش عارفه هي بتعمل فيا كده ليه..
روان
انا مش قصدي اعمل كده والله بس كل الحكايه اني لسه ماسحه وهي عملت المنظر اللي انتي شيفااه ده يا ماما..
الحما پحده
وفيها ايه ما احنا ياما نضفنا وراكي انتي وعروسه وكنا شايلينك من علي الارض شيل بقولك ايه يا بت انتي كهن بنات مش عايزه بطلي الحركات دي مش كل ما نقولك تعملي حاجه تقلبي البيت كله نكد..
روان بحزن
انا اسفه يا ماما اتفضلي اللبن اهو يا هند انا هدخل اكمل الاكل في المطبخ..
الحما
اهدي يا هند يا حبيبتي واقعدي براحتك..
هند
والله يا ماما انا لولا انك هتزعلي انا كنت روحت عند امي تشيلني هي لحد ما اولد..
الحما
يا بت ده انتي ان ما شالتكيش الارض انا اشيلك فوق راسي ده ام اول حفيد ليا..
هند
تسلميلي يا ماما وربنا ما يحرمنيش منك...
_ ووقت الغدا كانت هند والحما قاعدين علي السفرا وروان بتجيبلهم الاكل من المطبخ وزعقت فيها حماتها وقالت..
الحما
ما تخلصي با حبيبتي ما كانوش لقمتين دول..
طلعت روان وهي ماسكه