صاحبتي خربت بيتي بسبب الاسكرينات

عليا لما تبقي عايش كده مخدوع يلا ربنا يهدي لكم الحال
يحيي
طيب اي رايك نبقي نخرج نتغدا انهارده
سوا انا وانتي بصراحه انا عندي كلام كتير مهم
عايز اتكلم معاكي فيه
سما
بس كده من عنيا يا يحيي اللي تشوفه انا معاك فيه وبعدها دخلت المكتب بتعها
وعندي حماتي جات ليا وفتحت وانا عيوني .كلها نوم وقولت
ولاء
صباح الخير يا حماتي غريبه فيه اي عامله تخبطي
بالطريقه دي ليه كده
الحما
نعمل لجنابك ايه مانتي نموسيتك كحلي
وكمان حاجه المفتاح من جوا مش عارفه
افتح الباب اعمل اي
ولاء
حماتي أما قولتك كام مره مينفعش المفتاح
ده يفضل معاكي انتي مش راضيه ترجعي
ليا وبصراحه انا بتكسف ومش هينفع
اسيب الباب كده
الحما
اوعي اوعي كده وبعدها دخلت ولقيتها بتقول
اي المنظر ده ياست هانم انتي لسه نايمة لحد دلوقتي ايه انتي مش وراكي حاجه في البيت تتعمل يلهوي ده البيت عايز يتولع فيه ايه التراب والعفانة اللي انتي فيها دي والغسالة مليانة هدوم كده اومال لو كنتي بتغسلي على ايدك كنتي عملتي ايه
ولاء
عفانة ايه بس يا حماتي هي فين دي ده انا حتى بنضف اول بأول ومش بخلي ورايا حاجة تتعمل وبعدين الغسيل ده انا كنت كده كده هشغل عليه الغسالة
الحما
الله يكون في عونك يابني ده تلاقيه مش لاقي حاجة يلبسها من كتر ما الهدوم متكومة ومش نضيفة
ولاء
ليه يعنى ياحماتي هو كان اشتكالك مني ولا حاجة اظن انا بعمل كل اللي عليا ومش مخليه بيتي ناقصه حاجة مجتش يعنى على شوية الغسيل اللي هيتغسلو دول هو انتي كنتي عايزة حاجة ياحماتي
الحما
طيب ياختي يلا اصحى كده وشوفي شغلك اه انا كنت طالعالك وعايزة شوية بصل وشوية توم اصلهم خلصو من عندي وكمان هاشوف التلاجة كده فيها كيس بسلة هاخده اصل سهير نفسها فيها وانا عارفه انك بتخزنيها
ولاء
طيب ياحماتي التلاجة قدامك خودي اللي انتي عايزاه
الحما
مانا هاخد اللي انا عايزاه فعلا ده كل ده خير ابني ياحبيبتي ولا انتي عندك رأي تاني
ولاء
هو انا قولت كده حاجة مانا بقولك خودي اللي انتي عايزاه
ونزلت حماتي ولقيت سما بعتالي رسالة بتقولي
سما
وحشتيني اوي يا لولو ايه بنتي هو انا لو مكنتش اسال عليكي وابعت لك انتي مش تبعتي خالص
رديت عليها برسالة وقولت
معلش ياسما انتي عارفه بقا البيت وكده
ردت سما وقالت
بيت ايه يابنتي ده مفيش غيرك انتي وجوزك امال بقا لو عندك عيل كنتي عملتي ايه
رديت وقولت
اسكتي ياسما الحمد لله اني مخلفتش من يحيي لحد دلوقتي ده كفايه عليا امه وهو كمان برضو
سما قالت لي
ينهار ابيض ياولاء ليه بتقولي كده دي حتى حماتك طيبة وست زي العسل ويحي ابنها كمان لا لا ملكيش حق تقولي كده ياولاء بقا مش عايزة تخلفي من يحي للدرجه دي مش طيقاه
ولاء
ياسما دي امه كل شوية تطلع تسمعني كلام زي الزفت ومسكالي