قصة حقيقية رووووعه بقلم هويدا زغلول

مابني نزل
الخاله
معلش ياحبيبتي اصل اول ولاده بتبقا صعبه كده وغمزت لها عشان تخلي ثريا تخرج بره الاوضة
ونيرة قالت
معلش ياثريا ياختي ممكن بس تنزلي لسعدية تخليها تعمل حاجة لخالتي تشربها
ثريا
هاااه ااه طبعا من عنيا
وسابتهم ثريا وخرجت بره وحماتي قالت لنيرة
الحما
انا جايه لكي عشان اخد بقيت الفلوس دلوقتي
نيرة
طيب ياخالتي استني بس شوية كده وانا هجيب لك الفلوس لحد البيت بنفسي انتي عارفه دلوقتي مش هعرف دلوقتي عشان ثريا متشكش في حاجة
الخاله
لا عين امك اسمعي يابت انتي اتفقتي معايا اديكي الواد تديني الفلوس كلها رجعتي في كلامك وقولتي بقيت الفلوس هتجيبها بعدين قولت ماشي اجي بنفسي اخدهم انما هتلعبي معايا لا ياحبيبتي ده انا اخد ابن ابني دلوقتي حالا وامشي
نيرة
لا لا ياخالتي مش هينفع بصي خلاص انا هديكي بقيت بس تحطيهم علطول في شنطتك
ودخلت امها عندها وقالت
الام
في ايه يافايزة جرا ايه ياختي صوتك عالي كده ليه ده انا سمعاكي وانا جايه على هنا ماطوتي صوتك شوية انتي عايزة تفضحي البت ولا ايه
فايزه
اصل المحروسة بنتك يا نادية كانت عايزة تضحك عليا وباين كانت عايزة تاكل عليا بقيت حقي
نادية
وهي تقدر برضو تاكل عليكي حقك يافايزة ليه وهو انتي كنتي هتسكتي لها ده احنا عارفينك كويس
ودخلت ثريا وقالت لهم
ثريا
اتفضلي ياست فايزة اشربي العصير اهو بالف هنا
فايزة
تسلم ايدك ياحبيبتي منحرمش منك يارب ده كنت هامشي بقا اصل سايبه بنتي ومرات ابني في البيت لوحدهم يلا فوتكم بعافيه بقا
ومشيت حماتي من عند نيرة وثريا قالت لها
ثريا
هو انتي مش بترضعي ابنك ليه يانيرة الولد علطول بيعيط ۏجعان ايه مش عايزة ترضعيه
نيرة ارتبكت وقالت
ها لا لا اصل رفض يرضع مني ومش عايز الدكتور كتب لي على لبن هخلي سعديه تحضرو دلوقتي
ثريا بخبث
بس غريبة اوي انه يرفض يرضع منك ده المفروض الطفل اول لما بينزل بيرضع من مامته علطول حاجة غريبة بصحيح
نادية
ولا غريبة ولا حاجة هما في أطفال كده متشغليش بالك انتي يا ثريا
ثريا
امممم كده طيب انا نازله تحت استني مسعد بقا اصله كلمني من شوية وقال انه على وصول
وسابتهم ونزلت ونيرة قالت لأمها
نيره
وبعدين بقا في الست دي ياماما انا حاسه انك هتفضل تستغلني كده علطول وكل شويه هتفضل تقولي عايزه فلوس
نادية
اكيد طبعا هتعمل كده دي وليه بخيله وانا عارفاها كويس تحب القرش زي عنيها وعندها الفلوس أغلى من ولادها بس انتي برضو يانيرة كان المفروض تمسكي عليها حاجة زي ماهي ماسكاكي بالواد ده
نيرة
امسك عليها ايه ياماما بس هي الست دي عندها ضمير اصلا ياماما ربنا يسترها بقا
وعندي حماتي رجعت بالفلوس ودخلت جوه اوضتها وندهت بنتها مي ودخلو وقفلو على نفسهم وقالت لها
الحما
خلاص يابت انا جبت بقيت الفلوس اهي هي كانت فاكرة انها هتقدر تاكلهم عليا لا دي تبقا عبيطة
مي
يلهووووي على شكل الفلوس وحلاوتها ياماما ايه ده يخربيت الفقر خلاص بقا هنودع الفقر واجيب شقه حلوه كده
فايزة
اهدي يابت على نفسك انتي هتقولي لجوزك جبتي الفلوس دي منين اهمدي ومتفضحناش
مي
طيب هنعمل ايه هنصرف الفلوس دي ازاى وامتي ياماما
فايزة
اصبري شوية بس لما الموضوع ينام يابت شهرين تلاته اربعه كده ونطلعهم بقا احنا مشكلتنا في جوزك الفقري ده هنقوله ايه لازم نفكر في حاجة نقنعة بيها
وعند نيرة جوزها رجع من السفر وقابلتة ثريا وقالت له
ثريا
حمد الله على السلامة يا مسعد وحشتني اوي ياحبيبي والله
مسعد
ازيك ياثريا نيرة عامله ايه وابني عامل ايه نفسي اشوفه اوي اوي هي فوق مش كده
ثريا
الله جرا ايه يامسعد هو انا