صاحبتي خربت بيتي بسبب الاسكرينات

عامل كده ليه حرام عليك ياخي بقا
يحي
اسلوبي ماله ياولاء ها اسلوبي ماله لو مش عجبك الباب يفوت جمل بس وريني بقا هتروحي عند مين
ولاء
عند مين يعنى ايه انت فاكر اني مليش اهل يايحي انا عندي بيت اختي انا هاروح عندها
يحي
اه اعملي حجة بقا وروحي عند اختك عشان حبيب القلب القديم
ولاء
انت بتقول ايه انت اټجننت يايحي طيب والله مانا قعدالك دقيقة واحدة في البيت ده
وخدت بعدي ورحت عندي اختي اسماء وانا مڼهارة من العياط لما شافتني قالت في ايه
اسماء
ياولاء مالك انتي اتخانقتي انتي ويحي ولا ايه
ولاء بټعيط
انا مش عايزة ارجع له تاني يا اسماء انا مبقتش طايقة اسلوبة معايا طريقتة اتغيرت خالص وبقا عصبي وطول الوقت بيزعق معرفش ايه اللي غيروا من ناحيتي فجأة كده
اسماء
طيب هدي نفسك ياحبيبتي وبطلي عياط والله مايستاهل ضوفرك خليكي هنا قاعده معانا بيت اختك ومفتوح لك ياولاء
ولاء
تصوري يا اسماء بيقولي انتي هاتمشي تروحي فين انتي ملكيش حد تروحي عنده بيعايرني اني يتيمة يا اسماء
اسماء
لا ملوش حق طبعا ازاى يقول لك الكلام ده انتي هتفضلي هنا معززه مكرمة وسيبة هو وامه يضربو راسهم في الحيط
ولاء
انا مش راجعا له تاني انا هخليه يطلقني
اسماء
ادخلي انتي بس اوضة الاطفال ريحي فيها على ماعمل العشا واخلصة يكون احمد رجع نتعشا سوا يلا ياحبيبتي
ودخلت الاوضة وفضلت اعيط ولقيت سما بترن عليا وقالت لي
سما
ايه ياولاء ببعت لك رسايل لقيتك قافله قولت اتصل بيكي انتي فينك كده يابنتي
رديت عليها وانا بعيط وقولت لها
ولاء
انا سبت البيت ياسما وانا عند في بيت اختي دلوقتي
سما بخبث
ينهار ابيض ليه كده بس يا لولو سبتي البيت ليه هو في حاجة حصلت بينك انتي ويحي ولا ايه
ولاء
ايوه اتخانقت انا وهو وسبت له البيت ومشيت اسلوبة اتغير معايا اوي ياسما وبقا لا يطاق كل حاجة بعصبيه ونرفزة وكل كلامة معايا شخط انا تعبت منه سبت له البيت ومشيت
سما
ياحبيبتي لا الصراحة زعلتيني اوي انا هتكلم معاه واشوفه ماله
ولاء
لا ياسما انا مش عايزاكي تترجيه عشان يجي يصالحني انا مش عايزة كده انا هسيبة لدماغه دي وهو حر
وقفلت معاها وكان أحمد جوز اختي رجع من بره واسماء حكت له ونده عليا وقالي
احمد
ازيك يا ولاء عامله اي اقعدي عايز اتكلم معاكي شويه
ولاء
قبل اي كلام انا مش ناويه اطول عندكم
هنا والله كتير باذن الله هشوف
شغل وهمشي من هنا علي طول
احمد
اسمعي ياولاء انتي هنا في بيتك ومتعمليش نفسك غريبة عننا ولو احتاجتي اي حاجه انا موجود
وشيلي الكلام ده من دماغك احنا قبل
اي حاجه احنا اهل وانتي عارفه احنا بنعزك قد اي
ولاء
ربنا يخليك يا احمد ربنا يعلم انت غالي عليا ازاى انت وأسماء ربنا ما يحرمني منكم ابدا
اسماء
انتي اختي ياولاء واوعي تعملي نفسك غريبه
وعند يحي سما اتصلت بيه