حماتي والكلب

الله علي اختك الدكتوره اللي العرسان واقفالها طابور علي الباب..
سماح
كله بسببكم دفنتو البت بالحيا ومقفلين عليها ولا عارفه تتكلم ولا تطلع ولا تلبس ولا تبقي زي البنات..
عادل
اخواتها وخايفين عليها يا سماح المهم انا هرد عليه واقوله خلاص يصرف نظر عن الموضوع ده...
وانا جوه المطبح فرحت اووي انه هيرفض العريس لاني مش هتجوز غير خالد زي ما انا وهو متفقين وبالليل كلمته وقولتله..
ساره
ايوه يا خالد شوفت اللي حصل النهارده..
خالد
لا ما شوفتش عشان ما كنتش عندكم..
ساره
يا رخم مش بهزر المهم الاسطي فتحي اتقدملي عشان يتجوزني..
خالد
ازاي يعني بقي الكلام ده ما حدش هيتجوزك غيري يا ساره وانتي عارفه كده كويس..
ساره
ما بابا رفضه انا بس بحكيلك اللي حصل..
خالد ادايق وقال
اقفلي يا ساره دلوقتي لو سمحتي انا مخڼوق ومش قادر اتكلم..
قفل في وشي وانا ندمت اني حكيتله انا مش عايزاه يبطل يكلمني انا اصلا مش بتكلم من حد غيره وفي بيته هو راح قعد مع باباه ومامته وقالهم..
خالد
انا كنت عايز احكيلكم حاجه..
روحيه ام خالد
خير يا حبيب ماما عايز تحكي ايه..
خالد
انا عايز اتجوز يا ماما..
روحيه
يا حبيبي ما انت هتتجوز سهي بنت خالتك بعد ما تخلص اخر سنه دي في الجامعه..
خالد
يا ماما انا مش عايز اتجوز سهي بنت خالتي انا عايز اتجوز واحده تانيه بحبها انا قربت اخلص اهو اخر سنه في كلية الهندسه و..
محمد
جواز ايه يا واد انت ومين دي اللي انت عايز تتجوزها وتفضلها علي بنت خالتك..
خالد بضيق
اا..
زعق فيه محمد وقال
ولا كلمه انت فاهم ولا لا قبل ما تيجي وتقولي انك عايز تتجوز اصرف علي نفسك بدل ما انت لسه بتاخد مني المصروف...
خالد بحزن
يعني هو انا حرام احب وابقي عايز اتجوز البنت اللي بحبها..
روحيه
ايوه حرام انت لسه صغير مش هتعرف تشوف المناسبه ليك من اللي مش مناسبه ليك وانا وابوك نفهم اكتر منك وعارفين مصلحتك فين..
وقف خالد وقال بدموع
انا غلطان اني جيت اتكلم معاكم وافتكرت انكم ممكن تفهموني..
ودخل جوه ومحمد قال بعصبيه
اول واخر مره يا واد انت تتكلم كده معانا والا اقسم بالله اقوم اا..
روحيه بهدوء
خلاص بقي اسكت ووطي صوتك هو دخل جوه..
وتاني يوم انا فضلت اكلم خالد بس ما كانش بيرد عليا وبعد ما امي وابويا واخواتي راح كل واحد فيهم لمصالحه الباب خبط انا فكرتها امي او ابويا نسيو حاجه وراجعين ياخدوها ولما فتحت لقيته خالد..
ساره
خالد انت ايه اللي جابك هنا امشي بسرعه قبل ما حد يشوفنا..
دخل وقفل الباب وقال
مش همشي يا ساره انا بحبك وعايز اتجوزك..
فرحت وقولتله
بجد يا خالد وانا كمان والله و...
خالد. بحزن
ما حدش هيرضي كلهم هيقفو ضدنا عشان انا لسه طالب وانتي اا..
ساره بدموع
عشان انا مش متعلمه وانت هتبقي مهندس هما معاهم حق امشي يا خالد خلاص كل واحد بياخد نصيبه..
خالد
بس انا عندي حل احنا نتجوز في السر بصي انا جيبت عقدين جواز رسمي مش عرفي ولا حاجه وكمان اتنين من صحابي مضو عليهم كشهودتعالي نتجوز وفي الوقت المناسب نن..
ساره
لا طبعا انت ايه البي بتقوله ده انت ما تعرفش انا اخواتي وابوياممكن يعملو فيا ايه..
خالد پحده
بطلي خوف بقي انتي كمان يا ساره انا مش هسيبك وهتجوزك رسمي والله بس ده الحل الوحيد...
ساره بدموع
لا لا انا مس موافقه يا خالد خالص مستحيل اعمل كده..
خالد اتعصب وقال
ماشي يا ساره اللي انتي عايزااه اعمليه وانا مش هكلمك تاني وكل حاجه خلصت وهتجوز بنت خالتي زي ما هما عايزين..
وسابني ومشي وانا فضلت ابكي ومن كتر الحزن اللي جوايا تعبت وما قدرتش اعمل اي حاجه في البيت ولما جات امي عشان تاخد الغدا ولقيتني نايمه زعقت فيا وقالت..
سماح
انتي يا بنت انتي ايه الدلع اللي بقيتي فيه ده اخد لابوكي ايه دلوقتي بتغدا ولا اخواتك اللي جايين كمان شويه..
ساره پبكاء
انا تعباانه يا ماما تعباانه اووي...
سماح
انا هروح اودي لابوكي اي حاجه واجي اجهز لاخواتك الغدا..
ساره بعصبيه
يا ماما انا بقولك تعباانه ليه مش پتخافي عليا وي اخواتي وتقعدي جنبي زي ما بتعملي معاهم وتقوليلي مالك ايه اللي تاعبك ...
طلعت ماما بره ورجعت وجايبه برشامة مسكن ورمتهالي في وشي وقالت..
سماح
امسكي البرشامه دي هتخليكي تخفي انما الدلع الفاضي ده وانك