ام البنات

كنت هامشي بقا اصل سايبه بنتي ومرات ابني في البيت لوحدهم يلا فوتكم بعافيه بقا
ومشيت حماتي من عند نيرة وثريا قالت لها
ثريا
هو انتي مش بترضعي ابنك ليه يانيرة الولد علطول بيعيط ۏجعان ايه مش عايزة ترضعيه
نيرة ارتبكت وقالت
ها لا لا اصل رفض يرضع مني ومش عايز الدكتور كتب لي على لبن هخلي سعديه تحضرو دلوقتي
ثريا بخبث
بس غريبة اوي انه يرفض يرضع منك ده المفروض الطفل اول لما بينزل بيرضع من مامته علطول حاجة غريبة بصحيح
نادية
ولا غريبة ولا حاجة هما في أطفال كده متشغليش بالك انتي يا ثريا
ثريا
امممم كده طيب انا نازله تحت استني مسعد بقا اصله كلمني من شوية وقال انه على وصول
وسابتهم ونزلت ونيرة قالت لأمها
نيره
وبعدين بقا في الست دي ياماما انا حاسه انك هتفضل تستغلني كده علطول وكل شويه هتفضل تقولي عايزه فلوس
نادية
اكيد طبعا هتعمل كده دي وليه بخيله وانا عارفاها كويس تحب القرش زي عنيها وعندها الفلوس أغلى من ولادها بس انتي برضو يانيرة كان المفروض تمسكي عليها حاجة زي ماهي ماسكاكي بالواد ده
نيرة
امسك عليها ايه ياماما بس هي الست دي عندها ضمير اصلا ياماما ربنا يسترها بقا
وعندي حماتي رجعت بالفلوس ودخلت جوه اوضتها وندهت بنتها مي ودخلو وقفلو على نفسهم وقالت لها
الحما
خلاص يابت انا جبت بقيت الفلوس اهي هي كانت فاكرة انها هتقدر تاكلهم عليا لا دي تبقا عبيطة
مي
يلهووووي على شكل الفلوس وحلاوتها ياماما ايه ده يخربيت الفقر خلاص بقا هنودع الفقر واجيب شقه حلوه كده
فايزة
اهدي يابت على نفسك انتي هتقولي لجوزك جبتي الفلوس دي منين اهمدي ومتفضحناش
مي
طيب هنعمل ايه هنصرف الفلوس دي ازاى وامتي ياماما
فايزة
اصبري شوية بس لما الموضوع ينام يابت شهرين تلاته اربعه كده ونطلعهم بقا احنا مشكلتنا في جوزك الفقري ده هنقوله ايه لازم نفكر في حاجة نقنعة بيها
وعند نيرة جوزها رجع من السفر وقابلتة ثريا وقالت له
ثريا
حمد الله على السلامة يا مسعد وحشتني اوي ياحبيبي والله
مسعد
ازيك ياثريا نيرة عامله ايه وابني عامل ايه نفسي اشوفه اوي اوي هي فوق مش كده
ثريا
الله جرا ايه يامسعد هو انا كنت معاك ولا ايه ياراجل هو انا موحشتكش ولا ايه
مسعد
ازاى ياثريا وحشتيني طبعا بس انتي عارفة بقا نيرة لسه والده وعايز اشوف ابني يلا تعالي نطلع نشوفهم
ثريا
طيب لما الحلق اتصل ب مرتاتك يجوا
اصلهم نفسهم يشوفك اوي
مسعد
لا لو سمحت مش عايز حد يجي الفتره دي
اصل انتي عارفه انهم مش بيحبوا نيره وانا عايز
اكون رايق يومين يلا بينا نطلع
وطلعو عند نيرة وامها كانت قاعده معاها في الاوضة ولما شافته قالت
الام
اهلا اهلا ياشيخ مسعد حمد الله على سلامتك ياخويا ومبروك ماجالك
مسعد
الله يبارك فيكي ياحماتي ياوش الخير انتي والله ماتعرفي انا جاي وفرحان اد ايه
نيرة
حمد الله على السلامة يا مسعد ياحبيبي وحشتني شوفت ابنك زي القمر ازاى
مسعد شاله وقال
بسم الله ماشاء الله ربنا يحفظة يارب حمد الله على سلامتك ياحبيبتي
نيرة
الله يسلمك ياحبيبي متعرفش انت كنت وحشني ااد ايه يامسعد تعرف ان ابنك شبهك بالظبط
الحما
ايوه والله ياشيخ مسعد ده واخد ملامحك كلها كانه نسخة منك بس على صغير ههههه
ثريا عوجت بوقها وقالت
ثريا
ااه ياحبيبتي ماهو لازم يبقا شبهه هو مش ابنه برضو ولا ايه
نيرة ارتبكت من كلام ثريا وقالت
ااا ااه طبعا ياثريا ابنه ونص كمان اومال ايه
وفضل مسعد شايل الولد الصغير ومش عايز يسيبة وبعدين لما عيط قالها
مسعد
خودي يانيرة رضعي الولد شكلة جعان اوي خودي
نيرة
روحي حضري الرضعة ياماما عشان ارضعة
مسعد باستغراب
رضعة ايه يانيرة هو مش المفروض انه بيرضع طبيعي ايه لازمة بقا الرضعة دي
نيره
اصل...
ولسه هتكمل كلامها ثريا قالت له
ثريا
لا يامسعد ابنك بيرضع صناعي اصل اول ماتولد مرضاش قال ايه يرضع من أمه فرضعته صناعي
مسعد
طيب مش تشوفي الموضوع ده يا ثريا انا اسمع ان الصناعي ده وحش على الأطفال وبيجيب لهم أمراض بعد كده شيلي والولد وسمي الله ورضعيه طبيعي يلا يانيرة وان شاء الله ربنا يهديه
نيرة بارتباك
ماهو اصل يامسعد اااا انا انا حاولت معاه كتير ومرضاش برضو هعمل ايه تاني يعنى وبعدين الدكتور قالي ان الصناعي مش هيضرة خلاص بقا وبعدين تعالي هنا فين الهدية اللي وعدتني بيها بقا
مسعد
اهاا تصدقي نسيت الواد