حماتي وبنتها

بيتك ياعينا ده بيتي انا وده مالي وانا حرة فيها وعايزها واختك هتتعلم زي ماهي عايزة وبعدين ياحبيبي ادلعها براحتي هو عندي غيرها
مشي امجد من عندها متعصب ورجع البيت ينفخ
سارة
مالك يا أمجد في ايه راجع متعصب وبتنفخ ليه كده
امجد
ماما ياسارة عايزة تبيع الشقة بتاعتها دي
ساره
اييييه طيب واحنا نروح فين
امجد
عايزانا نروح نعيش معاها هنا في شقتها وكل ده قال ايه عشان تدخل ريم الجامعة الأمريكية شوفت اللي بيحصل
سارة
طيب وهنعمل ايه يا أمجد دلوقتي انت عارف مامتك لما بتحط حاجة في دماغها بتعملها
امجد
عارف عشان كده لازم ننفذ اللي بتقول عليه لأنها بتهددني لو موافقتش هترمينا في الشارع بالعفش بتاعنا
سارة
خلاص يا أمجد ما باليد حيلة اعملها اللي هي عايزاه وشوف عايزة تعرض الشقة للبيع امتى وخلاص
امجد
دي عايزة النهارده قبل بكرة يعنى لازم اعرضلها الشقة للبيع
ساره
اسمع يا امجد انت عارف الإيجارات برا
غاليه ازاي ومش هينفع نسكن
برا اسمع كلام مامتك
امجد
والله يا ساره انا مش عارف اقولك اي علي
اللي بيحصل فينا ده انتي بنت اصول اوي انك
مستحمله كده
ساره
انا بحبك با امجد وعلشان خاطرك انا ممكن
استحمل اي حاجه في الدنيا والله
وفعلا امجد عرض الشقة للبيع وجه المشتري واخد الشقة بتمن كويس وروحنا عند حماتي في البيت
فايزة
منورة يا ساره انتي والبنات شوفتي بقا انتي وبناتك ماليتو علينا البيت ازاى
ساره
شكرا يا ماما ده نورك والله وبعدين انا بعز حضرتك زي ماما بالظبط
فايزة
ااه طيب ماتقومي بقا يلا ادخلي المطبخ واعملي لنا الغدا عايزين نجرب الاكل من ايدك
سارة
حاضر ياماما عن اذنك
وانا رايحة على المطبخ لقيت ريم لبسه لبس ضيق اوي وهتخرج قولتلها
ساره
ايه ده يا ريم اللي انتي لابساه ده ميصحش كده ياحبيبتي انتي بنوتة والمفروض انك في الجامعة يبقا تلبسي لبس محترم عن كده
ريم
نعم ياحبيبتي وانا لبسي ماله بقا ان شاء الله مش ولا مش عجبك
ساره
لا طبعا مش عجبني ولا يعجب اي حد وامجد لو شافك كده