جارتي ام عين وحشه

كلها ناصفني غيرك انتي يا طنط...
اكرم
سالي اتعصبت وقالت
ليه بقي ان شاء الله قولي بقي هي مين دي اللي هناك وانت مش قادر تبعد عنها اتكلم يا اكرم انا حاسه انك بتحب واحده غيري ما هي المعامله بتباان انت ساكت ما ترد عليا ولا ما عندكش رد..
اكرم بهدوء
هو انتي مديه فرصه لحد غيرك يتنفس اصلا ما تقولي حاجه يا ماما..
ناديه
طيب قولنا يا ابني ليه بس عايز ترجع الشقه القديمه هي بهدله وخلاص يعني..
سالي
قوليلو انا عارفه هو راجع عشان اا..
اكرم. بغيظ.
سالي بدموع
يعني هو انا اتكلمت ولا فتحت بوقي ده ايه الافتري ده بس يا ربي....
ضحكت ناديه وقالت
ههههه والله ااعظبم انتو الاتنين مجانين المهم ايه الموضوع يا اكرم يا حبيبي..
اكرم
انا وجاي كلمت البواب وسألته علي الست جارتنا دي اللي اسمها سهير وقالي ان الناس كانت بترفض تسكن في الشقه دي بسببها..
سالي
ليه الشقه مسكونه ولا الست دي مشيها بطال..
اكرم
ياريت دي عينها وحشه الكل بيقول عينها تفلق جبل مش حجر بس...
ضحكت سالي وقالت
اكرم
يعني انتي مش خاېفه علينا الحسد وحش يا سالي..
سالي.
لا حلو وما تخافش هبقي اقرأ المعوزتين كل ما اشوفها وامسك الخشب..
اكرم
شايفه يا ماما بتتريق علي كلامي ازاي براحتك يا سالي بس لو حصلت حاجه ليا او لابنك ما حدش هلومه غيرك انتي..
سالي
ما فيش حاجه هتحصل بس بطل انت تخاف يا حبيبي..
ناديه
خلاص يا اكرم وان شاء الله ما فيش حاجه هتحصل يلا ادخل غير هدومك لحد ما انا وسالي نجهز الغدا..
اكرم بضيق
طيب يا ماما...
واول ما دخل اكرم ناديه قالت
سالي يا حبيبتي اكرم ممكن يكون معاه حق انتي لازم تخلي بالك..
سالي
يووه يا طنط انتي كمان بصو انا بجد مس هسيب الشقه دي خالص..
ناديه
وانا ما قولتلكيش تسيبي الشقه انا بس بقولك تخلي بالك يعني ما تحتكيش خالص بالست جارتك دي..
سالي
ناديه
المثل بيقول يا بنتي حرص ولا تخون..
سالي
حاضر يا طنط يلا بينا بس نجهز الغدا قبل ما انس يصحي...
وبالليل كانت سالي قاعده بتلعب مع ابنها واكرم طلع من اوضته وقال..
اكرم
بقولك ايه يا حبيبتي انا نازل اقعد مع صحابي شويه..
سالي
اوكي يا اكرم بس نص ساعه وتكون هنا..
اكرم
يا بنتي انتي مراتي مش امي عشان تتشرطي عليا..
سالي
لا اتشرط براحتي والمفروض اصلا ما تخرجش وتسيبني لوحدي انا وانس..
اكرم
معلش في واحد صاحبي جاي من السفر وانا لازم اروح اشوفه وهاجي بسرعه..
سالي
طيب خلي بالك من نفسك ولما اكلمك ترد عليا علي طول..
اكرم ابتسم وقال
حاضر يا ماما اللي تشوفيه يلا باي...
سهير
جوزك ده اللي كان نازل من شويه..
سالي بقلق
ايوه هو جوزي اومال هيكون مين يعني...
سهير
ايوه هي دي الرجاله اللي تفرح مش ابو كرش اللي مش فالح غير كل شويه يقولي جهزيلي اكل يا بختك بجوزك..
خاڤت سالي وقالت
في اييييه قولي الله واكبر وصلي علي النبي كده في قلبك حد بقول كده بس..
سهير
معذوره ما انتي مش مكاني عندي عيل اروق الشقه من هنا يخربها من هنا مش هادي زي اسم النبي حارسه اللي علي ايدك ولا حماتي دي قرشانه انما انتي حماتك بلسم..
سالي
حتي حماتي