اختي علشان مش عارفه تخلف حرمت عيالي من الاكل

عزه
انتي تخرسي خالص انتي سامعه ولا لا
انا بكرهك مش عايزكي تكوني في حياتي
عايزه تخربي بيتي مش كده
أحمد
قدامي ياعزه على البيت لحسن اقسم بالله ارمي عليكي اليمين دلوقتي يلا
عزه
هطلقني عشانها يا احمد دي اخرتها
أحمد
قولتلك قدامي ياعزه يلااا
وأحمد اخد عزه ومشي وحماتي قالت لي
الحما
ها عقلتي ولا لسه خليكي كده طول ما انتي متكبرة على ابني سيد انا هعملك كل يوم ڤضيحة شكل واذا عاجبك
ليلى
انتي معندكيش رحمة معندكيش قلب حسبي الله ونعم الوكيل
الحما
انا قولتهالك كلمة ياختي وعقلك في راسك اعرفي خلاص
وسابتني ونزلت شقتها وانا لطمت على وشي وفضلت اعيط
وعزه اختي روحت البيت واول لما دخلت قالت لجوزها
عزه
بقا دي اخرتها تنزل من هنا تروح على الست هانم عشان تصالحها ايه مهانش عليك تشوف زعلانة وجريت وراها
أحمد
اخرسي ياعزة ومسمعش صوتك خالص انتي ايه ياشيخة معندكيش ډم
عزه
أحمد
ڤضيحة ايه ياعزه دي وليه مچنونة وعقلها طاقق انا كنت رايح اراضي اختك بعد ماسميتي بدنها بكلامك هي وعيالها ومشيو من عند جعانين انتي ايه مش بتحسي باختك ولا بظروفها
عزه
لا مش بحس ولا عايزه احس بيها وتغور هي وعيالها في داهية هما مش ملزومين مني عشان ااكلهم يروحو ياكلو في الشارع
أحمد
اخس عليكي انتي فعلا معندكيش وانا من رايح مش قاعد لك في البيت ده دقيقة واحده وسابها ومشي
عزه قالت
استني يا احمد استني هنا يا أحمد وسبها ومشي ولا سال فيها
وعند حماتي سيد ابنها رجع من برة وقالها
سيد
في ايه ياما ايه اللي حصل في البيت النهارده
الام
ليه ياما ايه اللي حصل
الام
دخلت عندها لقيت جوز اختها عندها وجايب لها شيء وشيويات رحت متصله بمراتة جات وعملت لهم ڤضيحة
سيد
يانهارها اسود ازاى تدخل راجل غريب شقة اخويا اوعي ياما انا هطلع اطلع عين اللي جابوها
الام
استني ياسيد بس ما انت هطلع عين اللي جابوها فعلا بس مش دلوقتي انت تتجوزها عشان تاخد منها الشقة اللي اخوك كتبها باسمها دي وبعد ماتخليها تتنازل عنها نرميها في الشارع
سيد
يابنت الايه ياما دماغك دي ايه عنب
الام
اومال لازم نفكر كده ونعقلها مش كل حاجة بتتاخد عافيه
سيد
يعنى اعمل ايه دلوقتي معاها ياما
الام
انت هتطلع دلوقتي وتقولها انتي اتفضحتي في الشارع ولازم نتجوز بدال ما الناس كلها تفضل تجيب في سيرتك
سيد
وتفتكري هتوافق ياما
الام
هتوافق دي لازم توافق عشان هتخاف من الڤضيحة
سيد
الا ياما لو البت ليلى دي وافقت على اني اتجوزها والله لاحلى لك بوقك انتي عارفة البت دي حلوه واحلى من الخناشير اللي انا متجوزة ومعششه في دماغي من ايام مكانت مع ابنك الله يرحمة
الام
خلاص بقا يواد هتتجوزها يعنى هتتجوزها
سيد
طيب انا طالع لها دلوقتي واخلي بطنها تكركب شوية
وطلع سيد وخبط على وفتحت وقالي
ايه الكلام اللي انا سمعتة ده يا ليلي
ليلى
كلام ايه ده ياسيد اللي سمعتة
سيد
سيرتك اللي بقت على كل لسان دي وانا جاي على هنا مفيش سيرة على لسان الناس غيرك انتي وجوز اختك اللي كان عندك هنا انا عايز اعرف كان بيعمل ايه
ليلى
جوز اختي ده بعتبرة زي اخويا بالظبط ياسيد وهو جه هنا عشان يشوف ولادي يعنى مفيش حاجة بينا وعيب لما تصدق عليا كده وغير كده وكده امك هي اللي عملت المشكلة اصلا
سيد
ما انا برضو مصدقتش عليكي