علشان حبيت جوز امي خليته يطلق مراته

لو فكرتي انك تيجي عندي
هنا تاني متعرفيش أنا هعمل فيكي اي
امشي من هنا يلا
عزه
منك لله واعمل حسابك ان هرفع عليك
قضيه عزه البت الغلبانه بتاعت زمان خلاص
راحت والله ما هسيبك
اشرف
والله يا عزه لو فكرتي تعملي كده لا اروح واقول لاهلك مكانك فين وانت عارفه انك هربانه منهم من زمان وهم مستنيين يعرفوا مكانك
عزه
عليا وعلي اعدائي والله ما هسيب حق ابني
وبعدها مشيت وبدأ يفتكر يوم ما كان في المكتبه عند ام ملك
فلاش باك
اشرف
خلاص يا ست هانم ظبطتلك اللمض وعملت لك كل حاجه
الام
والله يا اشرف انت شكلك شاطر جدا دي مش فاتح محل وتشتغل فيه
اشرف
منين بس العين بصيره وليد قصيره الواحد لو كان معاه فلوس كان عمل بيها المستحيل
والله
الام
انت بقالك قد اي في المنطقه هنا وشغال
عند ناس كتير معقول مش عارف تعمل
قرش كويس
اشرف
الظروف والله المهم عايزه حاجه
الام
تتجوزني يا اشرف
اشرف
اي الكلام ده يا ام ملك عايزه تتجوزني انا
طيب علي اي مانتي عارفه الظروف والواحد
عامل ازاي
الام
موافقه بكل ظروفك وعامل لك كل اللي انت عايزه بس انا عارفه انك متجوز عزه في السر
وانا عمري ما اقبل يكون ليا ضره
اشرف
انتي عرفتي موضوع عزه ده منين
الام
عيب عليك ده انا ام ملك ما فيش حاجه بتستخبى عليا خالص ده انا عارفه كل حاجه بتدور هنا في المنطقه المهم افكر ولو وافقت قولي
اشرف
وهي دي مساله محتاجه تفكير طبعا موافق
الام
خلاص تروح تجيبلي الورقتين وتقطعهم قدام عيني هنا
اشرف
عنيا تؤمري والله وانا هنفذ وبعدها مشي
عزه
انت فين كل ده عماله ارن عليك وانت ما بتردش خالص ليك عندي خبر حلو قوي انا حامل
اشرف
نعم حامل يعني اي حامل يعني من مين
انا عمري ما هخلف ولا اكون اب ابن مين اللي في بطنك ده
عزه
اي الكلام اللي انت بتقولوا ده والله حامل
منك انت عارف ان ممكن اعمل كده مع حد
اشرف
ومتعمليش ليه بقي انشاء الله واحده سهله
زيك سابت أهلها علشاني تعمل اي حاجه
عزه
عليك يا اشرف انت عارف ان انا كنت بحبك وابويا كان عايز يجوزني ابن عمي
اشرف
بقولك ايه يا بنت الناس اللي بيني وبينك خلاص انتهى ومش عايزه تشوفي وشك ثاني انتي فاهمه ولا لا
عزه
ارجوك اوعي تعمل فيا كده انا بحبك اشرف
يا اشرف وبعدها مشي واتجوز ام ملك
وعاش معاها لحد ما راحت
رجوع
وفي شقه دلال
دلال
بقولك ايه يا ملك انا عزمت ابن اختي يجي يتغدى عندنا النهارده
ملك
طيب وبابا اشرف عارف انك عزمتيه ولا لا
دلال
وفيها ايه ياحبيبتي لما اعزمة من غير ما أقوله وبعدين هو ده مش يعتبر بيتي ولا مش بيتي
ملك
طبعا بيتك ياطنط بس كان لازم بابا اشرف يعرف برضو انتي عارفه انهم مش بيستريحوا مع بعض
دلال
ملكيش دعوة ب اشرف ياحبيبتي انا هبقا اعرفه بس المهم انا عايزاكي تلبسي احلى فستان عندك يكون شيك كده وحلو تحطي ميكب عايزاكي تبقى ولا العروسة وفي الوقت ده انا استغربت وقولت
ملك
طيب وليه ده كله ياطنط وبعدين هو انا اصلا هقابلة ليه هو جاي لحضرتك يعنى هيتغدا معاكي انتي انا مالي بقا
دلال
مالك ازاى انتي هتقابليه وتقعدي معاه كمان
ملك
بس انا مش عايزة اقعد معاه ياطنط هو ضيفك انتي مش ضيفي انا
وسبتها ودخلت اوضتي وقالت لنفسها
دلال
شوف ياختي البت والنبي انتي ما بتفهمي حاجة
ورجع اشرف من برة ودلال قالتلة
دلال
اتاخرت ليه يا اشرف الواد ابن اختي زمانة جاي في الطريق وانت بتتاخر
اشرف
ابن اختك جاي ليه يا دلال انتي ماقولتيش يعنى انه جاي
دلال
ملحقتش اقولك يا اشرف وبعدين فيها ايه لما يجي من غير ما قولك
وساعتها الباب خبط