علشان حبيت جوز امي خليته يطلق مراته

وقالت
اهو جه يلا روح افتحله وقابله بسرعه عقبال لما
ادخل اشوف الاكل اللي ع الڼار جوا وبعدها دخلت
وراح اشرف يفتح الباب وقاله
اهلا يارضا نورت اتفضل
رضا
ازيك ياجوز خالتي عامل ايه والله واحشني
اشرف
تسلم يارضا انت عامل ايه وشغلك لسه برضو شغال في قطع الغيار
رضا
وهو انا افهم في حاجه غيرها ياعم اشرف اهي شغلانه بتجيب فلوس حلوه واهي ماشية
اشرف
طيب ربنا يوفقك
وخرجت دلال وقالت
منور يارضا منور بيت خالتك ياحبيبي يلا انا جهزت السفرة يلا قومو عشان تاكلو والاكل سخن
اشرف
يلا يارضا يلا أما أنا عملتك كل الاكل
اللي نفسك فيه
واقعدو على السفرة ورضا قال
امال الانسة ملك فين مش هتاكل معانا ولا ايه
دلال
هدخل انادي عليها اهو كولو انتو
وجات دلال وقالت لي
دلال
انتي يابت لسه بالبيجامة هو انا مش قايلالك البسي هدوم حلوه عشان الجدع اللي جاي ده هو انتي مش بتفهمي
ملك
وانا قولت لحضرتك انه جاي ليكي انتي مش ليا يبقا انتي اللي تقابليه
دلال
بقولك ايه يا ملك متخلنيش اقلب عليكي انتي تقومي تغيري هدومك وتلبسي وخمس دقايق الاقي قدامي بره انتي فاهمة ولا لا
وسبتني وخرجت من الاوضه وانا قولت
استغفر الله العظيم هي عايزة مني ايه دي بس
وخرجت ولما شافتني قالت
تعالي ياملك سلمي على رضا ابن اختي
رضا
ازيك يا انسة ملك يارب تكون بخير
ابتسمت ابتسامة صفرا وقولت
ملك
بخير الحمد لله
اشرف
اقعدي ياملك عشان تاكلي معانا يلا
وقعدنا كلنا وبعد الاكل رضا قال لاشرف
كنت عايزك في كلمتين كده ياعم اشرف انت وخالتي
و خلو اقعدو في الصالون وقاله
رضا
طبعا ياعم اشرف انت عارف اني بشتغل وكسيب ومعايا فلوس وعندي شقه كامله من مجاميعة وكل حاجة الحمد لله اقدر اوفرها في بيتي
اشرف
طيب ربنا يوفقك يارضا بس انت بتقولي الكلام ده ليه بقا
رضا
عشان انا جاي وطالب القرب منك في الانسة ملك
اشرف اتعصب وقام وقف وقال
اشرف
انت بتقول ايييه ملك مين دي اللي انت جاي تطلب ايديها انت مچنون ولا ايه
وفي الوقت ده دلال دخلت وقالت بعصبية
دلال
الله جرا ايه يا اشرف ومالك ياخويا اتفردت اوي كده لما عرفت انه عايز يطلب ايد ملك في ايه ياراجل
اشرف
مفيش يا دلال بس انا مش موافق ومش عندي بنات للجواز
رضا
ليه بس ياعم اشرفى دنا هسعدها واخليها مش عايزة حاجة خالص انت بترفضني ليه بس
اشرف
هو كده انا قولت كلمة وخلاص معنديش بنات للجواز نورت يارضا وسبهم ودخل ورضا قالها
ده ايه ده بقا في ايه ياخالتي هو مش انتي اللي قولتي لي اني اجي اتقدم للبت
دلال
ولا يهمك ياواد هجوزهالك ڠصب عنه متخافش
ومشي رضا ودلال دخلت لاشرف وقالت
انا عايزة افهم بقا ابن اختي مالة عشان ترفضه وتكسفه الكسفه دي ياراجل هو غلط ولا غلط
اشرف
اه غلط لما جه يطلب ايد ملك عشان ملك مش هتتجوز خلاص يا دلال ريحي نفسك بقا واتبطي
دلال
انا قولت برضو انه في حاجة بينك وبين البت دي وعشان كده انت مش راضي تجوزها لحد مش كده برضو ولا ايه
اشرف
لا مش كده يا دلال وبطلي الخرافات في اللي دماغك دي وقولتلك البت انا اللي مربيها وزي بنتي ياوليه
دلال
امال رفضت الواد ليه يا اشرف ها
اشرف
عشان ملك مش عايزاه وانا حسيت انها اصلا هترفضة فرفضه انا من غير ما اقولها
دلال
واش عرفك انها هترفضة اصلا انا هنادي عليها دلوقتي واخد رايها وندهت عليا ورحت قولت
نعم ياطنط دلال
دلال
دلوقتي ياملك رضا ابن اختي كان يتقدملك وابوكي اشرف رفضه من غير مايرجعلك ولا ياخد رايك انتي بقا رايك ايه
اشرف
انا رأي من راي بابا اشرف انا مش موافقه ومش عايز اتجوز اصلا
دلال
انتو عايزين تجننوني