ابني اخدني المقاپر

كانت اتكلت علي الله مع ابويا من زمااان..
عمر
استغفر الله العظيم يااارب ليه تعملو في نفسكم كده ده رضا الوالدين من رضا ربنا..
علي
بس مش بالطريقة دي يا عمر دي عقدته في حياته يا عم..
عمر
اطلع انت براها يا علي وانت يا زين امك مش وحشه عشان تقول كده ما فيش ام في الدنيا هتكون قاااصده ټأذي ابنها..
زين بسخريه
لا ما هو واضح اهو اشتغلو اشتغلو مش ناقصين ناخد جزا علي اخر اليوم..
_ وفي بيت عيسي كان قاعد بياكل وهو بيتفرج علي التلفزيون وقعدت جنبيه هبه وقالتله...
هبه
انا مش عايزه اتجوز ابن اخوك..
عيسي
بس انا عايزك تتجوزيه وبعدين مش هنلاقي حد. غيره يشيل الليله والغلطه اللي عملتيها دي..
هبه
غلطة مين بالظبط انت اللي بعتني للراجل ده ولغيره عشان اجيبلك فلوي وفي الاخر عايز تلبسني في ابن اخوك...
عيسي
عشان انتي هتبقي بنت عمه ولو اتكلم يبقي بيعيب في نفسه وبعدين القايمه هتكون عاليه اووي يعني لو طلقك ابسط ما فيها نطلع بمصلحه حلوه..
هبه
انا زين صعبان عليا ايوه ما بحبوش بس مش عايزه استغفله..
عيسي
واوعي تحبيه اوعي تحبي اي حد في حياتك غير مصلحتك وبعدين هو احنا هنأذيه في ايه هو يطول يتجوز واحده في جمالك..
هبه بضيق
اوووف طيب والست امه بقي هنعمل معاها ايه ده زين قالي انها رافضه خالص الموضوع..
عيسي
انا لقيتلها حل يخليها ترضي وتقعد وتحط جزمه في بوقها وتوافق بالجوازه..
هبه
هو ايه الحل ده يا بابا قولي عليه..
عيسي پحقد
اصبري يا بت بس المحروس ابنها يسمع كلامي وكل حاجه هتكون تمام...
_ وبالليل متأخر ىجع زين ودخل اابيت

وكانت سعاد قاعده مستنيااه وهو دخل اوضته علي طول من غير ما يكلمها راحت ورااه سعاد وهي ماشيه بالعافيه وقالت...
سعاد
اجهزلك العشا..
زين
ماليش نفس واطلعي واقفلي الباب لو سمحتي..
سعاد بدموع
ليه يا ابني تعمل فيا كده فأخر ايامي انا قصرت معاك في ايه بس..
زين
في كل حاجه يا امي انتي عملتيلي ايه ولا حاجه انا اقل واحد بسببك انتي...
سعاد بحزن
كتر خيرك يا حبيبي قول اللي تقولو وانا مش هزعل منك بس اجهزلك العشا..
زين وقف وقالها
انا عايز اتجوز هبه وهي راضيه تقعد معايا في اي مكاان..
سعاد
وتفتكر هي وابوها يرضو ليه بوضع زي ده الا لو كانت في حاجه متخبيه في الموضوع..
زين بعصبيه
لا ما فيش حاجه يا ماما هبه احسن بنت في الدنيا ولو هي هتتنازل وتوافق هي وعني عشان احنا قرايب وعشان بتحبني بس انتي اللي واقفه في سكتنا..
سعاد
وهفضل واقفه وطول ما انا عايشه مش هخليك تتجوز البنت دي ابدا انت فاهم ولا لا...
زين پحده
يبقي انسي اني ابقي ابنك وحبيبك وانا هتجوزها حتي لو وصلت اني اسيبك واقعد عندهم...
سعاد. پبكاء
يا خساره يا زين يا خسارة تربيتي فيك وعمري اللي ضاع ويكون في علمك لو اتجوزتها انا هبقي غضبااانه عليك لاخر عمرك...

زين
ولا يهمني انتي اصلا فاكره نفسك كده انك ام ولا حصلتي اصلا...
سعاد بسخريه
يمكن لو ما كنتش ام معتك وكنت سيبتك لعمك كنت وقتها بقيت كده فعلا اتخمد شالله عنك ما طفحت في ليلتك..
_ سابته وراحت اوضتها ومسكت صورة جوزها وقالت وهي بټعيط...
سعاد
شايف ابنك يا زكريا شايف بيعمل فيا ايه بسبب اخوك وبنته...
_ وتاني يوم راح زين بعد ما خلص شغله بيت عمه وكانو قاعدين يتعشو وقاله عيسي..
عيسي
حلو اوووي الكباب ده يا زين بعد الجواز اعمل حسابك انك كل ما تجيب كباب انا هاجي اتعشي عندك..
زين
تنورني والله يا عمي