ارتحت من حماتي وخاېفة جوزي يعرف

مش هخلص منك يلا سلام ورايا شغل
ولقيت نبيل بيتصل بيا وبيقولي
بقولك ايه يا احلام انا هعدي على نادية اختي بعد الشغل عشان لو اتاخرت ولا حاجة
احلام
ليه يانبيل هي امك جرا لها حاجة ولا ايه
نبيل
لا ياستي بتقول ان امي كويسة بس بتقول عايزاني في موضوع مهم لما اروح اشوفها عايزة ايه
احلام
طيب يانبيل براحتك ياحبيبي
وقفلت معاه
وراح نبيل عند نادية ودخل امة اول ماشافتة عيطت وفضل تشاورلها يقرب منها عشان تحضنه ونبيل قالها
نبيل

فضلت امه تطبطب عليه وتهز راسها انها فرحانة بيه
نادية
ايه يا نبيل هو انا لازم اطلبك عشان تيجي تزور اختك وتشوفك امك ولا الست احلام وبنتها واخدينك كده علطول
نبيل
وهما هياخدوني من مين بس يانادية هياخدوني من امي واختي لا طبعا وبطلي كلامك ده قدام امك
وبصت امه ليه وفضلت تهز راسها
نبيل
معلش ياحبيبتي انا عارف اني انا مقصر معاكي بس والله بكون في شغلي علطول مفيش راحة
فضلت امه تطبطب عليها وترفع ايديها للسما
نادية
ايوه ياعم اهي عماله تدعيلك اهيه يلا ربنا يقبل منها
[[system-code:ad:autoads]]نبيل
ربنا يخليها لينا هو احنا عايشين غير بدعواتها يانادية
نادية
طيب تعالي ندخل جوه عايزاك في كلمتين
ودخلت معاه الاوضه وقالت
بص بقا يانبيل انت مش غريب عني انت اخويا وسندي عشان كده هاقولك اللي جوايا
نبيل
قولي يانادية في ايه ياحبيبتي انتي محتاجه فلوس ولا ايه قولي وانا رقبتي سدادة
نادية
لا ياحبيبي فلوس ايه الخير كتير والحمد لله انا كنت عايزاك في موضوع تاني خالص انا بس عايزة اني تعبانة وجالي الغضروف انت عارف وامك عايزة صحة جامده وانا مبقتش بقدر اشيلها واغير وانضف تحتها انا تعبت اوي يانبيل
نبيل
خلاص يانادية هاتي واحده ترعاها وانا هدفعلها اللي هي عايزاه
ناديه
طيب وهي اللي هتيجي تراعيها دي هتهتم بيها زي ولادها برضو
نبيل
امال انتي عايزة ايه يانادية ماتقولي علطول
نادية
انا عايزاك تاخد امك عندك واهو احلام والبنات يراعوها شوية بدل التعب اللي انا فيه ده اهو انا شيلتها كتير شيلها شوية انت ومراتك يانبيل
نبيل
بس انتي أولى بيها يانادية على العموم حاضر يانادية انا هاخد امك تقعد عندي شوية وهخلي احلام تشيلها في عنيها حاضر بس سبيني كده يوم ولا اتنين اوضب اموري واجي اخدها
حاضر يانبيل بس متتاخرش عليا بالله عليك
نبيل
للدرجة دي بقا امك تقيلة عليكي يانادية حاضر ياختي هعملك اللي انتي عايزاه
ورجع نبيل البيت قولتله
ايه يانبيل كل التأخير ده هي امك كويسة ياخويا
نبيل
ايوه امي كويسه يا احلام بس في حاجة عايز اقولك عليها
احلام
قول ياحبيبي اللي انت عايزة
نبيل
انا هجيب امي تقعد معانا كام يوم وعشان تاخدي بالك منها انتي وبناتك
احلام
ليه يانبيل هي اختك زهقت منها ولا ايه ااه اكيد زهقت طبعا امك الشلل اللي عندها ده اكيد خلا اختك زهقت وعايزة بقا تبعتها عليا وانا اللي اتعب معاها منا عارفة اختك كويس
نبيل.
ايه يا احلام حيلك شوية وبعدين فيها ايه لما اجيب امي تقعد معانا وتشليها وتخدميها ايه المشكله مش فاهم هي مش زي امك ولا ايه ولا احنا على اخر الزمن نرميها في مرضها ده
احلام
انا مقولتش كده يانبيل انا بس بقول ان اختك أولى بخدمة امك مش انا على فكره يعني
نبيل
بس امي خلفتني وانا ابنها ومراتي ليها حق انها تخدم امي ولا ايه يا احلام
احلام
خلاص يانبيل اعمل اللي تعمله عايز تجبها هاتها انا هاقولك ايه يعني انت حر
نبيل
لا مش اعمل اللي اعمله يا احلام انتي لازم تبقى موافقه وراضيه كمان يا احلام دي كفايه انها هتدعيلك انتي وبناتك شوفي بقا دعواتها عامله ازاي
احلام
خلاص يانبيل قولتلك هاتها وخلاص الله
نبيل
ماشي يا احلام عايزك توضبي الاوضة اللي فاضية بتاعت الضيوف عشان امي تنام فيها وتفهمي بناتك ان ستهم لما تيجي هنا يعاملوها كويس
احلام
وهما يعنى بناتك هيعاملوها وحش يانبيل ماهي جدتهم برضو واكيد هيفرحو بيها
نبيل
خلاص بكرة هعدي على نادية اجيب امي وانا راجع من الشغل
احلام
اللي تشوفه اعمله
ودخلت المطبخ وفضلت اقول
هو انا ناقصه يانبيل تجبلي امك اخدمها كمان دنا بعمل شغل البيت بالعافيه اعوزو بالله منك انت وامك وفي الوقت ده دخلت دينا وقالت
دينا
ايه ياست الكل في ايه انتي بتكلمي نفسك ولا ايه يامامتي
احلام
ولا بكلم نفسي ولا زفت ده ابوكو ده هيجنني الراجل عايز مني ايه مش عارفة والله
دينا
اهدي بس