حماتي وبنتها

منين تاني ده انا مكفيكي انتي والبنات بالعافيه عشان برضو اوفرلها حاجة هي وبنتها
ساره
معلش ياحبيبي انا معايا 500 جنية باقيين من المصروف خودهم واديهم لمامتك بس عشان هي متزعلش
امجد
شوفي انتي بتعملي عشانها ايه وهي بتعمل ايه وبتقول ايه لا حول ولا قوة الا بالله انتي أصيلة وبنت حلال ياسارة ربنا مايحرمني منك ياحبيبتي
سارة
ولا يحرمني منك يارب ياحبيبي خود الفلوس اهيه وانزل اديها لمامتك
امجد
لا ياقلبي خلي الفلوس معاكي انا هتصرف يلا انا نازل
وراح عند حماتي وقالها
اتفضلي ياماما الفلوس اهي وعشان تبقى ربنا اللي يعلم دي اخر فلوس معايا الشهر ده
فايزة بتريقة
اخر فلوس برضو وياترى بقا استأذنت من الهانم مراتك قبل ماتيجي وقبل ماتجيب الفلوس دي
امجد
انا مش عارف ياماما انتي ليه حطاها في دماغك كده دي كانت بتديني فلوس محوشاها عشان خاطر اجبهالك لأنها عارفة ظروفي ومقدراها
فايزة
تقصد تقول ان انا مبقدرش يا أمجد وباخد منك فلوس كل شويه
امجد
انا مقولتش كده ياماما ولا ينفع اقول كده انا بعرفك بس اني متجوز واحدة بنت أصول ومتربية
فايزة
شالاه ياخويا على اللي متربية اومال لو مكنتش مانعة عني البنات ومش بتخليني اشوفهم غير كل شهر مره ولا مرتين
امجد
ياماما هي مش منعاهم ولا حاجة هي بس عاملة على المشوار بتاعك البعيد بس
فايزة
طيب ياحبيبي هي حره
امجد
انا ماشي ياماما مش عايزة مني حاجة تانية
فايزة
لا ياحبيبي عايزة سلامتك
ومشي امجد من عندها وخرجت ريم وقالت
ها
ياماما اداكي فلوس كام
فايزة
اهم ٥٠٠ جنية يلهوي لو كان شافك باللبس ده يابت ده كان طين عيشتك
ريم
مانا مرضتش اخرج من الاوضه وهو هنا عشان مش يشوفني بقا ويفضل يفتحلي محضر هاتي الفلوس خليني انزل
فايزة
انتي هتاخدي الفلوس كلها يابت لا هما ٢٠٠ جنية مفيش غير
ريم
٢٠٠ جنية ايه بس ياماما هما يجيبو حاجة هاتي ياماما بقا وشدت منها الفلوس ونزلت بسرعة
فايزة بتقول لنفسها
شوف ياختي البت اخدت الفلوس وجريت ازاى يلا وماله خليها تدلع براحتها دي البت اللي حيلتي
وراحت ريم عند أصحابها وقابلت ولد وقالها
مازن
ريمو حبيبتى وحشتيني اوي ياقمر ايه الجمال ده بس مقدرش انا
ريم
بس بقا يامازن انا