انا ومرات ابويا

منها هي واخوها ده
اسلام
فايزة
طيب يافالح بس تنجز وتتصرف بسرعه في البلوتين اللي جوه دول
وخرجت نور من الاوضه وقالت
انا عايزه اتكلم معاكم ممكن
فايزة
عايزة تقولي ياختي
نور
كنت عايزة اقول يعني ان بابا خلاص راح ومش راجع والحي ابقي من اللي راح مش كده
اسلام
اممممم وبعدين ايه المطلوب انجزي وقولي
نور
عايزة اقول انكم قولتو ان بابا كتبلك يا مرات ابويا بص البيت والمحل صح انا ممكن ابيعلكم النص بتاعي انا واخويا بس تسبونا نمشي من هنا وانا اوعدكم ان محدش فينا هينطق بكلمة قولتو ايه
اسلام
تمشي ايه يا حلوة انا بحبك وعايز اتجوزك ما فيش مشي من هنا يابت
نور
وانا قولت مش هتجوزك وياما تعملو اللي قولت عليه ياما هعمل اللي عندي وانتو حرين بقي
وسابتهم ودخلت واسلام قال لامه
انت عجبك الكلام ده يا ماما
فايزة
اسمع يا واد هي عندها حق هي تاخد قرشين وتبيع نص البيت وتغور هي واخوها من هنا
اسلام
تغور ايه انا بحبها يا ماما
فايزة
حبك برص يا اخويا وانت فاكر انها هتتجوزك يا واد بعد اللي عملنااه في ابوها اتنيل ولازم نمشيهم تعالي ندخلها ونتفق معاها
وقامو فعلا ودخلو عند نور وفايزة قالت
خلاص يانور احنا موافقين على عرضك بس اسمعي يابت تيجبي سيرتنا بحاجة هنخلص عليكي انتي واخوكي في ساعه واحده
نور
وانا برضو هقدر افتح بوقي وبعدين انا هستفاد ايه لو اتكلمت هو انا معايا اي دليل
اسلام
خلاص يا ماما يبقا نتصل بالاستاذ منصور المحامي بتاعنا ويجي يخلص
نور
هو المحامي بتاعكم اسمه منصور وده منين بقي ان شاء الله
اسلام
ساكن في الشارع اللي ورانا
فايز
وانتي بتسالي ليه يابت وانتي مالك اصلا
نور
انا بسأل سؤال عادي ما فيهاش حاجة
اسلام
ماشي يا ست بقولك ايه يا ماما انا جعان
نور
على فكرة واحنا كمان انا هقوم اعمل اكل لينا كلنا
ودخلت نور المطبخ وطلعت شريط البرشام اللي كان بتاع ابوها وبياخد منه سعات عشان ينام... وحطت منه في الاكل وخرجت قالت..
نور
يلا الاكل جاهز انا عملتلك بسطرمة بالبيض اللي بتحبها يا اسلام كل بالهني والشفي
اسلام
ده ايه الرضا ده تكونيش حبتيني فجأه يا بت ولا ايه
فايزة
كل وانت ساكت يا واد انت
وفضل ياكلو وفايزة قالت
ايه مش هتاكلي يا بت يا نور
نور
ما انتي عارفة يا مرات ابويا اني مش باكل البيض انا هاكل جبنة
وبعد ما فايزة وابنها اكلو نامو ودخلت نور اخدت ياسين وفتحت باب الشقه ونزلت بسرعه راحت عند ريم صاحبتها وخالد اخوها اللي عايشين لوحدهم مع مامتهم..
ريم
ايوه مين اللي بيخبط
نور
افتحي ياريم انا نور
ريم فتحت الباب بسرعه
نور ايه ده ايه اللي جابك في وقت زي ده ادخلي بسرعه ادخل يا ياسين
الام
مين ياريم
ريم
دي نور صاحبتي ياماما واخوها
الام
يا اهلا وسهلا يابنتي
_ونور اترمت في حضڼ ام ريم وفضلت ټعيط وكأنها لقيت الملجأ ليها من تعب الدنيا كلها..
ريم
اهدي يانور في ايه ياحبيبتي
الام
ياقلبي يابنتي طيب ادخلي نامي دلوقتي والصبح نبقا نتكلم
نور بټعيط وفضلت تشهق وقالت
انا انا انا واقعه في عرضكم انكم تساعدوني ارجوكم
وخرج خالد من اوضتة واستغرب وقال
ايه نور عندنا اهلا يانور مالك في ايه
ريم
من ساعت ما جات وهي مڼهارة كده ومش فاهمين منها حاجة وياسين اخوها مش بيتكلم
نور
م م مرات ابويا اااا خلت ياسين يتخرس ومش بيتكلم
_خالد وريم ومامتهم كلهم اټصدمو والام قالت بدموع..
الام
انتي بتقولي ايه ازاااي تعمل كده في ولد صغير
خالد
ازاى المچرمة دي تعمل كده في اخوكي ازاى
الام
يا قلبي يا ابني هو في واحدة ما عندهاش قلب كده
خالد
ادخلي ياريم اعملي اكل لنور واخوها
نور قالت بدموع
مش عايزين ناكل انا عايزة اللي يساعدنا
الام
طيب يابنتي اشربي لمون ولا حاجة عشان تروقي كده ونعرف نتكلم ادخلي ياريم اعملي اي حاجه يشربوها
وبعد شوية نور هديت وقالتلهم
مرات ابويا وابنها هما السبب في اللي حصل لابويا بعد ما خلو المحامي يغير الوصية بتاعتة ويكتب نص البيت والمحل باسمها لانه كان كاتب كل باسمنا وياسين اخويا عرف كل ده وشافهم ولما قالي قدامهم انهم عملو كده مرات ابويا مسكته وحطت فحمه كده علي لسانة قدامي خلاته مش بيتكلم وما كنتش عارفه اعمله حاجه
الام
لا حول ولا قوة الا بالله هو كده دي ما عندهاش قلب دي ولا ايه
خالد
وايه اللي سكتك كل ده يانور ما روحتيش بلغتي عنها ليه من ساعت ۏفاة باباكي ليه سكتي لحد دلوقتي
نور
عشان