جارتي ام عين وحشه

ليه ما نقولش انها الست عجباها حياتنا وبتقول كده قدامنا احسن ما تروح تنم علينا في ضهرنا..
اكرم
انتي برصو العند راكبك ماشي يا سالي اللي عايزاه اعمليه انا بجد زهقت منك وجيبت اخري اوعي كده من وشي..
وسابها ودخل الحمام وهي قالت
مامااا قومي ياا مامااا يلا عشان توديني الحمام..
قامت سالي وقالت
ماما مين يا ابني وانت مين انت ايه اصلا اللي دخلك هنا..
انس
انتي شاربه ايه علي الصبح يا وليه انتي ولا انتي لسه نايمه وما صحتيش..
سالي
مين دي اللي وليه يا ولد انت وابن مين انت..
انس
هو اييه اللي ابن مين انتي اتبريتي مني يا ماما ولا ايييه..
سالي
اوعي كده من وشي انا هشوف اكرم ازاي بدخل اولاد مش متربين زيك البيت..
وطلعت سالي بره الاوضه ولقيت اكرم قاعد قدام التلفزيون بالفنله الكاستور وكرشه قدامه كبير وقال..
اكرم
انتي صحيتي يا حبيبتي كويس اووي يلا ادخلي اعمليلي فطار وكوباية شاي تقيله..
سالي پصدمه
ااا انت مين يا جدع انت وبتعمل ايه هنا في بيتي يا اكرم انت فين...
اكرم
هو ايه اللي انا مين انا جوزك يا وليه..
سالي
ايوه انت ابو الواد اللي جوه ده هو قالي زيك كده قال عليا انا وليه..
طلع انس من جوه وقعد جنب باباه وقال
بقولك ايه يا بابا ماما شكلها اټجننت طلقها واتجوز طنط فيفي جارتنا احلي منها...
اكرم پخوف
انت بتقول ايه يخربيتك اسكت يا انس خالص..
سالي پصدمه
انت بتقول ايه يا اكرم..
انس
انا ما قولتش حاجه هو انا اتكلمت اصلا والنبي ما اتكلمت..
اكرم
يا حبيبتي ده انس بيهزر وبيقول اي كلام يعني انتي مش عارفه ابنك..
سالي
انت بتتكلم جد يعني سواق التوكتوك اللي جنبك ده يبقي انس ابني اللي امبارح كان عنده سنه..
انس
شايف مراتك بتغلط فيها ازاي عشان لما اجلطها ما تباقش تيجي تزعل..
وقف اكرم وقال
انتي مالك النهارده يا سالي شكلك مش مظبوطه من لما صحيتي....
سالي
مش معقول بقي كل ده بيحصلي بسبب سهير هي فين انا والله ما هسيبها..
اكرم
سهير مين هو احنا نعرف واحده اسمها سهير اصلا.. اااه قصدك علي سهير جارتنا اللي كانت ساكنه هنا زمان..
سالي
يعني ايه كانت ساكنه هنا زمان انتي قصدك ايه..
اكرم
ما هي عزلت من عشر سنين تقريبا انتي نسيتي ده انتي اللي خلتيها تمشي من العماره لما خليتي كل السكان يبقو عايزين يسيبو العماره لو هي ما مشيتش والراجل صاحب العماره مشاها هي وجوزها وابنها..
سالي
بقي انا عملت كده بجد لا لا لا انا بجد تعبت....
انس
ماما عايز اعمل بيبي هقعد متذنب بيها كده كتير...
سالي
انت يالا بقيت شحط طولي وعايزني اوديك الحمام مع نفسك يا عينيا....
طلعت ناديه من اوضتها وقالت
اومال عايزااه يروح لوحده اومال انتي لازمتك ايه هنا يا دلوعة بابا..
سالي
طنط ناديه شوفتي اللي حصلي يا طنط..
ناديه
هو ايه اللي حصلك هو انتي لسه لحد دلوقتي ما جهزتيش الفطار..
سالي
مين الوليه دي كمان ما انا كنت سيباكي طيبه وملاك برئ لحقتي تبقي قرشاانه..
ناديه
مين دي اللي قرشانه وانت يا اكرم هتسكتلها وهي بتهزأ امك..
اكرم
حقك عليا انا يا ماما هي ما تقصدش اكيد.
وقرب من سالي وقال
وانتي مالك يا سالي النهارده ما تهدي شويه بقي..
سالي بضيق
انا بجد تعبانه وداخله ارتاح شويه..
ودخلت سالي اوضتها وبصت للتاريخ ولقيته فعلا عدي عشر سنين وقالت لنفسها...
سالي
انا ايه اللي بيحصلي ده