حماتي والكلب

غير من البلكونه او لما تروح للدركتور...
دخلت المطبخ عشان اعملهم شاي وقضلت اعيط وفعلا كنت حاسه اني لوحدي طول اليوم بوزي في بوز الحيطان واخواتي ما حدش فيهم حنين عليا ولا بيجي يتكلم معايا..
وتاني يوم بعد ما اخواتي اللي راح شغله واللي راح الكليه وامي وابويا راحو الشغل وانا دخلت انشر الغسيل في البلكونه وفجأه طلع ابن صاحب العماره في البلكونه اللي جنبينا وقالي..
خالد
ايه ده انتي مين انتي ساكنه هنا في العماره..
اتوترت وما كنتش عارفه ارد عليه اقول ايه وهو ضحك وقال..
خالد
ايه التوتر والكسوف ده كله هو كل ده عشان سألتك انتي ساكنه هنا ولا لا اومال لو كنت قولتلك انك حلوه وزي القمر كنتي عملت ايه...
حسيت الدنيا لفت بيا وسيبت الغسيل ودخلت بسرعه جوه وسمعته بيضحك عليا وانا بصراحه فرحت من كلامه...
وبالليل كنت قاعده في البلكونه زي كل يوم بشرب شاي وباصه علي الشارع والناس اللي رايحه واللي جايه ولقيته طلع هو كمان وقالي..
خالد
بقالي ساعه عمال اقول لماما تعملي شاي ومش راضيه ممكن بقي اخد شوية شاي منك..
مديتله كوباية الشاي بس مسك ايدي وانا اتنفضت والكوبايه وقعت من فوق..
ساره بغيظ
عاجبك كده اهي امي هتبهدلني علي الكوبايه اللي اتكسرت دي..
خالد
طيب ما انتي بتتكلمي اهو وصوتك حلو كمان اومال كنتي بخيله ليه عليه بيه ده فكرته وحش عشان كده مش راضيه تتكلمي..
ساره بكسوف
لو سمحت احترم نفسك كده عيب علي فكره..
قولتله كده وبعدين دخلت اوضتي وطول الليل ما قدرتش انام من فرحتي بكلامه والصبح قولت هقول لماما ان حد. كلمني وقالي صوتي حلووكنا واقفين انا وهي في المطبخ وقولتلها...
ساره
يا ماما كنت عايزه اقولك حاجه مهمه حصلت امبارح..
سماح
بقولك ايه يا ساره روحي اعملي طبق فول تاني انتي عارفه اخواتك بياكلو فول كتير علي الصبح عامله ليه طبق واحد..
ساره
حح حاضر هعمل طبق فول تاني بس اسمعيني انا كنت عايزه اقولك..
سماح
يووه بطلي رغي علي الصبح واخلصي جهزي الفطار قبل ما ابوكي يطلع ويزعقلنا...
اتملت عيوني دموع ودخلت جهزت الفطار وروحت قعدت في اوضتي وفرحتي اللي كنت فيها بالليل انتهت خلاص بكسرة خاطري من امي...
وبالليل كنت داخله البلكونه ولقيت خالد واقف وماسك موبيله وبيتفرج علي مسلسل وقفت بعيد. شويه وفضبت اتفرج معاه عشان في البيت مش بيخلوني اتفرج علي التلفزيون غير معاهم لان في حاجات وحشه وخايفين عليا اشوفها...
خالد
علي فكره انا هوقف المسلسل عشان هدخل اذاكر عقبالك انا اخر سنه جامعه ولازم اركز في المذاكره..
ساره
انا اسفه ما كانش قصدي اتفرج والله انا هدخل خلاص..
خالد
استني استني امسكي انتي الموبيل وكملي المسلسل وانا هدخل اذاكر ولما تلخص الحلقه مدي ايدك وحطي الموبيل علي حيطة البلكونه وانا هبقي اطلع اخده..
ساره بفرحه
بجد انت هتخليني اكمل المسلسل..
خالد
امسكي بقي الموبيل قبل ما ارجع في كلامي..
وفعلا اخدت منه الموبيل وفضلت اسمع المسلسل ولما خلص عملت زي ما هو قالي ودخلت نمت وكنت مبسوطه اوووي...
وتاني يوم كنت مستنيه الليل يجي بفارغ الصبر عشان اعرف اكلمه وفعلا لما دخلت البلكونه بالليل لقيته قاعد بيذاكر ولما شافني قال..
خالد
بقالي حبه مستنيكي كنت خاېف ما شوفكيش النهارده..
ساره
وانت ليه عايز تشوفني هو انا عملت حاجه ولا ايه..
خالد
انتي بريئه اووي يا ساره علي العموم كنت عايز اشوفك عشان اديكي الفون ده..
ساره
اييه هتديني الموبيل بتاعك ليه وانت لا لا انا ما اقدرش اخده..
خالد
يا بنتي اسمعي بس انا كده كده هجيب واحد غيره بدل ما ابيعه بمبلغ صغير خديه انتي عشان تحضرب عليه المسلسلات..
ما كنتش عارفه اتصرف ازاي وقالتله
طيب ماما لو شافته او اخواتي هيزعلو مني وو..
خالد
بصي انا هعلمك ازاي تعمليه صامت عشان ما حدش يسمع صوته وانتي خبيه لحد. بالليل ابقي اسمعي عليه اللي عايزااه..
ساره
هو انت ليه بتعمل كده طيب يعني ليه تديني موبيلك اصلا..
خالد.
اعتبرينا صحاب يا ستي انا علي طول قاعد. لوحدي بذاكر ومش بلاقي حد اتكلم معاه..
ساره بحزن
وانا كمان يعني قصدي انا هنا علي طول لوحدي انا حتي لو تعبت ما حدش هيسألني ويقولي مالك..
خالد
انا هسألك يا ستي بعد كده وهقولك مالك مبسوطه كده..
ساره ابتسمت وقالت
ايوه مبسوطه كده يا...
خالد بهدوء
اسمي خالد يا ساره مش اسمك ساره برضو..
ساره
ايه ده انت عرفت