ابني اخدني المقاپر

الورقه معاكي فلوس تكفي تجبيهم..
سعاد
وانا هجيب منين مبلغ زي ده اكيد هاخد من حماتي..
عيسي
حماتها رجلها وجعتها ومش هتقدر تطلع عندك تاني هي كلمه عايزه ابنك يخف واديكي اللي انتي عايزاااه تعملي اللي انا عايزه..
نزلت دموع سعاد وقالت
اخوك لما كان عايش كان عارفك واطي عشان كده كتب الشقه باسم ابنه خااف عليه منك وانت بعد ما اخوك قابل وجه رب كريم وهو في عز شبابه انت جاي طمعان في مراته في الحړام..
عيسي
خلصتي الخطبه بتاعتك يا ست الشيخه خليكي بقي جنب ابنك وكحو تراب وانسي اني اخلي امي تديكي قرش واحد يا وش الفقر انتي...
_ قال كلامه وسابها وطلع ومسكت سعاد التلفون بتاع البيت الارضي وكلمت امها اللي ردت عليها وقالت..
روحيه
الو مين معايا..
سعاد
انا سعاد يا ماما عامله ايه يا حبيبتي..
روحيه
سعاد اخبارك ايه طمنيني عليكي مش ناويه تيجي تقعدي معانا شويه في البلد هنا...
سعاد
ان شاء الله يا ماما قوليلي بس هو عادل اخويا معاه فلوس...
روحيه
والله اخوكي حاله يصعب علي الكافر بقي بيشتغل ورديتين عشان يقدر يكفي مراته وعياله الدنيا بقيت غاليه اوووي انتي محتاجه فلوس انا معايا الحلق الدهب بتاعي ابيعه وابعتلك تمنه علي البوسطه..
سعاد بحزن
لا لا يا اما انتي مخليه الحلق ده لوقت انا بس قولت استلف منه لحد. ما اقبض بس خلاص هاخدهم من حماتي..
روحيه
ماشي با حبيبتي وبعدين زنقتك هي زنقتي ومش مسمحاكي لو محتاجااه وما رضتيش تاخديه..
_قفلت معاها سعاد وقلعت الدبله اللي في ايدها وشالت ابنها علي قلبها ونزلت وراحت محل دهب وباعت الدبله والراجل قالها..
الراجل
والله انا شايف الحاله اللي انتي فيها وابنك شكله تعبان وعشان كده كارمك في سعرها انما انا خسران فيها..
سعاد
ربنا يخليك يا استاذ بقولك ايه انا شايفه انك
معلق يافته بره وعايز عامل نظافه تنفع واحده ست..
الراجل ابتسم وقالها
تنفع يا بنتي وكمان في اوضه جوه فيها شوية حاجات قديمه عشان لو جيبتي ابنك معاكي يقعد فيها..
ابتسمت سعاد وقالت
ربنا يخليك ويبارك فيك يا استاذ انا من بكره هكون هنا الصبح وتحت امرك في اي حاجه..
الراجل
ماشي اتفقنا وان شاء الله هعملك مرتب كويس يفرحك..
_ وفعلا بدأت سعاد تشتغل اليوم كله في المحل تمسح وتكنس وتروق المحل اللي كان كبير جدا وكانت ترجع البيت اخر اليوم وبتحوش الفلوس عشان تعمل العمليه لابنها...
وفي يوم رجعت من الشغل وعشت ابنها ونيمته وبعدين دخلت الحمام عشان تستحمي ولما طلعت كانت لابسه عبايه طويله وواسعه ولقيت في وشها عيسي اخو جوزها زعقت فيه وقالت..
سعاد
انت بتهبب ايه عندك يا جدع انت اتنيل اطلع بره..
عيسي
هكون بعمل ايه جاي اشوف ارملة اخويا اللي مسؤله مني كانت فين وبتعمل ايه..
سعاد پحده
مسؤله من مين يا عرة الرجاله داخل عندي ليه امشي اطلع بره..
عيسي
عيسي
يا بت فكري كويس لما العمر يعدي وتكبري ابنك ده هيرميكي ويروح يتجوز وانتي هتقعدي لوحدك...
سعاد
ابني متربي وعمره ما هيرميني..
وراحت وقفت عند الباب وقالت
هااات المفتاح يلااا واطلع بره واياك تطلع عند شقتي تاني والا والله هصوت واخلي اللي ما يشتري يتفرج عليك..
عيسي بغيظ
وطي صوووتك ده وطالع يا وش الفقر انتي خليكي كحي تراااب واشحتي علي ابنك..
_ قال كلامه ومشي وقعدت سعاد ټعيط علي حالتها اللي اتبهدلت من لما جوزها راح..
وعدت فتره وعملت سعاد العمليه لابنها وراحت عندها ثريا حماتها وهي سانده علي عكاز وقالتلها..
ثريا
حقك عليا يا بنتي انا ما عرفتش اساعدك في حاجه في عملية الواد من لما رجلي وجعتني