ارتحت من حماتي وخاېفة جوزي يعرف

ما فيش حاجه حصلت هو انت حد قالك حاجه ولا ايه
نبيل
ايوه امل قالتلي ان ماما وقعت النهارده مش تخلي بالك منها ولا انتي قاصده
احلام
لا والله هو ايه اللي قاصده انا مستحيل اعمل حاجه زي دي في ماما
نبيل
طيب لو سمحتي خلي بالك منها يا احلام انا مش عايز اخلي ماما هنا ومش هخليها تروح اي مكان فبلاش نخسر بعض
احلام
اوعي تقول كده تاني يا حبيبي انا بس قولت كده في وقت عصبيه انما ماما دي في عنيا
نبيل
ايوه كده يا حبيبتي ربنا يكملك بعقلك
وفي بيت ناديه سلفتي
سامي
انتي بقالك ساعه قاعده ماسكه الموبيل بتاعك بتعملي ايه
ناديه
بدور علي واحده تقعد مع ماما عشان نبيل كلمني وقالي ان مراته تعبانه شويه
سامي
طيب وكان عليكي ايه من الاول ما كنتي جيبتي ليها البنت دي هنا
ناديه
لا طبعا لو جيبتها هنا كنا انا وانت اللي هندفع الفلوس بتاعت البنت دي انما هناك اخويا نبيل علي قلبه قد كده ويدفع بقي
سامي
بزمتك يرضيكى ان عيالك يعملو فيكي كده
ناديه
اوف بقي بطل كلامك اللي مالوش لازمه ده لو سمحت وسيبني اعمل اللي يريحني وجات تاني يوم عندي ومعاها بنت عندها 25 سنه وقولتلها
احلام
خير يا ناديه مين دي اللي انتي جيباها معاكي لتكون واحده هتخليها تقعد عندي واشيل شيلتها هي كمان
ناديه
لا كفايه عليكي ماما انا قولت تلاقيها تعبتك فقولت اساعدك شويه واجيب الممرضه دي اهو تاخد بالها من ماما
احلام
والله انا ما بحبش حد غريب يقعد معايا ومع بناتي وجوزي بس اعمل ايه حكم القوي قوليلي بس هو مين اللي هيدفعلها مرتبها
ناديه
والله ده موضوع بيني وبين اخويا وامي يا مرات اخويا ريحي انتي نفسك بقي من الحكايه دي ويلا بقي انا همشي وانتي يا رباب خلي بالك من ماما ومشيت ورباب قالت
رباب
هو حضرتك مش عايزاني اكون موجوده هنا يا ابله
احلام
ايه ابله دي يا بت انتي هو احنا قاعدين في مدرسه ولا ايه
رباب
والنبي ما اقصد طيب حضرتك تحبي اندهلك واقولك ايه ولا ابنك الكبير اسمه ايه عشان اقولك يا ام فلان
احلام
مش معقول الاشكال اللي ناديه جيباها دي انا اسمي مدام احلام وقومي يلا ادخلي عند الست اللي جوه دي
وشوفيها عايزه ايه وخليكي عندها واسمعي علي قد ما تقدري اياكي تطلعيها بره الاوضه مفهوم
رباب
حاضر يا مدام احلام بس انا همشي الساعه 7 بالليل وهاجي الساعه 9 الصبح انا عندي ابويا ومراته يطينو عيشتي لو اتاخرت
احلام
طيب طيب بطلي رغي كتير يلا وادخلي شوفي شغلك وبالليل لما جه نبيل حصل
نبيل
المهم برضو تاخدي بالك منها وتخلي بالك من امي يا احلام انا ما اطمنش عليها مع الغريبه دي
احلام
ومدام كده ما خليتهاش ليه تقعد بيها عند اختك ونرتاح
نبيل
تاني كلام من ده يا احلام هو انتي لازم يعني اټخانق معاكي وطلعت دينا من اوضتها
دينا
بابا انا كنت رايحه عند هاله صحبتي شويه وهرجع
نبيل
لا الوقت اتاخر ادخلي وابقي روحيلها الصبحح
دينا
يا بابا لسه الساعه سبعه والوقت بدري جدا انا هروح عندها نص ساعه وارجع تاني علي طول
نبيل
وانا قولت لا يعني لا وادخلي يلا اقعدي جوه مع اختك
دينا
حاضر يا بابا بعد اذنك بس يا ماما انا عايزك في كلمتين ممكن وقومت وروحت معاها عند المطبخ
احلام
في ايه يا بت يا دينا عايزه ايه وايه الكلمتين اللي انتي عايزاني فيهم علي جنب دول
دينا
بقولك ايه يا ماما انا لازم اخرج دلوقتي وانتي هتساعديني
احلام
وانا اعملك ايه يا بت ما انتي عارفه ان ابوكي لما يقول علي حاجه لا يبقي لا
دينا
بس هو لو عرف اللي انتي عملتيه في تيته النهارده برضو هيزعل فيزعل اني هخرج احسن ما يزعل ان امه اتضربت
احلام
اااه منك يا براويه انتي طيب اقفي هنا وانا هتصرف مع ابوكي وطلعت عند نبيل
احلام
بقولك ايه يا حبيبي ما تسيب البت تروح لصاحبتها نص ساعه بالظبط ده البت تعبانه وده واحب تزورها
نبيل
طيب هي نص ساعه ولو اتأخرت عن كده ما تعرفش انا هعمل فيها ايه وطلعت دينا وقالت
دينا
والله هي النص ساعه ومش هتأخر عنها خالص يا حبيبي يا بابا وطلعت راحت لصحبتها
وعدي كام يوم ورا بعض وكنت قاعده بكلم واحده صحبتي في الموبيل وبقولها
احلام
مش عارفه يا اسماء اعمل هو بقي كل حاجه